ಚಹಾಲ್ ಬದುಕಿನಲ್ಲಿ ಹೊಸ ಅಲೆ..? RJ ಮಹ್ವಾಶ್ ಜೊತೆ ಬ್ರೇಕ್-ಅಪ್ ಬೆನ್ನಲ್ಲೇ ಶೆಫಾಲಿ ಬಗ್ಗಾ ಜೊತೆ ಪ್ರತ್ಯಕ್ಷ
ಮುಂಬೈ: ಭಾರತೀಯ ಕ್ರಿಕೆಟ್ ತಂಡದ ಸ್ಟಾರ್ ಸ್ಪಿನ್ನರ್ ಯಜುವೇಂದ್ರ ಚಹಾಲ್(Yuzvendra Chahal) ಅವರ ವೈಯಕ್ತಿಕ ಜೀವನ ಈಗ ಮತ್ತೆ ಸುದ್ದಿಯ ಕೇಂದ್ರಬಿಂದುವಾಗಿದೆ. ಖ್ಯಾತ ನಟಿ ಮತ್ತು ಆಂಕರ್ ಶೆಫಾಲಿ ಬಗ್ಗಾರೊಂದಿಗೆ ಚಹಾಲ್ ಮುಂಬೈನ ರೆಸ್ಟೋರೆಂಟ್ ಒಂದರಲ್ಲಿ ಕಾಣಿಸಿಕೊಂಡಿರುವುದು ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದೆ.
ಶೆಫಾಲಿ ಬಗ್ಗಾ ಜೊತೆ ಡಿನ್ನರ್ ಡೇಟ್!
ಮಹ್ವಾಶ್ ಅವರೊಂದಿಗೆ ದೂರವಾದ ಬೆನ್ನಲ್ಲೇ, ಚಹಾಲ್ ಅವರು ಬಿಗ್ ಬಾಸ್ ಖ್ಯಾತಿಯ ಶೆಫಾಲಿ ಬಗ್ಗಾರೊಂದಿಗೆ ಡಿನ್ನರ್ ಮುಗಿಸಿ ಹೊರಬರುತ್ತಿರುವ ವಿಡಿಯೋಗಳು ವೈರಲ್ ಆಗಿವೆ. ಇಬ್ಬರೂ ಕ್ಯಾಮೆರಾಗೆ ಪೋಸ್ ನೀಡದಿದ್ದರೂ, ಒಟ್ಟಿಗೆ ಸಮಯ ಕಳೆದಿರುವುದು ಹಲವು ಪ್ರಶ್ನೆಗಳನ್ನು ಎತ್ತಿದೆ. ಈ ವಿಡಿಯೋಗಳು ಹರಿದಾಡುತ್ತಿದ್ದಂತೆ, ನೆಟ್ಟಿಗರು ಚಹಾಲ್ ಬದುಕಿನಲ್ಲಿ ಹೊಸ ಇನಿಂಗ್ಸ್ ಶುರುವಾಯಿತೇ? ಎಂದು ಕಾಮೆಂಟ್ ಮಾಡುತ್ತಿದ್ದಾರೆ.
ಇನ್ಸ್ಟಾಗ್ರಾಮ್ನಲ್ಲಿ ಶುರುವಾದ ಬಿರುಕು?
ಕಳೆದ ಕೆಲವು ದಿನಗಳಿಂದ ಚಹಾಲ್ ಮತ್ತು ನಟಿ-ನಿರ್ಮಾಪಕಿ RJ ಮಹ್ವಾಶ್ ನಡುವೆ ಎಲ್ಲವೂ ಸರಿಯಿಲ್ಲ ಎಂಬ ಮಾತುಗಳು ಕೇಳಿಬರುತ್ತಿದ್ದವು. ಇದಕ್ಕೆ ಪುಷ್ಟಿ ನೀಡುವಂತೆ, ಇಬ್ಬರೂ ಇನ್ಸ್ಟಾಗ್ರಾಮ್ನಲ್ಲಿ ಒಬ್ಬರನ್ನೊಬ್ಬರು ಅನ್ಫಾಲೋ ಮಾಡಿದ್ದಾರೆ. ಅಷ್ಟೇ ಅಲ್ಲದೆ, ಇಬ್ಬರೂ ತಮ್ಮ ಸ್ಟೋರಿಗಳಲ್ಲಿ ನಿಗೂಢವಾದ ಪೋಸ್ಟ್ಗಳನ್ನು ಹಂಚಿಕೊಳ್ಳುವ ಮೂಲಕ ಅಭಿಮಾನಿಗಳಲ್ಲಿ ಅನುಮಾನ ಹುಟ್ಟಿಸಿದ್ದರು.
ದಾಂಪತ್ಯ ಮತ್ತು ವದಂತಿಗಳ ನಡುವೆ ಚಹಾಲ್
ಚಹಾಲ್ ಮತ್ತು ಅವರ ಪತ್ನಿ ಧನಶ್ರೀ ವರ್ಮಾ ಅವರ ನಡುವಿನ ಸಂಬಂಧದ ಬಗ್ಗೆಯೂ ಈ ಹಿಂದೆ ಹಲವು ವದಂತಿಗಳು ಹಬ್ಬಿದ್ದವು. ಈಗ RJ ಮಹ್ವಾಶ್ ಅವರೊಂದಿಗಿನ ಇನ್ಸ್ಟಾಗ್ರಾಮ್ ಕಿತ್ತಾಟ ಮತ್ತು ಶೆಫಾಲಿ ಬಗ್ಗಾ ಅವರ ಎಂಟ್ರಿ ಈ ಎಲ್ಲಾ ಬೆಳವಣಿಗೆಗಳಿಗೆ ಹೊಸ ತಿರುವು ನೀಡಿದೆ. ಸದ್ಯಕ್ಕೆ ಈ ಬಗ್ಗೆ ಚಹಾಲ್ ಆಗಲಿ ಅಥವಾ ಶೆಫಾಲಿ ಆಗಲಿ ಯಾವುದೇ ಅಧಿಕೃತ ಪ್ರತಿಕ್ರಿಯೆ ನೀಡಿಲ್ಲ.
ಕ್ರೀಡಾಂಗಣದಲ್ಲಿ ತನ್ನ ಗೂಗ್ಲಿಗಳ ಮೂಲಕ ಬ್ಯಾಟರ್ಗಳನ್ನು ಕಟ್ಟಿಹಾಕುವ ಚಹಾಲ್, ಈಗ ತಮ್ಮ ವೈಯಕ್ತಿಕ ಜೀವನದ ಈ ಗೂಗ್ಲಿಯನ್ನು ಹೇಗೆ ಎದುರಿಸುತ್ತಾರೆ ಎಂಬುದು ಕುತೂಹಲಕಾರಿಯಾಗಿದೆ,(ಏಜೆನ್ಸೀಸ್).