Shashi Tharoor | ಶಶಿ ತರೂರ್ ವಿರುದ್ಧ ಸಂಸದ ಜಾನ್ ಬ್ರಿಟ್ಟಾಸ್ ಟೀಕೆ
ತಿರುವನಂತಪುರಂ: ಸೋಮವಾರ (ನವೆಂಬರ್ 17) ದೆಹಲಿಯಲ್ಲಿ ನಡೆದ ಆರನೇ ರಾಮನಾಥ್ ಗೋಯೆಂಕಾ ಉಪನ್ಯಾಸ ಭಾಷಣದಲ್ಲಿ ಮಾತನಾಡಿದ್ದ ಪ್ರಧಾನಿ ನರೇಂದ್ರ ಮೋದಿ ಅವರನ್ನು, ಸಂಸದ ಶಶಿ ತರೂರ್ ಶ್ಲಾಘಿಸಿದ ಬಳಿಕ ಸಿಪಿಐ(ಎಂ) ಬುಧವಾರ (ನ.17) ಕಾಂಗ್ರೆಸ್ ವಿರುದ್ಧ ವಾಗ್ದಾಳಿ ನಡೆಸಿದೆ.
ಭಾಷಣದ ಬಗ್ಗೆ ಪ್ರತಿಕ್ರಿಯೆ ನೀಡಿದ್ದ ತರೂರ್, ಪ್ರಧಾನಿ ಮೋದಿಯವರ ಮಾತುಗಳು ಆರ್ಥಿಕ ದೃಷ್ಟಿಕೋನ ಮತ್ತು ಸಾಂಸ್ಕೃತಿಕ ಕ್ರಿಯೆಗೆ ಕರೆಯಾಗಿ ಕಾರ್ಯನಿರ್ವಹಿಸಿತು ಎಂದಿದ್ದರು.
ತರೂರ್ ಹೇಳಿಕೆಗೆ ತಮ್ಮ ಎಕ್ಸ್ ಖಾತೆಯಲ್ಲಿ ಪೋಸ್ಟ್ ಹಂಚಿಕೊಳ್ಳುವ ಮೂಲಕ ತಿರುಗೇಟು ನೀಡಿರುವ ಸಿಪಿಐ(ಎಂ) ಸಂಸದ ಜಾನ್ ಬ್ರಿಟ್ಟಾಸ್, ಕಾಂಗ್ರೆಸ್ ನಾಯಕ, ಸಿಡಬ್ಲ್ಯೂಸಿ ಸದಸ್ಯ ಮತ್ತು ಗೌರವಾನ್ವಿತ ಶಶಿ ತರೂರ್ ಅವರು ಹೊಗಳಿದ ಪ್ರಧಾನಿ ಮೋದಿ ಭಾಷಣದ ಅಂಶವನ್ನು ಉಲ್ಲೇಖಿಸಿ, 10–15 ವರ್ಷಗಳ ಹಿಂದೆ ಕಾಂಗ್ರೆಸ್ಗೆ ನುಸುಳಿದ್ದ ನಗರ ನಕ್ಸಲರು ಮತ್ತು ಮಾವೋವಾದಿ ಪಡೆಗಳು ಈಗ ಕಾಂಗ್ರೆಸ್ ಅನ್ನು ಮುಸ್ಲಿಂ ಲೀಗ್–ಮಾವೋವಾದಿ ಕಾಂಗ್ರೆಸ್ (ಎಂಎಂಸಿ) ಆಗಿ ಪರಿವರ್ತಿಸಿವೆ. ಇಂದಿನ ಮುಸ್ಲಿಂ ಲೀಗ್–ಮಾವೋವಾದಿ ಕಾಂಗ್ರೆಸ್ ದೇಶದ ಏಕತೆಗೆ ದೊಡ್ಡ ಬೆದರಿಕೆಯಾಗುತ್ತಿದೆ ಎಂದಿದ್ದರು.
