ಬೆಂಗಳೂರು-ಮುಂಬೈ ವಂದೇ ಭಾರತ್ ಸ್ಲೀಪರ್ ರೈಲು ಸೇವೆ ಆರಂಭ.
ನವೆಂಬರ್ 3 ರಿಂದ ಬೆಂಗಳೂರು-ಮುಂಬೈ ವಂದೇ ಭಾರತ್ ಸ್ಲೀಪರ್ ರೈಲು ವಾಣಿಜ್ಯ ಸೇವೆ.
ನವೆಂಬರ್ 1 ರಂದು ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ರಿಂದ ರೈಲು ಸೇವೆಗೆ ಚಾಲನೆ.
Bengaluru-Mumbai Vande Bharat: ಮುಂಬೈಗೆ ಟ್ರೈನ್ನಲ್ಲಿ ಪ್ರಯಾಣಿಸುವುದು ತುಂಬಾನೆ ಸಮಯ ಹಿಡಿಯುತ್ತದೆ. ಇದೊಂದು ವ್ಯರ್ಥದ ಪ್ರಯತ್ನ ಎಂದು ದುಬಾರಿ ಹಣ ಕೊಟ್ಟು ಫ್ಲೈಟ್ನಲ್ಲಿ ಕೆಲವರು ಪ್ರಯಾಣಿಸುತ್ತಾರೆ. ಇನ್ನೂ ಕೆಲಸವರು ಸಾಮಾನ್ಯ ರೈಲಿನಲ್ಲಿಯೇ 22 ಗಂಟೆಗಳ ಕಾಲ ಪ್ರಯಾಣಿಸುತ್ತಾರೆ. ಆದರೆ, ಇನ್ಮುಂದೆ ಆ ಚಿಂತೆ ಬೇಡ. ಏಕೆಂದರೆ, ಬೆಂಗಳೂರಿನಿಂದ ಮುಂಬೈಗೆ ಪ್ರಯಾಣಿಸುವರಿಗೆ ಭಾರತೀಯ ರೈಲ್ವೆ ಇಲಾಖೆ ಗುಡ್ನ್ಯೂಸ್ ಕೊಟ್ಟಿದೆ.
ಹೌದು, ಬೆಂಗಳೂರು-ಮುಂಬೈ ವಂದೇ ಭಾರತ್ ಸ್ಲೀಪರ್ ರೈಲು ನವೆಂಬರ್ 3 ರಿಂದ ತನ್ನ ವಾಣಿಜ್ಯ ಸೇವೆಯನ್ನು ನೀಡಲಿದೆ. ನವೆಂಬರ್ 1 ರಂದು ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ ಬೆಳಿಗ್ಗೆ 10.30 ಕ್ಕೆ ಬೆಂಗಳೂರು ಎಸ್‌ಎಂವಿಟಿ ರೈಲು ನಿಲ್ದಾಣದಲ್ಲಿ ಪ್ರೀಮಿಯಂ ರೈಲು ಸೇವೆಗೆ ಚಾಲನೆ ನೀಡಲಿದ್ದಾರೆ ಎಂದು ಖಾಸಗಿ ಮಾಧ್ಯಮಗಳು ವರದಿ ಮಾಡಿವೆ.
ನವೆಂಬರ್ 1 ರಿಂದ ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ ಬೆಂಗಳೂರು ಮತ್ತು ಮುಂಬೈ ಛತ್ರಪತಿ ಶಿವಾಜಿ ಮಹಾರಾಜ್ ಟರ್ಮಿನಲ್ ನಡುವೆ ರೈಲು ಸಂಚರಿಸಲಿದೆ. ಸುಮಾರು 1,000 ಕಿ.ಮೀ ದೂರವನ್ನು 15 ಗಂಟೆ 45 ನಿಮಿಷ ಕ್ರಮಿಸಲಿದೆ. ಸಾಮಾನ್ಯ ರೈಲಿಗಿಂತ 5 ರಿಂದ 6 ಗಂಟೆಗಳ ಪ್ರಯಾಣದ ಸಮಯವನ್ನು ಉಳಿಸಲಿದೆ ಎನ್ನಲಾಗಿದೆ.
