ಹುಟ್ಟುಹಬ್ಬಕ್ಕೆ ಸರ್ಪೈಸ್ ಕೊಡ್ಬೇಕೆಂದು ಟ್ಯಾಟು ಹಾಕಿಸಿಕೊಂಡಿದ್ದ ಕೇತನ್
ಬೆನ್ನಿನ ಹಿಂದೆ ಸಿಯಾ ಎಂದು ಟ್ಯಾಟು ಹಾಕಿಸಿಕೊಂಡಿದ್ದನ್ನು ಹೇಳಿದ ಕೇತನ್ ತಂದೆ ವಿಶಾಲ್ ಅಗರ್ವಾಲ್
ಸಿಯಾ ಮೇಲೆ ಕೇತನ್ಗೆ ಹೆಚ್ಚು ಪ್ರೀತಿ ಇತ್ತು ಆದರೆ ಆಕೆ ಕೊಲೆ ಮಾಡ್ತಾಳೆ ಎಂದುಕೊಂಡಿರಲಿಲ್ಲ
ಪುಣೆ: ಕೇವಲ ಪಾರ್ಟಿ, ಕಾರಿನಲ್ಲಿ ಸರ್ಪ್ರೈಸ್ ಮಾತ್ರವಲ್ಲ ಕೇತನ್ ತನ್ನ ಭಾವಿ ಪತ್ನಿ ಸಿಯಾ ಗೋಯಲ್ಗಾಗಿ ಬೆನ್ನಿನ ಹಿಂದೆ ಸಿಯಾ ಎಂದು ಟ್ಯಾಟೂ ಹಾಕಿಸಿಕೊಂಡಿದ್ದ ಎನ್ನುವುದು ತಿಳಿದುಬಂದಿದೆ. ಜೂನ್ 19 ರಂದು ಸಿಯಾ ಹುಟ್ಟಿದ ಹಬ್ಬವಿದ್ದ ಕಾರಣ ಆಕೆಗೆ ಸರ್ಪ್ರೈಸ್ ನೀಡಬೇಕೆಂದು ಆತ ನಿರ್ಧರಿಸಿದ್ದ ಎಂದು ವಿಶಾಲ್ ಅಗರ್ವಾಲ್ ಹೇಳಿದ್ದಾರೆ.
ಜೂ.18ರಂದು ಪುಣೆಯ ಪ್ರಸಿದ್ಧ ಲೋಹಗಡ್ ಕೋಟೆಯಿಂದ ತಳ್ಳಿ ಕೇತನ್ನನ್ನು ಸಿಯಾ ಗೋಯಲ್ ಮತ್ತು ಆಕೆಯ ಪ್ರಿಯತಮ ಚೇತನ್ ಚೌಧರಿ ತಳ್ಳಿ ಕೊಲೆ ಮಾಡಿದ್ದರು ಎನ್ನಲಾಗಿದೆ. ಈ ಪ್ರಕರಣದ ವಿರುದ್ಧ ಪೊಲೀಸರು ಈಗಾಗಲೇ ನ್ಯಾಯಾಲಯಕ್ಕೆ ಚಾರ್ಜ್ಶೀಟ್ ಸಲ್ಲಿಸಿದ್ದಾರೆ.
