ಬ್ರಿಕ್ಸ್ ಶೃಂಗಸಭೆ ಊಟದ ವದಂತಿಗಳ ಬಗ್ಗೆ ವದಂತಿಗಳಿಗೆ ಸಚಿವಾಲಯದ ಸ್ಪಷ್ಟನೆ
ನವದೆಹಲಿ: ಭಾರತದ ರಾಷ್ಟ್ರ ರಾಜಧಾನಿ ನವದೆಹಲಿಯಲ್ಲಿ ಎರಡು ದಿನ (ಸೆ. 12 ರಿಂದ 13) ಗಳ ವರೆಗೆ ನಡೆದಿದ್ದ, ಬ್ರಿಕ್ಸ್ ಶೃಂಗ ಸಭೆಗೆ ಆಗಮಿಸಿ, ಇಲ್ಲಿಯ ಊಟವನ್ನು ಸೇವಿಸಿದ ಅನೇಕ ವಿಶ್ವ ನಾಯಕರು ಅನಾರೋಗ್ಯ ಪೀಡಿತರಾಗಿದ್ದಾರೆಂದು ಕೆಲ ಮಾಧ್ಯಮಗಳು ವರದಿ ಮಾಡಿದ್ದವು.
ಆದರೆ, ಇಂದು (ಗುರುವಾರ, ಸೆ.17) ಈ ಎಲ್ಲಾ ವದಂತಿಗಳ ಬಗ್ಗೆ ಮೌನ ಮುರಿದಿರುವ ವಿದೇಶಾಂಗ ಸಚಿವಾಲಯ (MEA on BRICS Summit Meal), ಇದೊಂದು ಶುದ್ಧ ಸುಳ್ಳು ಸುದ್ದಿಯಾಗಿದ್ದು, ಬ್ರಿಕ್ಸ್ ಸಮಾವೇಶಕ್ಕೆ ಆಗಮಿಸಿದ್ದ ಅತಿಥಿಗಳ ಆರೋಗ್ಯ ಸ್ಥಿತಿ ಚೆನ್ನಾಗಿಯೇ ಇದೆ ಎಂದು ಸ್ಪಷ್ಟಿಕರಣ ನೀಡಿದೆ.
ಜಿನ್ ಪಿಂಗ್, ರಾಮಫೋಸಾ ಆರೋಗ್ಯದಲ್ಲಿ ವ್ಯತ್ಯಯ!
ಭಾರತದಲ್ಲಿ ನಡೆದಿದ್ದ ಬ್ರಿಕ್ಸ್ ಶೃಂಗಸಭೆಗೆ ಸದಸ್ಯ ದೇಶಗಳು ಸೇರಿ ವಿದೇಶಗಳ ನೂರಾರು ಅತಿಥಿಗಳು ಆಗಮಿಸಿದ್ದರು. ಈ ಸಂದರ್ಭದಲ್ಲಿ ಭಾರತದಲ್ಲಿ ತಯಾರಿಸಲಾದ ಅಡುಗೆಗಳನ್ನು ಸೇವಿಸಿ, ವಿಶ್ವ ದರ್ಜೆ ನಾಯಕರ ಆರೋಗ್ಯದಲ್ಲಿ ವ್ಯತ್ಯಯವಾಗಿದೆ ಎಂದು ಕೆಲ ಸುದ್ದಿ ಸಂಸತೆಗಳು ವರದಿ ಮಾಡಿದ್ದವು.
ಅದರಲ್ಲೂ, ಚೀನಾ ಅಧ್ಯಕ್ಷ ಜಿನ್ ಪಿಂಗ್ ಮತ್ತು ದಕ್ಷಿಣ ಆಫ್ರಿಕಾ ಅಧ್ಯಕ್ಷ ಸೈರಿಲ್ ರಾಮಫೋಸಾ ಅವರ ಆರೋಗ್ಯದಲ್ಲಿ ಭಾರಿ ವ್ಯತ್ಯಯವಾಗಿದೆ ಎಂಬ ತಲೆ ಬರಹವುಳ್ಳ ವರದಿಗಳು ಪ್ರಕಟವಾಗಿದ್ದವು. ಈ ಮೂಲಕ ಭಾರತದಲ್ಲಿ ಯಶಸ್ವಿಯಾಗಿ ನಡೆದ ಬ್ರಿಕ್ಸ್ ಸಮಾವೇಶಕ್ಕೆ ಕೆಟ್ಟ ಹೆಸರನ್ನು ತರುವುದು ಉದ್ದೇಶವಾಗಿತ್ತು.
ಇವೆಲ್ಲಾ ಸುಳ್ಳು ಸುದ್ದಿ!
