2008ರ ಡಿಸೆಂಬರ್ 31ರಂದು ತಲಶ್ಶೇರಿ ಸಮೀಪದ ಚಾಕ್ಯಾತ್ಮುಕ್ಕು ಕಡಲತೀರದಲ್ಲಿ ಈ ಘಟನೆ ನಡೆದಿತ್ತು. ಸಿಪಿಐ(ಎಂ) ತಿರುವಂಗಾಡ್ ಲೋಕಲ್ ಕಮಿಟಿ ಸದಸ್ಯ ಹಾಗೂ ಸಿಐಟಿಯು ಮುಖಂಡರಾಗಿದ್ದ ಕೆ. ಲತೇಶ್ ಅವರನ್ನು ರಾಜಕೀಯ ದ್ವೇಷದ ಹಿನ್ನೆಲೆಯಲ್ಲಿ ಹರಿತವಾದ ಆಯುಧಗಳಿಂದ ಕೊಚ್ಚಿ ಕೊಲೆ ಮಾಡಲಾಗಿತ್ತು. ಈ ದಾಳಿಯ ಸಂದರ್ಭದಲ್ಲಿ ಲತೇಶ್ ಅವರ ಜೊತೆಗಿದ್ದ ಇತರ ಮೂವರು ಕಾರ್ಯಕರ್ತರಿಗೂ ಗಂಭೀರ ಗಾಯಗಳಾಗಿದ್ದವು.

ಈ ಪ್ರಕರಣದಲ್ಲಿ ಒಟ್ಟು 12 ಮಂದಿಯನ್ನು ಆರೋಪಿಗಳೆಂದು ಹೆಸರಿಸಲಾಗಿತ್ತು. ಸಾಕ್ಷ್ಯಾಧಾರಗಳ ಕೊರತೆಯಿಂದಾಗಿ 9 ರಿಂದ 12ನೇ ಆರೋಪಿಗಳನ್ನು ನ್ಯಾಯಾಲಯವು ಖಲಾಸೆ ಮಾಡಿದೆ. ಆದರೆ, 1 ರಿಂದ 7ನೇ ಆರೋಪಿಗಳು ಕೊಲೆಯಲ್ಲಿ ನೇರವಾಗಿ ಭಾಗಿಯಾಗಿರುವುದು ಸಾಬೀತಾದ ಹಿನ್ನೆಲೆಯಲ್ಲಿ ಅವರಿಗೆ ಶಿಕ್ಷೆ ವಿಧಿಸಲಾಗಿದೆ.

ನಾಲ್ಕು ಪ್ರತ್ಯೇಕ ಸೆಕ್ಷನ್‌ಗಳ ಅಡಿಯಲ್ಲಿ ಒಟ್ಟು 35 ವರ್ಷಗಳ ಕಠಿಣ ಜೈಲು ಶಿಕ್ಷೆ ವಿಧಿಸಲಾಗಿದ್ದು, ಎಲ್ಲವನ್ನೂ ಏಕಕಾಲದಲ್ಲಿ (Concurrently) ಅನುಭವಿಸಬೇಕೆಂದು ಕೋರ್ಟ್ ತಿಳಿಸಿದೆ.ದೋಷಿಗಳಾದ ಸುಮಿತ್, ಪ್ರಜೀಶ್ ಬಾಬು, ನಿಧಿನ್, ಸನಲ್, ರಿಜೋಷ್, ಸಜೀಶ್ ಮತ್ತು ಜಯೇಶ್ ಶಿಕ್ಷೆಗೆ ಗುರಿಯಾದವರು,(ಏಜೆನ್ಸೀಸ್​).