- ಮೂರು ತಿಂಗಳ ಮಗುವನ್ನು ಸುಮಾರು 2 ಗಂಟೆಗಳ ಕಾಲ ತನ್ನ ವಶದಲ್ಲಿರಿಸಿಕೊಂಡ ಕೋತಿ
- ಮನೆಯವರು ಶಿಶುವನ್ನು ಕೋಣೆಯೊಳಗೆ ಮಲಗಿಸಿ ಕೆಲಸವನ್ನು ಮಾಡುತ್ತಿದ್ದರು
- ಮಧ್ಯಾಹ್ನ 2 ಗಂಟೆ ಸುಮಾರಿಗೆ ಛಾವಣಿಯ ಮೂಲಕ ಮನೆಯೊಳಗೆ ಪ್ರವೇಶ ಪಡೆದ ಹೆಣ್ಣು ಮಂಗ
ಉತ್ತರ ಪ್ರದೇಶ: ಕೋತಿಯೊಂದು ಮೂರು ತಿಂಗಳ ಮಗುವನ್ನು ಸುಮಾರು 2 ಗಂಟೆಗಳ ಕಾಲ ತನ್ನ ವಶದಲ್ಲಿರಿಸಿಕೊಂಡಿರುವ (Monkey Incident) ಘಟನೆ ಉತ್ತರ ಪ್ರದೇಶದ ಮುಜಫರ್ ನಗರ ಜಿಲ್ಲೆಯಲ್ಲಿ ನಡೆದಿದ್ದು, ಸದ್ಯ ವಿಡಿಯೋ ಎಲ್ಲೆಡೆ ವೈರಲ್ ಆಗಿದೆ.
ಘಟನೆ ಹಿನ್ನಲೆ
ವರದಿಯ ಪ್ರಕಾರ, ಮನೆಯವರು ಶಿಶುವನ್ನು ಕೋಣೆಯೊಳಗೆ ಮಲಗಿಸಿ ಕೆಲಸವನ್ನು ಮಾಡುತ್ತಿದ್ದರು. ಮಧ್ಯಾಹ್ನ 2 ಗಂಟೆ ಸುಮಾರಿಗೆ ಹೆಣ್ಣು ಮಂಗವೊಂದು ಛಾವಣಿಯ ಮೂಲಕ ಮನೆಯೊಳಗೆ ಪ್ರವೇಶಿಸಿ ಸದ್ದಿಲ್ಲದೇ ಮಗುವಿನ ಬಳಿ ಕುಳಿತು ಅದರೊಂದಿಗೆ ಆಟವಾಡಲು ಪ್ರಾರಂಭಿಸಿದೆ.
ಆದಾಗ್ಯೂ, ಮಗುವಿನ ತಾಯಿ ಕೋಣೆಯೊಳಗೆ ಪ್ರವೇಶಿಸಿದಾಗ ಮಂಗ ಇರುವುದನ್ನು ಕಂಡುಕೊಂಡು ಗಾಬರಿಗೊಂಡು ಜೋರಾಗಿ ಕಿರುಚಲು ಪ್ರಾರಂಭಿಸಿದ್ದಾಳೆ. ಈ ವೇಳೆ ಕುಟುಂಬಸ್ಥರು ಮತ್ತು ನೆರೆಹೊರೆಯವರು ಧಾವಿಸಿದ್ದು, ಕೋಲುಗಳು ಮತ್ತು ಆಹಾರವನ್ನು ಬಳಸಿ ಕೋತಿಯನ್ನು ಓಡಿಸಲು ಪ್ರಯತ್ನಿಸಿದರು. ಆದರೆ, ಪ್ರಾಣಿ ಆಕ್ರಮಣಕಾರಿಯಾಯಿತು ಮತ್ತು ಮಗುವನ್ನು ಬಿಡಲು ನಿರಾಕರಿಸಿದ್ದು, ಜನರನ್ನೇ ಬೆನ್ನಟ್ಟಲು ಪ್ರಯತ್ನಿಸಿತು.
ಮಗುವಿನ ಸುರಕ್ಷತೆಯ ಬಗ್ಗೆ ಕಳವಳ ವ್ಯಕ್ತಪಡಿಸಿದ ಸ್ಥಳೀಯರು ಪ್ರಾಣಿ ರಕ್ಷಕ ಸನ್ನಿ ಚೋಪ್ರಾ ಅವರನ್ನು ಸಂಪರ್ಕಿಸಿದ್ದು, ಅವರು ತಮ್ಮ ತಂಡದೊಂದಿಗೆ ಸ್ಥಳಕ್ಕೆ ಆಗಮಿಸಿದ್ದಾರೆ. ಈ ವೇಳೆ ಕೋತಿಗೆ ಆಹಾರದ ಆಮಿಷ ಒಡ್ಡುವ ಪ್ರಯತ್ನಗಳನ್ನು ಮಾಡಿದರು ಅವು ಕೂಡಾ ವಿಫಲಗೊಂಡವು. ನಂತರ ರಕ್ಷಣಾ ಸಿಬ್ಬಂದಿ ಪ್ರಾಣಿಗಳ ಗಮನವನ್ನು ಬೇರೆಡೆ ಸೆಳೆಯಲು ಮೊಬೈಲ್ ಫೋನ್ಗಳಲ್ಲಿ ವನ್ಯಜೀವಿಗಳ ವೀಡಿಯೊಗಳನ್ನು ಪ್ಲೇ ಮಾಡಿದರು. ಕೋತಿ ವೀಡಿಯೊಗಳ ಮೇಲೆ ಕೇಂದ್ರೀಕರಿಸುತ್ತಿದ್ದಂತೆ, ರಕ್ಷಣಾ ಸಿಬ್ಬಂದಿ ಮಗುವನ್ನು ಎಚ್ಚರಿಕೆಯಿಂದ ಸುರಕ್ಷಿತ ಸ್ಥಳಕ್ಕೆ ಕರೆದೊಯ್ದರು.
ನಂತರ ಚೋಪ್ರಾ, ಕೋತಿಯ ಸ್ವಂತ ಮರಿ ಆರು ದಿನಗಳ ಹಿಂದೆ ಮೃತಪಟ್ಟಿತ್ತು. ಇದರಿಂದ ಆ ಮಗುವನ್ನು ತನ್ನ ಮರಿ ಎಂದು ತಪ್ಪಾಗಿ ಭಾವಿಸಿರಬಹುದು ಎಂದು ಹೇಳಿದ್ದಾರೆ (ಏಜೆನ್ಸೀಸ್).