ಲೆಹರಾ ದೋ ತಿರಂಗಾ ಯಾತ್ರೆಕ್ಕೆ ಬ್ರೇಕ್ ಹಾಕಿದ ದೆಹಲಿ ಪೊಲೀಸರು.
ಪ್ರತಿಭಟನೆ ನಡೆಸದಂತೆ ಅಭಿಜಿತ್ ದೀಪ್ಕೆಗೆ ಪೊಲೀಸರಿಂದ ನೋಟಿಸ್ .
ಕನ್ನಾಟ್ ಪ್ಲೇಸ್‌ನ ಸೆಂಟ್ರಲ್ ಪಾರ್ಕ್‌ನಲ್ಲಿ ತಿರಂಗಾ ಯಾತ್ರ ನಡೆಸದಂತೆ ಎಚ್ಚರಿಕೆ.
Delhi Police at Abhijeet Dipke's home: ಕಾಕ್ರೋಚ್ ಜನತಾ ಪಾರ್ಟಿ(ಸಿಜೆಪಿ)ಯ ಸಂಸ್ಥಾಪಕ ಅಭಿಜಿತ್ ದೀಪ್ಕೆ ಅವರು ತಂಗಿರುವ ಎನ್‌ಸಿಪಿ-ಎಸ್‌ಸಿಪಿ ವಕ್ತಾರ ಅನೀಶ್ ಗವಾಂಡೆ ಅವರ ನಿವಾಸಕ್ಕೆ ದೆಹಲಿ ಪೊಲೀಸರು ಖುದ್ದಾಗಿ ಭೇಟಿ ನೀಡಿ, ತಿರಂಗಾ ಯಾತ್ರೆ ನಡೆಸದಂತೆ ಸೂಚಿಸಿದ್ದಾರೆ.
ಅ.16ರಂದು ಅಭಿಜಿತ್ ದೀಪ್ಕೆ ಅವರ ನಿವಾಸಕ್ಕೆ ತೆರಳಿದ ದೆಹಲಿ ಪೊಲೀಸ್ ಅಧಿಕಾರಿಗಳು, ತಿರಂಗ ಯಾತ್ರೆಗೆ ಅನುಮತಿ ಕೊಟ್ಟಿಲ್ಲ. ಹೀಗಾಗಿ ಕನ್ನಾಟ್ ಪ್ಲೇಸ್‌ನ ಸೆಂಟ್ರಲ್ ಪಾರ್ಕ್‌ನಲ್ಲಿ ಮೆರವಣಿಗೆಗೆ ಇಳಿಯಬೇಡಿ ಎನ್ನುವ ಸಂದೇಶವನ್ನು ಖುದ್ದಾಗಿ ತಲುಪಿಸಿದ್ದಾರೆ. ಅವರ ಈ ಸಂಭಾಷಣೆಯ ಫೋಟೋ, ವಿಡಿಯೋ ಎಕ್ಸ್ನಲ್ಲಿ ವೈರಲ್ ಆಗಿದೆ.
ಎನ್‌ಸಿಪಿ-ಎಸ್‌ಸಿಪಿ ವಕ್ತಾರ ಅನೀಶ್ ಗವಾಂಡೆ ಅವರ ನಿವಾಸದಲ್ಲಿ ತಲುಪಿರುವ ದೆಹಲಿ ಅಭಿಜಿತ್ ದೀಪ್ಕೆ ಅವರನ್ನು ದೆಹಲಿ ಪೊಲೀಸರು ಭೇಟಿ ಮಾಡಿ ನೋಟಿಸ್ ಕೊಟ್ಟರು, ಪೊಲೀಸ್ ಮೂಲಗಳ ಪ್ರಕಾರ, ಸೆಕ್ಷನ್ 163 ನಿರ್ಬಂಧಗಳು ಜಾರಿಯಲ್ಲಿವೆ ಮತ್ತು ಎನ್‌ಡಿಎಂಸಿ ಮೆರವಣಿಗೆಗೆ ಅನುಮತಿ ನೀಡಿಲ್ಲ. ಈ ನಿರ್ಬಂಧಗಳ ಹೊರತಾಗಿಯೂ ಕಾರ್ಯಕ್ರಮವನ್ನು ಮುಂದುವರಿಸುವುದು ಕಾನೂನು ಕ್ರಮಕ್ಕೆ ಕಾರಣವಾಗಬಹುದು ಎಂದು ಪೊಲೀಸರು ಎಚ್ಚರಿಸಿದ್ದಾರೆ.
ನೋಟಿಸ್ ಪತ್ರವನ್ನು ನೋಡುತ್ತಾ ದೆಹಲಿ ಪೊಲೀಸರೊಂದಿಗೆ ಮಾತನಾಡಿದ ಅಭಿಜಿತ್ ದೀಪ್ಕೆ, ನೀವು ನನ್ನ ವಿರುದ್ಧ ಯಾವ ರೀತಿ ಆರೋಪ ಹೊರೆಸಿದ್ದೀರಿ ಎಂದು ಬೆನ್ನಿನ ಮೇಲೆ ತ್ರಿವರ್ಣ ಧ್ವಜವನ್ನು ಹೊದಿಸಿಕೊಂಡು ದೀಪ್ಕೆ, ತಮ್ಮ ಮುಂದೆ ಕುಳಿತಿದ್ದ ದೆಹಲಿ ಪೊಲೀಸರನ್ನು ಕೇಳಿದರು. ಸೋಫಾ ಮೇಲೆ ಕುಳಿತಿದ್ದ ಪೊಲೀಸರು ನೀವು ಸಾಮಾಜಿಕ ಜಾಲತಾಣದಲ್ಲಿ ಸಾರ್ವಜನಿಕರನ್ನು ಪ್ರಚೋದಿಸುತ್ತಲೇ ಇದ್ದೀರಿ, ಇದು ಕಾನೂನುಬಾಹಿರ ಎಂದು ಉಲ್ಲೇಖಿಸಲಾಗಿದೆ.
