Agnikul Cosmos Mission 02
- ಬಾಹ್ಯಾಕಾಶದಿಂದ ಧರೆಗೆ ಉರುಳುವ ರಾಕೆಟ್ ಇನ್ನು ಸುರಕ್ಷಿತವಾಗಿ ಲ್ಯಾಂಡ್ ಮಾಡಲು ಪ್ಲ್ಯಾನ್
- ಭಾರತೀಯ ಖಾಸಗಿ ಬಾಹ್ಯಕಾಶ ತಂತ್ರಜ್ಞಾನ ಸಂಸ್ಥೆಯಾದ ‘ಅಗ್ನಿಕುಲ್ ಕಾಸ್ಮೋಸ್ನಿಂದ ಹೊಸ ಯತ್ನ
- ಮಿಷನ್ 2 ಘೋಷಣೆ ಮಾಡಿದ ‘ಅಗ್ನಿಕುಲ್ ಕಾಸ್ಮೋಸ್ ಸಂಸ್ಸ್ಥೆ
Agnikul Cosmos Mission 02: ಅಮೆರಿಕ, ಚೀನಾ ಹಾಗೂ ಜಪಾನ್ ರಾಷ್ಟ್ರಗಳು ತಮ್ಮದೇ ಆದ ಮರುಬಳಕೆ ಮಾಡಬಹುದಾದ ರಾಕೆಟ್ಗಳನ್ನು ಯಶಸ್ವಿಯಾಗಿ ಪರೀಕ್ಷಿಸಿದ ಬೆನ್ನಲ್ಲೇ, ಭಾರತವೂ ಇಂತಹವೊಂದು ಐತಿಹಾಸಿಕ ಘಟನೆಗೆ ಕಾರಣವಾಗಲು ಸಜ್ಜಾಗುತ್ತಿದೆ. ಭಾರತೀಯ ಖಾಸಗಿ ಬಾಹ್ಯಕಾಶ ತಂತ್ರಜ್ಞಾನ ಸಂಸ್ಥೆಯಾದ ‘ಅಗ್ನಿಕುಲ್ ಕಾಸ್ಮೋಸ್' ಸಮುದ್ರದ ಮೇಲೆ ಯಶಸ್ವಿಯಾಗಿ ರಾಕೆಟ್ ಬೂಸ್ಟರ್ ಅನ್ನು ಯಶಸ್ವಿಯಾಗಿ ಇಳಿಸಲು ತಯಾರಿ ನಡೆಸುತ್ತಿದೆ.
ಮಿಷನ್ 02
ಅಗ್ನಿಕುಲ್ ಕಾಸ್ಮೋಸ್ ಸಂಸ್ಥೆಯು ತನ್ನ ಮುಂಬರುವ ಮಿಷನ್ 02 ಗಾಗಿ ಅತ್ಯಂತ ವಿಶಿಷ್ಟ ಯೋಜನೆಯನ್ನು ರೂಪಿಸಿದೆ ಎನ್ನಲಾಗಿದೆ. ಈ ಮಿಷನ್ 2 ಯೋಜನೆ ಮೂಲಕ ಮರುಬಳಕೆ ಮಾಡಬಹುದಾದ ರಾಕೆಟ್ ಬೂಸ್ಟರ್ ಹಾಗೂ ಕಕ್ಷೆಯಲ್ಲಿ ಕಾರ್ಯನಿರ್ವಹಿಸಬಲ್ಲ ಮೇಲಿನ ಹಂತವನ್ನು ಪ್ರದರ್ಶಿಲು ಪ್ಲ್ಯಾನ್ ಮಾಡಲಾಗಿದೆ.
ಏನಿದರ ವಿಶೇಷತೆ?
