ಜೂ.6ಕ್ಕೆ Cockroach Janta Party ಸಂಸ್ಥಾಪಕ ಭಾರತಕ್ಕೆ ವಾಪಸ್; ಧರ್ಮೇಂದ್ರ ಪ್ರಧಾನ್ ರಾಜೀನಾಮೆಗಾಗಿ ಶಾಂತಿಯುತ ಪ್ರತಿಭಟನೆಗೆ ಕರೆ

ನವದೆಹಲಿ: ಕಾಕ್ರೋಚ್​​  ಜನತಾ ಪಾರ್ಟಿ(ಸಿಜೆಪಿ)ಯ ಸಂಸ್ಥಾಪಕ ಅಭಿಜಿತ್ ದೀಪ್ಕೆ ಜೂನ್​.6ರಂದು ವಿದೇಶದಿಂದ ಭಾರತಕ್ಕೆ ಮರಳಲಿದ್ದು, ಪರೀಕ್ಷಾ ಅಕ್ರಮಗಳ ಹೊಣೆಯೊತ್ತು ಕೇಂದ್ರ ಸಚಿವ ಧರ್ಮೇಂದ್ರ ಪ್ರಧಾನ್ ಅವರ ರಾಜೀನಾಮೆಗೆ ಒತ್ತಾಯಿಸಿ ಶಾಂತಿಯುತ ಪ್ರತಿಭಟನೆ ನಡೆಸುವ ಬಗ್ಗೆ ಎಕ್ಸ್​​ನಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ. 

ನಾನು ಜೂನ್​.6ರ ಬೆಳಿಗ್ಗೆ ದೆಹಲಿಯಲ್ಲಿರುತ್ತೇನೆ. ದಯವಿಟ್ಟು ವಿಮಾನ ನಿಲ್ದಾಣದಲ್ಲಿ ಬೆಂಬಲಿಗರು, ವಿದ್ಯಾರ್ಥಿಗಳು ಅಲ್ಲಿ  ಒಟ್ಟಾಗಿ ಸೇರಿದ ನಂತರ, ಶಾಂತಿಯುತವಾಗಿ ಸೇರಿ ಪಾರ್ಲಿಮೆಂಟ್ ಸ್ಟ್ರೀಟ್ ಪೊಲೀಸ್ ಠಾಣೆಗೆ ತೆರಳಿ,  ಜಂತರ್​ ಮಂತರ್​​ನಲ್ಲಿ ಶಾಂತಿಯುತವಾಗಿ ಪ್ರತಿಭಟನೆ ಮಾಡಲು ಅಧಿಕೃತವಾಗಿ ಮನವಿ ಮಾಡಿಕೊಳ್ಳೋಣ ಎಂದು ಹೇಳಿದ್ದಾರೆ. ಪರೀಕ್ಷಾ ಅಕ್ರಮಗಳು ಮತ್ತು ವಿಳಂಬ ನೀತಿಗಳಿಂದ ಕೋಟ್ಯಂತರ ವಿದ್ಯಾರ್ಥಿಗಳು ಭವಿಷ್ಯದ ಆತಂಕದಲ್ಲಿದ್ದು, ಸರ್ಕಾರದಿಂದ ಹೊಣೆಗಾರಿಕೆಯನ್ನು ಈ ಪ್ರತಿಭಟನೆ ಪ್ರಶ್ನಿಸಲಿದೆ ಎಂದು ಅವರು ವಿವರಿಸಿದ್ದಾರೆ.

ವಿಚಾರಣೆಯೊಂದರ ಸಮಯದಲ್ಲಿ ನ್ಯಾಯಾಧೀಶರಾದ ಸೂರ್ಯಕಾಂತ್​ ಅವರು, ನಿರುದ್ಯೋಗಿಗಳು ಜಿರಳೆಗಳಿದ್ದಂತೆ ಎಂದಿದ್ದರು ಇದನ್ನೇ ಗುರಿಯಾಗಿಸಿಕೊಂಡ ಅಭಿಜೀತ್​ ದೀಪ್ಕೆ ಹೌದು ನಾವು ಸೋಮಾರಿಗಳು, ಆನ್​ಲೈನ್​ನಲ್ಲಿ ದಿನ ಕಳೆಯುವವರು, ನಿರುದ್ಯೋಗಿಗಳು ಎಂದು ಸಿಜೆಪಿ  ಪಾರ್ಟಿ ಶುರು ಮಾಡಿದರು. ಸದ್ಯ ಈ ಪಾರ್ಟಿಗೆ ರಾಜಕೀಯ ನಾಯಕರು, ವಿದ್ಯಾರ್ಥಿಗಳು ಬೆಂಬಲ ಸೂಚಿಸಿದ್ದಾರೆ.(ಏಜೆನ್ಸೀಸ್)