ಒಸಾಮಾ ಬಿನ್ ಲಾಡೆನ್ ಮತ್ತು ಅಸಾದುದ್ದೀನ್ ಓವೈಸಿಯಲ್ಲಿ ವ್ಯತ್ಯಾಸವಿಲ್ಲ: ನಿತೇಶ್ ರಾಣೆ
- AIMIM ಒಂದು ಭಯೋತ್ಪಾದಕ ಸಂಘಟನೆ
- ಒಸಾಮಾ ಬಿನ್ ಲಾಡೆನ್ ಮತ್ತು ಅಸಾದುದ್ದೀನ್ ಓವೈಸಿಯಲ್ಲಿ ವ್ಯತ್ಯಾಸವಿಲ್ಲ: ನಿತೇಶ್ ರಾಣೆ
- ಕೂಡಲೇ ಈ ಭಯೋತ್ಪಾದಕ ಸಂಘಟನೆಯನ್ನು ಬ್ಯಾನ್ ಮಾಡಬೇಕು
- ಟಿಸಿಎಸ್ ಮತಾಂತರ ಪ್ರಕರಣಕ್ಕೆ ನಿತೇಶ್ ರಾಣೆ ರಿಯಾಕ್ಷನ್
ಮುಂಬೈ: ಬಿಜೆಪಿ ನಾಯಕ ಹಾಗೂ ಮಹಾರಾಷ್ಟ್ರ ಸರ್ಕಾರದ ಬಂದರು ಅಭಿವೃದ್ಧಿ ಸಚಿವ ನಿತೇಶ್ ರಾಣೆ (Nitesh Rane on AIMIM), ಆಲ್ ಇಂಡಿಯಾ ಮಜ್ಲಿಸ್-ಎ-ಇತ್ತೆಹಾದುಲ್ ಮುಸ್ಲಿಮೀನ್ (AIMIM) ಪಕ್ಷ ಒಂದು ಭಯೋತ್ಪಾದಕ ಸಂಘಟನೆ ಹಾಗೂ ಅಸಾದುದ್ದೀನ್ ಓವೈಸಿ ಹಾಗೂ ಒಸಾಮಾ ಬಿನ್ ಲಾಡೆನ್ರಲ್ಲಿ ಯಾವುದೇ ವ್ಯತ್ಯಾಸವಿಲ್ಲ ಎಂಬ ಹೇಳಿಕೆ ಈಗ ವಿವಾದಕ್ಕೆ ಕಾರಣವಾಗಿದೆ.
ನಾಸಿಕ್ನ ಟಿಸಿಎಸ್ ಕಂಪನಿಯ ನಿದಾ ಖಾನ್ ಎಂಬಾಕೆ ಬಲವಂತದ ಮತಾಂತರ ಮಾಡುತ್ತಿದ್ದು, ಇದಕ್ಕೆ ಎಐಎಂಐಎಂ ಪಕ್ಷದ ಮತೀನ್ ಮಾಜೀದ್ ಪಟೇಲ್ ಎಂಬಾತ ಸಹಕಾರ ನೀಡುತ್ತಿದ್ದ ಹಿನ್ನಲೆ ರಾಣೆ ಈ ಹೇಳಿಕೆ ನೀಡಿದ್ದಾರೆ.
ಅಂದು ಅಲ್ ಖೈದಾ ಇಂದು ಎಐಎಂಐಎಂ
ಓವೈಸಿ ವಿರುದ್ಧ ವಾಗ್ದಾಳಿ ನಡೆಸಿದ ನಿತೇಶ್ ರಾಣೆ, ಎಐಎಂಐಎಂ ಇದೊಂದು ಭಯೋತ್ಪಾದಕ ಸಂಘಟನೆ ಹೊರತು ಯಾವುದೇ ರಾಜಕೀಯ ಪಕ್ಷವಲ್ಲ, ಹಾಗೆಯೇ ಈ ಅಸಾದುದ್ದೀನ್ ಓವೈಸಿ ಹಾಗೂ ಒಸಾಮಾ ಬಿನ್ ಲಾಡೆನ್ರಲ್ಲಿ ಬಹಳ ವ್ಯತ್ಯಾಸವೇನಿಲ್ಲ.
ಬಿನ್ ಲಾಡೆನ್ ಅಲ್ ಖೈದಾ ಮೂಲಕ ತನ್ನ ಕೆಲಸವನ್ನು ಮಾಡಿದರೆ ಇಂದು ಓವೈಸಿ ಈ ಎಐಎಂಐಎಂ ಮೂಲಕ ಅದೇ ಅಲ್ ಖೈದಾ ಮಾಡುತ್ತಿದ್ದ ಕೆಲಸವನ್ನೇ ಮಾಡುತ್ತಿದ್ದಾರೆ ಎಂದು ರಾಣೆ ಕಿಡಿ ಕಾರಿದ್ದಾರೆ.
ಎಐಎಂಐಎಂ ಎಂದರೆ ಜಿಹಾದ್!
ಈ ಎಐಎಂಐಎಂ ಪಕ್ಷ ಇಷ್ಟು ವರ್ಷದಿಂದ ಅಸ್ಥಿತ್ವದಲ್ಲಿದೆ. ಆದರೆ ಈ ಪಕ್ಷದ ಪ್ರನಾಳಿಕೆ ಏನು? ಈ ಪಕ್ಷದ ಪ್ರನಾಳಿಕೆ ಕೇವಲ ಜಿಹಾದ್ ಹೊರತಾಗಿ ಬೇರೆನಿಲ್ಲ. ನಾವು ಪಿಎಫ್ಐ ಪಕ್ಷವನ್ನು ಬ್ಯಾನ್ ಮಾಡಿದಂತೆ, ಈ ಎಐಎಂಐಎಂ ಅನ್ನು ಆದಷ್ಟು ಬೇಗ ನಿಷೇಧಿಸಬೇಕಾದ ಅಗತ್ಯತೆ ಇದೆ ಎಂದು ನಿತೇಶ್ ರಾಣೆ ಹೇಳಿದ್ದಾರೆ, (ಏಜನ್ಸೀಸ್).