ಆಂಧ್ರಪ್ರದೇಶ: 69ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ 2023ರ ವಿಜೇತರನ್ನು ಗುರುವಾರ (ಆಗಸ್ಟ್ 24) ಸಂಜೆ 5 ಗಂಟೆಗೆ ಅಧಿಕೃತವಾಗಿ ಪ್ರಕಟಿಸಲಾಯಿತು. ದೇಶದಾದ್ಯಂತ ಚಿತ್ರರಂಗದ ಅತ್ಯುತ್ತಮ ಪ್ರತಿಭೆಗಳನ್ನು ಗೌರವಿಸಲು ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಗಳನ್ನು ವಾರ್ಷಿಕವಾಗಿ ಘೋಷಿಸುವಂತೆ, ಈ ವರ್ಷವು ಕೂಡ ಪ್ರಶಸ್ತಿ ಗೆದ್ದವರ ಪಟ್ಟಿಯನ್ನು ಬಿಡುಗಡೆಗೊಳಿಸಲಾಗಿದೆ.
ಕನ್ನಡದ '777 ಚಾರ್ಲಿ' ಸೇರಿದಂತೆ ಹಲವು ಭಾಷೆಗಳ ಚಿತ್ರಗಳಿಗೆ ಅತ್ಯುತ್ತಮ ಸಿನಿಮಾ ಪ್ರಶಸ್ತಿಗಳು ಲಭಿಸಿತು. ಅತ್ಯುತ್ತಮ ನಟ ಅವಾರ್ಡ್ ಟಾಲಿವುಡ್ನ ಐಕಾನ್ ಸ್ಟಾರ್ ಅಲ್ಲು ಅರ್ಜುನ್ ಅವರಿಗೆ ದೊರೆತಿದೆ. ಈ ಸಂಗತಿಗಳನ್ನು ಗಮನಿಸಿದ ತಮಿಳು ನಟ ನಾನಿ, ಈ ಬಗ್ಗೆ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಸ್ಟೋರಿ ಅಪಲೋಡ್ ಮಾಡುವ ಮುಖೇನ ಎಲ್ಲಾ ವಿಜೇತರಿಗೂ ಅಭಿನಂದನೆ ತಿಳಿಸಿದ್ದಾರೆ.
ಅಭಿನಂದನೆ ತಿಳಿಸಿದ ಬಳಿಕ ಮತ್ತೊಂದು ಸ್ಟೋರಿ ಹಾಕಿದ ನಾನಿ, ಕಾಲಿವುಡ್ನ ಸ್ಟಾರ್ ಸೂರ್ಯ ನಟನೆಯ ಬ್ಲಾಕ್ಬಸ್ಟರ್ ಹಿಟ್ 'ಜೈ ಭೀಮ್' ಚಿತ್ರಕ್ಕೆ ಯಾವುದೇ ಪ್ರಶಸ್ತಿಗಳು ಲಭಿಸದೆ ಇದ್ದಕ್ಕೆ ಹ್ಯಾಶ್ಟ್ಯಾಗ್ ಬಳಸಿ ಜೈ ಭೀಮ್ ಎಂದು ಬರೆದು, ಒಡೆದ ಹೃದಯದ ಎಮೋಜಿಯನ್ನು ಹಾಕಿ ತಮ್ಮ ಬೇಸರ ವ್ಯಕ್ತಪಡಿಸಿದ್ದಾರೆ,(ಏಜೆನ್ಸೀಸ್).