ಆದರೆ, ಈಗ ಈ ಎಲ್ಲಾ ವದಂತಿಗಳಿಗೆ ತೆರೆ ಎಳೆದಿರುವ ವಿದೇಶಾಂಗ ಸಚಿವಾಲಯ, ತಮ್ಮ ಫ್ಯಾಕ್ಟ್ಚೆಕ್ (ಸತ್ಯಾಂಶ ಪರಿಶೀಲನೆ) ಅನ್ನು ಟ್ವಿಟರ್ನಲ್ಲಿ ಪೋಸ್ಟ್ ಮಾಡುವ ಮೂಲಕ, ಇವೆಲ್ಲಾ ಕೇವಲ ಸುಳ್ಳುಸುದ್ದಿಗಳೆಂದು ತಿಳಿಸಿದೆ. ಬ್ರಿಕ್ಸ್ ಸಮಾವೇಶಕ್ಕೆ ಕಳಪೆ ಗುಣಮಟ್ಟದ ಆಹಾರ ಸಾಮಾಗ್ರಿಗಳನ್ನು ಬಳಸಲಾಗಿದೆ, ಶುಚಿತ್ವವಿಲ್ಲದ ಸ್ಥಳದಲ್ಲಿ ಅಡುಗೆ ಮಾಡಲಾಗಿದೆ ಹಾಗೂ ಆರೋಗ್ಯವನ್ನು ಕೆಡಿಸುವಂತ ಆಹಾರವನ್ನು ಅತಿಥಿಗಳಿಗೆ ಉಣಬಡಿಸಲಾಗಿದೆ ಎಂದು ಬಿಂಬಿಸುವ ಪೋಸ್ಟಗಳು ಸರಿಯಿಲ್ಲ, ಸತ್ಯಾಂಶದಿಂದ ಕೂಡಿಲ್ಲವೆಂದು ವಿದೇಶಾಂಗ ಸಚಿವಾಲಯ ಸ್ಪಷ್ಟಪಡಿಸಿದೆ.
ಭಾರತದಲ್ಲಿ ನಡೆದ ಬ್ರಿಕ್ಸ್!
ಈ ಬಾರಿಯ ಅಂದರೆ 18 ನೇ ಬ್ರಿಕ್ಸ್ ಶೃಂಗಸಭೆಯು ಭಾರತದ ನವದೆಹಲಿಯಲ್ಲಿ ಸೆಪ್ಟೆಂಬರ್ 12 ಮತ್ತು 13 ರಂದು ನಡೆಯಿತು. ಈ ಸಮಾವೇಶಕ್ಕೆ ಬ್ರಿಕ್ಸ್ ಸದಸ್ಯ ದೇಶಗಳ ಜೊತೆಗೆ ಇತರೆ ವೀಕ್ಷಕ ದೇಶಗಳ ಪ್ರತಿನಿಧಿಗಳು, ನಾಯಕರು ಆಗಮಿಸಿದ್ದರು. ಭಾರತದಲ್ಲಿ ನಡೆದ ಈ ಬ್ರಿಕ್ಸ್ ಸಮಾವೇಶವು, ಯುರೋಪಿಯನ್ ಯೂನಿಯನ್ ಹಾಗೂ ಅಮೆರಿಕ ನೇತೃತ್ವದ ನಾಟೋಗೆ ನೇರವಾಗಿ ಸವಾಲನ್ನು ಒಡ್ಡಿದೆ ಎಂದು ಜಾಗತಿಕ ರಾಜಕೀಯ ವಿಶ್ಲೇಷಕರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
ಈ ಶೃಂಗ ಸಭೆಯಲ್ಲಿ ಭಾರತದ ಪ್ರಧಾನಮಂತ್ರಿ ನರೇಂದ್ರ ಮೋದಿ, ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್, ಚೀನಾ ಅಧ್ಯಕ್ಷ ಜಿನ್ ಪಿಂಗ್, ದಕ್ಷಿಣ ಆಫ್ರಿಕಾ ಅಧ್ಯಕ್ಷ ಸೈರಿಲ್ ರಾಮಾಫೋಸಾ, ಇರಾನ್ ಅಧ್ಯಕ್ಷ ಮಸೂದ್ ಪೆಜೆಶ್ಕಿಯನ್, ಅಬುಧಾಬಿಯ ಕ್ರೌನ್ ಪ್ರಿನ್ಸ್ ಮೊಹಮ್ಮದ್ ಬಿನ್ ಜಾಯೆದ್ ಅಲ್ ನಹ್ಯಾನ್ ಸೇರಿದಂತೆ ಮೊದಲಾದ ಜಾಗತಿಕ ನಾಯಕರು ಈ ಎರಡು ದಿನದ ಶೃಂಗ ಸಭೆಯಲ್ಲಿ ಸಕ್ರೀಯವಾಗಿ ಪಾಲ್ಗೊಂಡಿದ್ದರು, (ಏಜೆನ್ಸೀಸ್).