ಕೇತನ್ ತಂದೆ ವಿಶಾಲ್ ಅಗರ್ವಾಲ್ ಅವರ ಹೇಳಿಕೆಯ ಪ್ರಕಾರ, ಕೇತನ್ ಅಗರ್ವಾಲ್ ಜೂನ್19ರಂದು ತಮ್ಮ ಭಾವಿ ಪತ್ನಿ ಸಿಯಾ ಗೋಯಲ್ ಬರ್ತಡೇ ಇದ್ದಕಾರಣ ಆಕೆಗೆ ಸರ್ಪೈಸ್ ನೀಡುವ ಸಲುವಾಗಿ ಬೆನ್ನಿನಲ್ಲಿ ಸಿಯಾ ಅವರ ಹೆಸರನ್ನು ಟ್ಯಾಟೂ ಹಾಕಿಸಿಕೊಂಡಿದ್ದ. ಅಲ್ಲದೇ ಸಿಯಾರ ಹುಟ್ಟುಹಬ್ಬಕ್ಕಾಗಿ ಪಾರ್ಟಿ ಅರೇಂಜ್ ಮಾಡಿದ್ದ. ಆದರೆ ಆಕೆ ಮಗನ ಕೊಲೆಗಾಗಿ ಸಂಚು ರೂಪಿಸಿದ್ದಾಳೆ ಎನ್ನುವ ಸುಳಿವು ಇರಲಿಲ್ಲ ನಮಗೆ ಎಂದು ಕೇತನ್ ತಂದೆ ವಿಶಾಲ್ ಅಗರ್ವಾಲ್ ಅವರು ಹೇಳಿಕೊಂಡಿದ್ದಾರೆ.
ಜೂನ್ 18 ರಂದು ಬೆಳಿಗ್ಗೆ ಸುಮಾರು 9 ಗಂಟೆಗೆ ಕೇತನ್ ಮತ್ತು ಸಿಯಾ ಲೋಹಗಢ ಕೋಟೆಯನ್ನು ತಲುಪಿದ್ದರು. ಅಲ್ಲಿಗೆ ಮುಂಚಿತವಾಗಿಯೇ ಹೂಡಿ ಧರಿಸಿ ಚೇತನ್ ಬಂದಿದ್ದನು. ಕೋಟೆಗೆ ತಲುಪಿದ ಬಳಿಕ ಸಿಯಾ ಟಿಕೆಟ್ ಕೌಂಟರ್ ಬಳಿ ಚೇತನ್ಗೆ ಸನ್ನೆ ಮಾಡಿದ್ದಾಳೆ. ಚೇತನ್ ಚೌಧರಿಯು ಕೇತನ್ ಅವರನ್ನು ಹಿಂದಿನಿಂದ ಬಲವಾಗಿ ತಳ್ಳಿದರೆ, ಅದೇ ಸಮಯದಲ್ಲಿ ಸಿಯಾ ಗೋಯಲ್ ತನ್ನ ಕಾಲಿನಿಂದ ಜೋರಾಗಿ ಒದ್ದಿದ್ದಾಳೆ ಎನ್ನಲಾಗಿದೆ.
ಪ್ರತ್ಯಕ್ಷದರ್ಶಿಯು ಈ ಘಟನೆಯನ್ನು ಕಣ್ಣಾರೆ ಕಂಡಿದ್ದು, ಮತ್ತು ಈ ಬಗ್ಗೆ ವಿಚಾರಿಸಿದ್ದಕ್ಕೆ ಅವರನ್ನು ಕೊಲ್ಲುವುದಾಗಿ ಚೇತನ್ ಬೆದರಿಕೆ ಹಾಕಿದ್ದ. ಇದರಿಂದ ಅವರು ಅನಾರೋಗ್ಯಕ್ಕೊಳಗಾಗಿ ಹಾಸಿಗೆ ಇಡಿದಿದ್ದರು ಎನ್ನಲಾಗಿದೆ ಘಟನೆ ಟಿವಿಯಲ್ಲಿ ಪ್ರಸಾರವಾಗುತ್ತಿದ್ದಂತೆ, ಪೊಲೀಸರಿಗೆ ಸಾಕ್ಷಿ ಹೇಳಿದ್ದಾರೆ ಎನ್ನಲಾಗಿದೆ. ಈ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸಿಯಾ ಗೋಯಲ್, ಚೇತನ್ ಚೌಧರಿ ಹಾಗೂ ಅವರ ಸ್ನೇಹಿತ ರಿತೇಶ್ ಹಿಂಗೆ ಅವರನ್ನು ಪೊಲೀಸರು ಈಗಾಗಲೇ ಬಂಧಿಸಿದ್ದು, ತನಿಖೆ ಮುಂದುವರೆದಿದೆ, (ಏಜೆನ್ಸೀಸ್).