'ಇದೆಂತಾ ತಮಾಷೆಯ ನೋಟಿಸ್. ಇದನ್ನೇ ನೀವು ನೋಟಿಸ್ ಎಂದು ಕರೆಯುತ್ತೀರಾ. ನಿಮ್ಗೆ ಅನಿಸಿದ್ದನ್ನು ಬರೆಯುತ್ತಿದ್ದೀರಾ. ಇದು ಹೀಗೆ ಮುಂದುವರೆಯಲಿ ನೀವು ನನ್ನನ್ನು ಗಲ್ಲಿಗೇರಿಸಿ ಬಿಡಿ. ಇದೆಂಥಾ ತಮಾಷೆ ನೋಟಿಸ್ ನೀವು ಕೊಟ್ಟಿರುವುದು'. ಎಂದು ಹೇಳುತ್ತಿರುವುದು ಎಕ್ಸ್ನಲ್ಲಿ ಹಂಚಿಕೊಂಡಿರುವ ವಿಡಿಯೋದಲ್ಲಿದೆ.
ಇತ್ತೀಚೆಗೆ ಜಂತರ್ ಮಂತರ್ನಲ್ಲಿ ಧರಣಿ, ಪ್ರತಿಭಟನೆ, ಮೆರವಣಿಗೆ ನಡೆಸುವಂತಿಲ್ಲ ಎಂದು ದೆಹಲಿ ಪೊಲೀಸರು ಆದೇಶ ಹೊರಡಿಸಿದ್ದರು. ಅದನ್ನು ಹೊರೆತುಪಡಿಸಿ, ಸಿಜೆಪಿ ನಾಯಕರಾದ ಸೌರವ್ ದಾಸ್, ಅಶುತೋಷ್ ಸೇರಿದಂತೆ ಹಲವರು ಜಂತರ್ ಮಂತರ್ನೊಳಕ್ಕೆ ನುಗ್ಗಿ ತ್ರಿವರ್ಣ ಧ್ವಜವನ್ನು ಪ್ರದರ್ಶಿಸಿದರು. ಅವರನ್ನು ಪೊಲೀಸರು ಬಂಧಿಸಿ, ನ್ಯಾಯಲಯಕ್ಕೆ ಹಾಜರುಪಡಿಸಿದರು. ಸಿಸಿಎಚ್ ಕೋರ್ಟ್ ಅವರನ್ನು ತಿಹಾರ್ ಜೈಲಿಗೆ ಕಳುಹಿಸಿದ್ದು 5 ದಿನ ನ್ಯಾಯಾಂಗ ಬಂಧನದಲ್ಲಿರಿಸಿದೆ.
ಹೀಗಾಗಿ ಸಿಜೆಪಿ ಸಂಸ್ಥಾಪಕ ಕನ್ನಾಟ್ ಪ್ಲೇಸ್ನಲ್ಲಿರುವ ಸೆಂಟ್ರಲ್ ಪಾರ್ಕ್ ಹಾಗೂ ದೇಶದ ವಿವಿಧ ಕಡಎ ಲೆಹರಾ ದೋ ತಿರಂಗಾ ಎಂದು ಪ್ರತಿಭಟನೆ ನಡೆಸಲು ಅಭಿಜಿತ್ ದೀಪ್ಕೆ ಅವರು ಕರೆ ನೀಡಿದ್ದರು. ದೆಹಲಿಯ ಹಲವು ಭಾಗದಲ್ಲಿ ನಿಷೇಧಾಜ್ಞೆ ಜಾರಿಯಲ್ಲಿದೆ. ಜೊತೆಗೆ ಇದೇ ನಿಯಮ ಅಭಿಜಿತ್ ದೀಪ್ಕೆ ಪ್ರತಿಭಟಿಸಲು ಸಿದ್ಧವಾಗಿರುವ ಕೆನ್ನಾಟ್ನಲ್ಲಿಯೂ ನಿಯಮ ಜಾರಿಯಲ್ಲಿದೆ. ಜೊತೆಗೆ ಹೆಚ್ಚು ಭದ್ರತೆಯನ್ನು ಒದಗಿಸಲಾಗಿದೆ.
ಯಾವುದೇ ಕಾರಣಕ್ಕೂ ಪ್ರತಿಭಟನೆ ನಡೆಸುವಂತಿಲ್ಲ. ಅಕಸ್ಮಾತ್ ಹೆಚ್ಚು ಜನರನ್ನು ಸೇರಿಸಿದರೆ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು ಎಂದು ದೆಹಲಿ ಪೊಲೀಸರು ಮಾಹಿತಿ ಹೊರಡಿಸಿದ್ದಾರೆ, (ಏಜೆನ್ಸೀಸ್).