ಪ್ರವೀಣ್​ ನೆಟ್ಟಾರು ಪ್ರಕರಣಕ್ಕೆ ಬಿಗ್​ ಟ್ವಿಸ್ಟ್​​: ಪ್ರಮುಖ ಆರೋಪಿ ಉಮರ್​ ಫಾರೂಕ್​ ಬಂಧನ; ಕೊಚ್ಚಿಯಲ್ಲಿ NIA ಯಶಸ್ವಿ ಕಾರ್ಯಾಚರಣೆ! Praveen Nettaru case

ಬೆಂಗಳೂರು: ಸುಳ್ಯದ ಬಿಜೆಪಿ ಯುವಮೋರ್ಚಾ ಕಾರ್ಯಕರ್ತ ಪ್ರವೀಣ್​ ನೆಟ್ಟಾರು ಕೊಲೆ ಪ್ರಕರಣ (Praveen Nettaru case) ಕ್ಕೆ ಮತ್ತೊಂದು ಬ್ರೇಕ್​ ಸಿಕ್ಕಿದ್ದು, ನಾಲ್ಕು ವರ್ಷದಿಂದ ತಲೆ ಮರೆಸಿಕೊಂಡಿದ್ದ ಕೊಲೆ ಪ್ರಕರಣದ ಪ್ರಮುಖ ಆರೋಪಿ ಉಮರ್​ ಫಾರೂಕ್​ ಕೊಚ್ಚಿಯಲ್ಲಿ ಸಿಕ್ಕಿಬಿದ್ದಿದ್ದಾನೆಂದು ವರದಿಯಾಗಿದೆ.

ಖಚಿತ ಗುಪ್ತಚರ ಮಾಹಿತಿ ಆಧರಿಸಿ ದಾಳಿ ನಡೆಸಿದ ರಾಷ್ಟ್ರೀಯ ತನಿಖಾ ದಳದ ಅಧಿಕಾರಿಗಳು ಈ ಉಮರ್​ ಫಾರೂಕ್​ನನ್ನು ಯಶಸ್ವಿಯಾಗಿ ಸೆರೆಹಿಡಿದಿದ್ದು, ಈ ಪ್ರಕರಣದ ಒಟ್ಟು ಬಂಧಿತರ ಸಂಖ್ಯೆ 25 ಕ್ಕೇರಿದೆ. ​

ಇದನ್ನೂ ಓದಿ: ಮಾರ್ಕ್​ ಜುಕರ್​ಬರ್ಗ್​ ಕ್ಷಮೆಯಾಚನೆ: ಭಾರತ ವಿರೋಧಿ ವಿಷಯಗಳನ್ನು ನಿಯಂತ್ರಿಸಿ; ಮೆಟಾ ಮುಖ್ಯಸ್ಥನಿಗೆ ಕಂಗನಾ ಖಡಕ್​ ಎಚ್ಚರಿಕೆ! Kangana Ranaut on Mark Zuckerberg

ಪ್ರವೀಣ್​ ನೆಟ್ಟಾರು ಕೊಲೆ ಪ್ರಕರಣದ ಪ್ರಮುಖ ಆರೋಪಿ ಎಂದು ಗುರುತಿಸಲಾಗಿದ್ದ ಈ ಉಮರ್​ ಫಾರೂಕ್​, ಇಂದು ಕೇರಳದ ಕೊಚ್ಚಿಯಲ್ಲಿ ಬಂಧನಾಗಿದ್ದಾನೆ. ಈ ಪ್ರಕರಣದ ತನಿಖೆ ನಡೆಸುತ್ತಿದ್ದ ರಾಷ್ಟ್ರೀಯ ತನಿಖಾ ದಳ (NIA) ದ ಅಧಿಕಾರಿಗಳು ಕಳೆದ ನಾಲ್ಕು ವರ್ಷಗಳಿಂದ ಇತನ ಹುಡುಕಾಟ ನಡೆಸುತ್ತಿದ್ದು, ಇಂಟರ್​ಪೋಲ್​ನಿಂದ ರೆಡ್​ ಕಾರ್ನರ್​ ನೋಟಿಸ್​ ಹಾಗೂ ಜಾಮೀನು ರಹಿತ ವಾರೆಂಟ್​ಅನ್ನು ಜಾರಿಗೊಳಿಸಿದ್ದರು. ಹಾಗೆಯೇ ಇವನನ್ನು ಹುಡುಕಿಕೊಟ್ಟ, ಅಥವಾ ಇವನ ಬಗ್ಗೆ ಮಾಹಿತಿ ನೀಡಿದವರಿಗೆ 2 ಲಕ್ಷ ಬಹುಮಾನ ನೀಡುವುದಾಗಿ ಹೇಳಲಾಗಿತ್ತು.

2022 ಜುಲೈ 26 ರಂದು ಸುಳ್ಯ ತಾಲ್ಲೂಕಿನ ಬೆಳ್ಳಾರೆಯಲ್ಲಿ ಬಿಜೆಪಿ ಕಾರ್ಯಕರ್ತ ಪ್ರವೀಣ್​ ನೆಟ್ಟಾರು ಎಂಬಾತನನ್ನು ಕೊಲೆ ಮಾಡಲಾಗಿತ್ತು. ಈ ಕೊಲೆಯನ್ನು ನಿಷೇಧಿತ ಪಿಎಫ್​ಐ ಸಂಘಟನೆ ಮಾಡಿತ್ತು ಎನ್ನುವ ಆರೋಪ ಕೇಳಿಬಂದಿತ್ತು. ಹೀಗಾಗಿ ಈ ಪ್ರಕರಣದ ವಿಚಾರಣೆಯನ್ನು ಎನ್​ಐಎಗೆ ವಹಿಸಲಾಗಿತ್ತು,(ಏಜನ್ಸೀಸ್​).