ಕಾಂಗ್ರೆಸ್ ಕಚೇರಿಯಲ್ಲಿ ತಡೆಹಿಡಿದ ವಂದೇ ಮಾತರಂ ಸಾಲುಗಳಲ್ಲೇ ಇದೆ ದುರ್ಗಾ ದೇವಿ ಉಲ್ಲೇಖ: ಸ್ಮೃತಿ ಇರಾನಿ ಹೊಸ ಬಾಂಬ್! | Smriti Irani

ಶಾಸನಸಭೆಗಳಲ್ಲಿ ಶೇ.33 ರಷ್ಟು ಮಹಿಳಾ ಮೀಸಲಾತಿಯನ್ನು ತಕ್ಷಣವೇ ಜಾರಿಗೊಳಿಸುವುದನ್ನು ಬೆಂಬಲಿಸಬೇಕು ಮತ್ತು ಕಾಂಗ್ರೆಸ್ ಪ್ರಧಾನ ಕಚೇರಿಯಲ್ಲಿ ವಂದೇ ಮಾತರಂ ಗೀತೆಯ ಸಂಪೂರ್ಣ ಆವೃತ್ತಿಯನ್ನು ಹಾಡಿಸಬೇಕು ಎಂದು ಬಿಜೆಪಿ ನೂತನ ಪ್ರಧಾನ ಕಾರ್ಯದರ್ಶಿ ಸ್ಮೃತಿ ಇರಾನಿ (Smriti Irani), ಕೈ ನಾಯಕ ರಾಹುಲ್ ಗಾಂಧಿ ಅವರಿಗೆ ಬಹಿರಂಗ ಸವಾಲು ಹಾಕಿದ್ದಾರೆ.

ತಡೆಹಿಡಿದ ವಂದೇ ಮಾತರಂ ಸಾಲುಗಳಲ್ಲೇ ಇದೆ ದುರ್ಗಾ ದೇವಿ ಉಲ್ಲೇಖ

ಹಿಂದೂ ಸಂಪ್ರದಾಯವು ಮಹಿಳೆಯರನ್ನು ಗೌರವಿಸುತ್ತದೆ ಎಂದು ಹೇಳಿದ ಇರಾನಿ, ಲಕ್ಷ್ಮಿ, ಸರಸ್ವತಿ ಮತ್ತು ದುರ್ಗಾ ದೇವಿಯರ ಆರಾಧನೆಯನ್ನು ಉದಾಹರಣೆಯಾಗಿ ನೀಡಿದ್ದಾರೆ. ನಾವು ದುರ್ಗಾ ದೇವಿಯನ್ನು ಶಕ್ತಿಯ ಸಾಕ್ಷಾತ್ ರೂಪವೆಂದು ಆರಾಧಿಸುತ್ತೇವೆ. ದುರ್ಗಾ ದೇವಿಯನ್ನು ಸ್ತುತಿಸುವ ಸಾಲುಗಳು ಸೇರಿದಂತೆ ವಂದೇ ಮಾತರಂನ ಸಂಪೂರ್ಣ ಆವೃತ್ತಿಯನ್ನು ಕಾಂಗ್ರೆಸ್ ಪ್ರಧಾನ ಕಚೇರಿಯಲ್ಲಿ ಹಾಡಬೇಕು ಎಂದು ನಾನು ಒತ್ತಾಯಿಸುತ್ತೇನೆ ಎಂದು ಅವರು ತಿಳಿಸಿದ್ದಾರೆ.

ಪುಣೆಯಲ್ಲಿ ರಾಹುಲ್​ ಮಾತು!...

ಮಹಿಳಾ ಹಕ್ಕುಗಳ ಕುರಿತು ರಾಹುಲ್ ಗಾಂಧಿ ಮಾಡಿದ ಹೇಳಿಕೆಗಳನ್ನು ರಾಜಕೀಯ ಸವಾಲಾಗಿ ಪರಿವರ್ತಿಸಿದ ಸ್ಮೃತಿ ಇರಾನಿ, ಮಹಿಳಾ ಮೀಸಲಾತಿ ಜಾರಿಯನ್ನು ಬೆಂಬಲಿಸುವಂತೆ ಹಾಗೂ ಕಾಂಗ್ರೆಸ್ ಪಕ್ಷದ ಮೂಲಕ ವಂದೇ ಮಾತರಂ ಸಂಪೂರ್ಣ ಗೀತೆಯನ್ನು ಹಾಡಿಸುವಂತೆ ಅವರಿಗೆ ಆಗ್ರಹಿಸಿದ್ದಾರೆ