ಕೇಂದ್ರ ಸರ್ಕಾರದ ಅನುದಾನ ಪಡೆಯಲು ಕೇರಳ ಸರ್ಕಾರವು PM SHRI ಯೋಜನೆಗೆ ಸಹಿ ಹಾಕುವಂತೆ ಒತ್ತಾಯಿಸಿದಾಗ, ಎಡಪಂಥೀಯರು ಕೇಂದ್ರದೊಂದಿಗೆ ಒಪ್ಪಂದ ಮಾಡಿಕೊಂಡಿದ್ದಾರೆ ಎಂದು ಕಾಂಗ್ರೆಸ್ ಈ ಹಿಂದೆ ಆರೋಪಿಸಿತ್ತು ಎಂಬುದನ್ನು ಅವರು ಈ ವೇಳೆ ನೆನಪಿಸಿಕೊಂಡರು. ಎಲ್ಲಾ ಕಾಂಗ್ರೆಸ್ ಸರ್ಕಾರಗಳು PM SHRI ಯೋಜನೆಯ ಭಾಗವಾಗಿವೆ. ಕಾಂಗ್ರೆಸ್ ಮೌನವನ್ನು ಕೇಂದ್ರದೊಂದಿಗಿನ ಒಪ್ಪಂದ ಎಂದು ನಾನು ಹೇಳಬಹುದೇ..? ಎಂದು ಪೋಸ್ಟ್ ಮಾಡಿದ್ದಾರೆ.
ಜಾನ್ ಬ್ರಿಟ್ಟಾಸ್ ಪೋಸ್ಟ್..
ಹಿರಿಯ ಸಂಸದ, ಕಾಂಗ್ರೆಸ್ ಕಾರ್ಯಕಾರಿ ಸಮಿತಿ ಸದಸ್ಯ ಮತ್ತು ಕಾಂಗ್ರೆಸ್ ರಾಜ್ಯ ಕೋರ್ ಕಮಿಟಿ ಸದಸ್ಯರಾದ ಶಶಿ ತರೂರ್ ದಿ ಇಂಡಿಯನ್ ಎಕ್ಸ್ಪ್ರೆಸ್ ಸಂಸ್ಥಾಪಕ ರಾಮನಾಥ್ ಗೋಯೆಂಕಾ ಅವರ ಸ್ಮರಣಾರ್ಥ ಈ ವರ್ಷದ ಭಾಷಣವನ್ನು ಪ್ರಧಾನಿ ನರೇಂದ್ರ ಮೋದಿ ಅವರು ಮಾಡಿದರು.
ಪತ್ರಿಕಾ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ ಗೋಯೆಂಕಾ ಅವರ ಭಾಷಣ ಮತ್ತು ಕಳೆದ ಹನ್ನೊಂದು ವರ್ಷಗಳಲ್ಲಿ ಒಂದೇ ಒಂದು ಪತ್ರಿಕಾಗೋಷ್ಠಿ ನಡೆಸದ ನರೇಂದ್ರ ಮೋದಿ ಅವರ ಕುರಿತಾದ ಚರ್ಚೆಯನ್ನು ಸದ್ಯಕ್ಕೆ ಮುಂದೂಡಬಹುದು. ಮೋದಿ ಅವರ ಭಾಷಣವನ್ನು ಶಶಿ ತರೂರ್ ಅವರು ಶ್ರೇಷ್ಠ ಎಂದು ಬಣ್ಣಿಸಿದರು. ತರೂರ್ ಅವರಿಗೆ ನಿಲುವು ತೆಗೆದುಕೊಳ್ಳುವ ಹಕ್ಕಿದೆ. ಆದರೆ ಈ ವಿಷಯದಲ್ಲಿ ಕಾಂಗ್ರೆಸ್, ವಿಶೇಷವಾಗಿ ಕೇರಳದ ಕಾಂಗ್ರೆಸ್ಸಿಗರು ಏನು ಹೇಳುತ್ತಾರೆಂದು ತಿಳಿಯಲು ನಾನು ಬಯಸುತ್ತೇನೆ. ಪ್ರಧಾನಿ ಯೋಜನೆಗೆ ಸಹಿ ಹಾಕಿದಾಗ (ಎಲ್ಲಾ ಕಾಂಗ್ರೆಸ್ ಸರ್ಕಾರಗಳು ಈ ಯೋಜನೆಯ ಭಾಗವಾಗಿದ್ದವು), ಅವರು ಏಕೆ ಮೌನವಾಗಿದ್ದರು? ಎಂದು ಪ್ರಶ್ನಸಿದ್ದರು(ಏಜೆನ್ಸೀಸ್).