ಮುಂಬೈ: ಬಾಲಿವುಡ್ನ ನಟಿ ಬಿಪಾಶಾ ಬಸು ( bipasha basu) ಸೌಂದರ್ಯ ಮತ್ತು ಆರೋಗ್ಯದ ಬಗ್ಗೆ ಸಮಾಜಕ್ಕಿರುವ ಸಾಂಪ್ರದಾಯಿಕ ದೃಷ್ಟಿಕೋನವನ್ನು ಬದಲಿಸುವಂತಹ ಪ್ರೇರಣಾದಾಯಕ ಸಂದೇಶವೊಂದನ್ನು ಹಂಚಿಕೊಂಡಿದ್ದಾರೆ.
ಇತ್ತೀಚಿನ ತಮ್ಮ ಫಿಟ್ನೆಸ್ ಪಯಣದ ಬಗ್ಗೆ ಮಾತನಾಡುತ್ತಾ ಬಿಪಾಶಾ ಬಸು ಕೆಲವು ಪ್ರಮುಖ ಅಂಶಗಳನ್ನು ಹಂಚಿಕೊಂಡಿದ್ದಾರೆ,ನಮ್ಮ ಸಮಾಜದಲ್ಲಿ ಸಣ್ಣಗಿರುವುದೇ ಸೌಂದರ್ಯ ಎಂಬ ತಪ್ಪು ಕಲ್ಪನೆಯಿದೆ. ಆದರೆ ನಿಜವಾದ ಸೌಂದರ್ಯ ಇರುವುದು ನಮ್ಮ ದೇಹದ ಸಾಮರ್ಥ್ಯ ಮತ್ತು ಸದೃಢತೆಯಲ್ಲಿ. ಮಹಿಳೆಯರು ಕೇವಲ 'ಸಣ್ಣಗೆ' (Slim) ಕಾಣುವುದಕ್ಕಿಂತ ಸದೃಢವಾಗಿ (Strong) ಇರುವುದಕ್ಕೆ ಆದ್ಯತೆ ನೀಡಬೇಕು ಎಂದಿದ್ದಾರೆ.
ವ್ಯಾಯಾಮ ಎನ್ನುವುದು ಕೇವಲ ತೂಕ ಇಳಿಸಿಕೊಳ್ಳಲು ಇರುವ ದಾರಿಯಲ್ಲ, ಅದು ಮಾನಸಿಕ ಶಾಂತಿ ಮತ್ತು ದೈಹಿಕ ಶಕ್ತಿಯನ್ನು ಹೆಚ್ಚಿಸುವ ಒಂದು ಮಾರ್ಗ ಎಂದು ಅವರು ಹೇಳಿದ್ದಾರೆ.
ತಾಯಿಯಾದ ನಂತರ ತಮ್ಮ ದೇಹದಲ್ಲಾದ ಬದಲಾವಣೆಗಳನ್ನು ಪ್ರೀತಿಯಿಂದ ಸ್ವೀಕರಿಸಿರುವ ಬಿಪಾಶಾ, ಪ್ರತಿಯೊಬ್ಬ ಮಹಿಳೆಯೂ ತಮ್ಮ ದೇಹವನ್ನು ಗೌರವಿಸಬೇಕು ಮತ್ತು ಕಠಿಣ ಪರಿಶ್ರಮದ ಮೂಲಕ ಆರೋಗ್ಯವನ್ನು ಕಾಪಾಡಿಕೊಳ್ಳಬೇಕು ಎಂದು ಕಿವಿಮಾತು ಹೇಳಿದ್ದಾರೆ.
ಸೋಷಿಯಲ್ ಮೀಡಿಯಾದಲ್ಲಿ ಸಕ್ರಿಯರಾಗಿರುವ ಬಿಪಾಶಾ, ತಮ್ಮ ವರ್ಕ್ಔಟ್ ವೀಡಿಯೊಗಳ ಮೂಲಕ ಲಕ್ಷಾಂತರ ಅಭಿಮಾನಿಗಳಿಗೆ ಸ್ಫೂರ್ತಿಯಾಗಿದ್ದಾರೆ. "ನಿಮ್ಮ ದೇಹವೇ ನಿಮ್ಮ ದೇವಾಲಯ, ಅದನ್ನು ಸದೃಢವಾಗಿಟ್ಟುಕೊಳ್ಳಿ" ಎಂಬ ಅವರ ಮಾತು ಈಗ ಮಹಿಳೆಯರಲ್ಲಿ ಹೊಸ ಭರವಸೆ ಮೂಡಿಸಿದೆ. ಹಳೆ ವಿಡಿಯೋ ಇದೀಗ ಮತ್ತೆ ವೈರಲ್ ಆಗುತ್ತಿದೆ.