ಸಾಮಾನ್ಯವಾಗಿ ಉಪಗ್ರಹವನ್ನು ಕಕ್ಷೆಗೆ ತಲುಪಿಸಿದ ನಂತರ ಮೇಲಿನ ಹಂತವನ್ನು ಬಾಹ್ಯಾಕಾಶದಲ್ಲಿಯೇ ತ್ಯಜಿಸಲಾಗುತ್ತದೆ. ಆದರೆ, ಅಗ್ನಿಕುಲ್ ಸಂಸ್ಥೆಯು ಇದನ್ನು ತ್ಯಜಿಸುವ ಬದಲಿಗೆ, ಕಕ್ಷೆಯಲ್ಲಿಯೇ ಸಕ್ರಿಯವಾಗಿ ಕಾರ್ಯನಿರ್ವಹಿಸುವ ತಂತ್ರಜ್ಞಾನವನ್ನು ಪ್ರದರ್ಶಿಸಲಿದೆ.
ಸಮುದ್ರದ ನೀರಿನಲ್ಲಿ ಇಳಿಯುವಿಕೆಯ ಐತಿಹಾಸಿಕ ಕಾರ್ಯಾಚರಣೆಯ ಸಮಯದಲ್ಲಿ, ಅಗ್ನಿಬಾನ್ ರಾಕೆಟ್ನ ಮೊದಲ ಹಂತದ ಬೂಸ್ಟರ್ ಉಪಗ್ರಹವನ್ನು ನಿಯೋಜಿಸಿದ ನಂತರ ನಿಯಂತ್ರಿತವಾಗಿ ಕೆಳಕ್ಕೆ ಇಳಿಯುವ ಪ್ರಯತ್ನ ಮಾಡಲಿದೆ. ತದನಂತರ ಅದನ್ನು ಯಶಸ್ವಿಯಾಗಿ ಸಮುದ್ರದಿಂದ ಮರಳಿ ಪಡೆದುಕೊಳ್ಳುವ ಮೂಲಕ ಭಾರತದ ಬಾಹ್ಯಾಕಾಶ ಇತಿಹಾಸದಲ್ಲಿ ಹೊಸ ದಾಖಲೆ ಬರೆಯಲು ಸಂಸ್ಥೆ ಸಜ್ಜಾಗಿದೆ.
ಅಗ್ನಿಕುಲ್ ಕಾಸ್ಮೋಸ್ನ ಸಹ-ಸಂಸ್ಥಾಪಕ ಮತ್ತು ಸಿಇಒ ಶ್ರೀನಾಥ್ ರವಿಚಂದ್ರನ್ ಹೇಳಿದ್ದಿಷ್ಟು
ಈ ಮಿಷನ್ನ ವೀಕ್ಷಕರಾಗಿ ಇಸ್ರೋದ ಮಾಜಿ ಅಧ್ಯಕ್ಷ ಎಸ್. ಸೋಮನಾಥ್ ಅವರು ಕಂಪನಿಯ ಮಂಡಳಿಗೆ ಸೇರಿದ್ದಾರೆ. ತಮ್ಮ ಅಧಿಕಾರಾವಧಿಯಲ್ಲಿ ಚಂದ್ರಯಾನ-3, LVM3, ಆದಿತ್ಯ L1 ಮಿಷನ್ಗಳ ಉಡಾವಣೆಯ ಮೇಲ್ವಿಚಾರಣೆ ನಡೆಸಿದ್ದಾರೆ. ಅವರು ನಮಗೆ ಮಾರ್ಗದರ್ಶನ ಕೊಡೋದು ನಿಜಕ್ಕೂ ನಮಗೆ ಸಿಗುತ್ತಿರುವ ಆಶೀರ್ವಾದ ಎಂದು ಅಗ್ನಿಕುಲ್ ಕಾಸ್ಮೋಸ್ನ ಸಹ-ಸಂಸ್ಥಾಪಕ ಮತ್ತು ಸಿಇಒ ಶ್ರೀನಾಥ್ ರವಿಚಂದ್ರನ್ ಹೇಳಿದರು, (ಏಜೆನ್ಸೀಸ್).