ಪ್ರತಿ ಸೋಮವಾರ ಹೊರತುಪಡಿಸಿ ರೈಲು ಸಂಖ್ಯೆ 27652 SMVT ಬೆಂಗಳೂರಿನಿಂದ ರಾತ್ರಿ 10ಕ್ಕೆ ಹೊರಟು, ಮದುದಿನ ಮಧ್ಯಾಹ್ನ 1:50 ಕ್ಕೆ ಮುಂಬೈಗೆ ತಲುಪಲಿದೆ. 27651 ಸಂಖ್ಯೆಯ ಈ ರೈಲು ಮಂಗಳವಾರ ಬಿಟ್ಟು ಬೇರೆಲ್ಲ ದಿನವೂ ಮುಂಬೈನಿಂದ 1;30ಕ್ಕೆ ಹೊರಟು ಮರುದಿನ ಮಧ್ಯಾಹ್ನ 2:50 ಕ್ಕೆ ಬೆಂಗಳೂರು ರೀಚ್ ಆಗಲಿದೆ.
ಕಲಬುರಗಿ, ರಾಯಚೂರು, ಗುಂತಕಲ್, ಕಲ್ಯಾಣ್, ಪುಣೆ, ಸೋಲಾಪುರದಂತಹ ಪ್ರಮುಖ ನಿಲ್ದಾಣದಲ್ಲಿ ಸ್ಟಾಫ್ ಇರಲಿದೆ. 3AC ಬರ್ತ್‌ಗೆ ಆನ್‌ಬೋರ್ಡ್ ಊಟ ಸೇರಿದಂತೆ ಸುಮಾರು 3,000 ರೂ.ರೈಲು ಪ್ರಯಾಣದ ಟಿಕೆಟ್ ದರ ಇರಬಹುದು ಎಂದು ಅಂದಾಜಿಸಲಾಗಿದೆ.
ವಂದೇ ಭಾರತ್ ರೈಲು ಎರಡು ನಗರಗಳ ಪ್ರಯಾಣವನ್ನು ವೇಗಗೊಳಿಸುತ್ತದೆ. ಏಕೆಂದರೆ ಈ ನಗರಕ್ಕೆ ಸೂಪರ್ ಫಾಸ್ಟ್ ರೈಲು ಸೇವೆ ಇಲ್ಲ. ಸದ್ಯ ಅಸ್ತಿತ್ವದಲ್ಲಿರುವ ರೈಲುಗಳು ಪ್ರತಿ ಮಾರ್ಗಕ್ಕೆ 22-24 ಗಂಟೆಗಳ ಪ್ರಯಾಣವನ್ನು ತೆಗೆದುಕೊಳ್ಳುತ್ತದೆ.
ವಂದೇ ಭಾರತ್ ಸ್ಲೀಪರ್ ರೈಲಿನಲ್ಲಿ ಆರ್ಎಸಿ ಸೌಲಭ್ಯ ಇರುವುದಿಲ್ಲ. ಕನ್ಫರ್ಮ್ ಆದ ಸೀಟನ್ನು ಮಾತ್ರ ನೀಡಲಾಗುತ್ತದೆ. 160 ಕಿ.ಮೀ ವೇಗದಲ್ಲಿ ಚಲಿಸುವ ಸಾಮರ್ಥ್ಯ ಹೊಂದಿದೆ. ಕವಚ್ ತಂತ್ರಜ್ಞಾನ ಅಳವಡಿಸಲಾಗಿದೆ. ವೈಫೈ ಸೌಲಭ್ಯ, ಮಾಡ್ಯುಲರ್ ಬರ್ತ್, ಪ್ರತಿ ಸೀಟಿಗೂ ಚಾರ್ಜಿಂಗ್ ಪಾಯಿಂಟ್ ಮತ್ತು ಬಯೋ ವಾಕ್ಯುಮ್ ಶೌಚಾಲಯವಿದೆ. ಹಿರಿಯ ನಾಗರಿಕರಿಗೆ ಮತ್ತು ಗರ್ಭಿಣಿಯರಿಗೆ ಕೆಳಗಿನ ಬರ್ತ್ ಕಾಯ್ದಿರಿಸಲು ವಿಶೇಷ ಕೋಟಾ ಇರಲಿದೆ, (ಏಜೆನ್ಸೀಸ್).