ಬ್ರಿಕ್ಸ್ ಶೃಂಗಸಭೆ; ನವದೆಹಲಿ ಘೋಷಣೆ-2026 ಸರ್ವಾನುಮತದಿಂದ ಅಂಗೀಕಾರ: ಭಾರತದ ರಾಜತಾಂತ್ರಿಕತೆಯಲ್ಲಿ ಮತ್ತೊಂದು ಪ್ರಗತಿ | New Delhi Declaration

ನವದೆಹಲಿ: ನವದೆಹಲಿಯಲ್ಲಿ ಶನಿವಾರ(ಸೆ. 12) ನಡೆದ 18ನೇ ಬ್ರಿಕ್ಸ್ ಶೃಂಗಸಭೆಯು ನವದೆಹಲಿ ಘೋಷಣೆ 2026(New Delhi Declaration) ಅನ್ನು ಸದಸ್ಯ ರಾಷ್ಟ್ರಗಳು ಸರ್ವಾನುಮತದಿಂದ ಅಂಗೀಕರಿಸಿದ್ದು, ಈ ಮೂಲಕ ಭಾರತ ರಾಜತಾಂತ್ರಿಕತೆಯಲ್ಲಿ ಮತ್ತೊಂದು ಪ್ರಗತಿ ಸಾಧಿಸಿದೆ.

ಈ ಒಪ್ಪಂದವು ಭಾರತದ ಬ್ರಿಕ್ಸ್ ಅಧ್ಯಕ್ಷತೆಗೆ ಮಹತ್ವದ ರಾಜತಾಂತ್ರಿಕ ಸಾಧನೆಯನ್ನು ಗುರುತಿಸಿದ್ದು, ವಿಶೇಷವಾಗಿ ವಿಸ್ತೃತ ಗುಂಪು ಪ್ರಮುಖ ಭೌಗೋಳಿಕ ರಾಜಕೀಯ ವಿಷಯಗಳಲ್ಲಿ ಅದರ ಸದಸ್ಯರಲ್ಲಿ ಭಿನ್ನಾಭಿಪ್ರಾಯಗಳ ಹೊರತಾಗಿಯೂ ಒಮ್ಮತವನ್ನು ಕಾಯ್ದುಕೊಳ್ಳಲು ಪ್ರಯತ್ನಿಸುತ್ತದೆ. ಈ ಘೋಷಣೆಯು ಪ್ರಮುಖ ಜಾಗತಿಕ ರಾಜಕೀಯ, ಆರ್ಥಿಕ ಮತ್ತು ಭದ್ರತಾ ವಿಷಯಗಳ ಕುರಿತು ಬಣದ ಸಾಮಾನ್ಯ ನಿಲುವುಗಳನ್ನು ವಿವರಿಸುವ ನಿರೀಕ್ಷೆಯಿದೆ.

ಇನ್ನೂ ನವದೆಹಲಿ ಘೋಷಣೆಯಲ್ಲಿ, ಬ್ರಿಕ್ಸ್ ರಾಷ್ಟ್ರಗಳು ಅಂತರರಾಷ್ಟ್ರೀಯ ಕಾನೂನಿಗೆ ವಿರುದ್ಧವಾದ ಏಕಪಕ್ಷೀಯ ಬಲವಂತದ ಕ್ರಮಗಳನ್ನು ಖಂಡಿಸುವುದರ ಜೊತೆಗೆ, ವಿಶ್ವ ವ್ಯಾಪಾರ ಸಂಸ್ಥೆಯ ನಿಯಮಗಳಿಗೆ ಅಸಂಗತವಾದ ಹಾಗೂ ವ್ಯಾಪಾರದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುವ ಏಕಪಕ್ಷೀಯ ಸುಂಕಗಳು ಮತ್ತು ಸುಂಕೇತರ ಕ್ರಮಗಳ ಹೆಚ್ಚಳದ ಬಗ್ಗೆ ತೀವ್ರ ಕಳವಳ ವ್ಯಕ್ತಪಡಿಸಿವೆ.

ಅಂತರರಾಷ್ಟ್ರೀಯ ವಿವಾದಗಳನ್ನು ಬಗೆಹರಿಸಲು ಸಂವಾದ, ರಾಜತಾಂತ್ರಿಕತೆ ಮತ್ತು ಬಹುಪಕ್ಷೀಯ ವಿಧಾನವನ್ನು ಅಳವಡಿಸಿಕೊಳ್ಳುವಂತೆ ಈ ಘೋಷಣೆಯು ಕರೆ ನೀಡಿದೆ. ಜೊತೆಗೆ, ಸಂಘರ್ಷಗಳ ಮೂಲ ಕಾರಣಗಳನ್ನು ನಿವಾರಿಸುವ ಮೂಲಕ ಸಂಘರ್ಷ ತಡೆಗಟ್ಟುವ ಪ್ರಯತ್ನಗಳ ಅಗತ್ಯವನ್ನೂ ಸಭೆಯೂ ಒತ್ತಿ ಹೇಳಿದೆ (ಏಜೆನ್ಸೀಸ್).