ಮೌಂಟ್​ ಎವರೆಸ್ಟ್ ಶಿಖರ ಏರಿ ಕೆಳಗೆ ಇಳಿಯುವಾಗ ಭಾರತದ ಇಬ್ಬರು ಪರ್ವತಾರೋಹಿಗಳು ನಿಧನ..Mount Everest

ಮೃತ ಪರ್ವತಾರೋಹಿಗಳನ್ನು ಅರುಣ್​ ತಿವಾರಿ ಮತ್ತು ಸಂದೀಪ್ ಅರೆ​ ಎಂದು ಗುರುತಿಲಸಾಗಿದೆ. ಇಬ್ಬರು ಶಿಖರ ಏರಿದ ಸಂಭ್ರಮದಲ್ಲಿದ್ದರು. ತೀವ್ರ ದೇಹದ ಬಳಲಿಕೆಯನ್ನು ಹೊತ್ತಿದ್ದ ಇವರು ಕೆಳಕ್ಕಿಳಿಯುವ ವೇಳೆ ಮೃತಪಟ್ಟಿದ್ದಾರೆ ಎಂದು ನೇಪಾಳದ ಎಕ್ಸ್​​ಪೆಡಿಶನ್​ ಆಪರೇಟರ್ಸ್​ ಅಸೋಸಿಯೇಷನ್​ನ ಪ್ರಧಾನ ಕಾರ್ಯದರ್ಶಿ ರಿಷಿ ಭಂಡಾರಿ ಹೇಳಿದ್ದಾರೆ.

 ರಿಷಿ ಭಂಡಾರಿ  ಅವರ ಪ್ರಕಾರ ಬುಧವಾರ ಸಂದೀಪ್​ ಅರೆ ಅವರು ಎತ್ತರದ ಶಿಖರವನ್ನು ತಲುಪಿದ್ದರು. ಇನ್ನು ಕುಮಾರ್ ತಿವಾರಿ ಗುರುವಾರ 8,848 ಮೀಟರ್​ ಎತ್ತರದ ಮೌಂಟ್​ ಎವರೆಸ್ಟ್​ ಶಿಖರದ ತುತ್ತತುದಿ ತಲುಪಿದ್ದರು. ಇಬ್ಬರು ಶಿಖರ ತಲುಪಿದ್ದ ಸಂಭ್ರಮದ ಕ್ಷಣದಲ್ಲಿದ್ದರು. ಆದರೆ, ವಾಪಸ್ ಬರುವಾಗ ಅವರ ದೇಹ ಸಾಕಷ್ಟು ದಣಿದಿತ್ತು ಎಂದು ಹೇಳಿದ್ದಾರೆ. 

ಅರುಣ್​ ತಿವಾರಿ ಮತ್ತು ಸಂದೀಪ್​  ಅವರ ಜೊತೆಗೆ ಶೆರ್ಫಾ ಗೈಡ್​ಗಳು ಇದ್ದರು. ಇಬ್ಬರ ಜೀವವನ್ನು ಉಳಿಸಲು ಅವರು ಸಾಕಷ್ಟು ಪ್ರಯತ್ನ ಪಟ್ಟರು. ಶೇರ್ಪಾ ಗೈಡ್‌ಗಳು ಅವರನ್ನು 'ಬಾಲ್ಕನಿ' ಪ್ರದೇಶದಿಂದ ರಾತ್ರೋರಾತ್ರಿ ಸೌತ್ ಕೋಲ್ ವರೆಗೆ ರಕ್ಷಿಸಿ ಕರೆತಂದು ಜೀವ ಉಳಿಸಲು ಶ್ರಮಿಸಿದರು. ಅರುಣ್​ ತಿವಾರಿಯನ್ನು ಪ್ರಸಿದ್ಧ 'ಹಿಲರಿ ಸ್ಟೆಪ್'  ಮೃತಪಟ್ಟರು. ಇನ್ನು ಸಂದೀಪ್ ಅವರು ಕ್ಯಾಂಪ್​ನಲ್ಲಿ ನಿಧನರಾದರು. ಕೊನೆಯ ಕ್ಷಣದವರೆಗೂ ಪ್ರಾಮಾಣಿಕವಾಗಿ ಪ್ರಯತ್ನ ಪಟ್ಟರು. ಆದರೆ, ಇಬ್ಬರ ಪ್ರಾಣ ಉಳಿಸಲು ಸಾಧ್ಯವಾಗಲಿಲ್ಲ ಎಂದು  ರಿಷಿ ಭಂಡಾರಿ   ಹೇಳಿಕೊಂಡರು. 

ಮೌಂಟ್​ ಎವರೆಸ್ಟ್​ ಪರ್ವತಾರೋಹಣ ಹಂಗಾಮಿನಲ್ಲಿ ಮೌಂಟ್​ ಎವರೆಸ್ಟ್​ನ ಪರ್ವತಾರೋಹಣ ಆರಂಭವಾದ ದಿನದಿಂದ ಇಲ್ಲಿಯವರೆಗೂ ಮೃತಪಟ್ಟವರ ಸಂಖ್ಯೆ ಐದಕ್ಕೆ ಕೇರಿದೆ. ಇದಕ್ಕೂ ಮುನ್ನ ನೇಪಾಳ ಪರ್ವಾತರೋಹಿಗಳು ಮೃತಪಟ್ಟಿದ್ದರು. ಬುಧವಾರ ಒಂದೇ ದಿನ ನೇಪಾಳದ ಕಡೆಯಿಂದ 274 ಪರ್ವತಾರೋಹಿಗಳು ಮೌಂಟ್ ಎವರೆಸ್ಟ್ ಶಿಖರವನ್ನು ಯಶಸ್ವಿಯಾಗಿ ಏರಿ ಹೊಸ ಇತಿಹಾಸ ಸೃಷ್ಟಿಸಿದ್ದರು, (ಏಜೆನ್ಸೀಸ್).