ಮುಂಬೈ: ಸೀತಾ ರಾಮಂ ಸಿನಿಮಾದಲ್ಲಿ ಸೀತಾಮಹಾಲಕ್ಷ್ಮಿ ಪಾತ್ರದಲ್ಲಿ ನಟಿಸಿ ಸೈ ಎನ್ನಿಸಿಕೊಂಡು, ತಮ್ಮ ಸೌಂದರ್ಯದ ಮೂಲಕ ಅಭಿಮಾನಿಗಳ ಮನಗೆದ್ದ ಮರಾಠಿ ಚೆಲುವೆ ಮೃಣಾಲ್ ಠಾಕೂರ್(Mrunal Thakur). ಈ ಸಿನಿಮಾ ಬ್ಲಾಕ್ ಬಸ್ಟರ್ ಹಿಟ್ ಆದ ನಂತರ ಮೃಣಾಲ್ ಠಾಕೂರ್ ರಾತ್ರೋರಾತ್ರಿ ಸ್ಟಾರ್ ಪಟ್ಟ ಗಿಟ್ಟಿಸಿಕೊಂಡರು. ಅದರ ನಂತರ ಬ್ಯಾಕ್ ಟು ಬ್ಯಾಕ್ ‘ಹಾಯ್ ನನ್ನ’, ‘ಫ್ಯಾಮಿಲಿ ಸ್ಟಾರ್’ ಸಿನಿಮಾಗಳಲ್ಲಿ ಮಿಂಚಿದ್ದು ಗೊತ್ತಿದೆ.
ಮೃಣಾಲ್ ಅವರ ವ್ಯಕ್ತಿತ್ವ ಮತ್ತು ಶೈಲಿ ಯಾವಾಗಲೂ ಅವರ ಅಭಿಮಾನಿಗಳಿಗೆ ಇಷ್ಟವಾಗುತ್ತದೆ. ಸದಾ ಸಾಮಾಜಿಕ ಜಾಲತಾಣದಲ್ಲಿ ಆ್ಯಕ್ರೀವ್ ಆಗಿರುವ ನಟಿ ಆಗಾಗ್ಗೆ ತಮ್ಮ ಅಭಿಮಾನಿಗಳೊಂದಿಗೆ ವಿಚಾರ ವಿನಿಮಯ ಮಾಡುತ್ತಿರುತ್ತಾರೆ. ಇತ್ತೀಚೆಗೆ ನಟಿ ಮೃಣಾಲ್ ಠಾಕೂರ್ ಅವರ ಅಭಿಮಾನಿಯೊಬ್ಬರು ಪೋಸ್ಟ್ ಒಂದನ್ನು ಹಂಚಿಕೊಂಡಿದ್ದಾರೆ. ಆ ವಿಡಿಯೋದಲ್ಲಿ ಅಭಿಮಾನಿ ಮತ್ತು ಮೃಣಾಲ್ ಒಟ್ಟಿಗೆ ದೀಪಾವಳಿ ಆಚರಿಸುತ್ತಿರುವಂತೆ ಕಾಣುತ್ತದೆ.
ಮೊದಲಿಗೆ ಈ ಪೋಸ್ಟ್ ನೋಡಿ ನಟಿ ಮೃಣಾಲ್ ಅದಕ್ಕೆ ಖಾರವಾಗಿ ಪ್ರತಿಕ್ರಿಯಿಸಿದ್ದಾರೆ. ನೀವೇಕೆ ಸುಳ್ಳನ್ನು ಹೀಗೆ ಹೇಳುತ್ತಿದ್ದೀರಿ? ನೀವು ಮಾಡಿರುವುದು ತಪ್ಪಾಗಿದೆ ಎಂದು ಭಾವಿಸುತ್ತೀರಾ? ಇಲ್ಲ! ಎಂದು ಕಾಮೆಂಟ್ ಮಾಡಿದ್ದಾರೆ. ಬಳಿಕ ಕೆಲವು ನಿಮಿಷಗಳಲ್ಲಿ ತಮ್ಮ ಕಾಮೆಂಟ್ ಅನ್ನು ತಾವೇ ಡಿಲೀಟ್ ಮಾಡಿದ್ದಾರೆ. ಅಭಿಮಾನಿಯೊಬ್ಬ ಎಡಿಟ್ ಮಾಡಿರುವ ವಿಡಿಯೋವನ್ನು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ನೀವು ಮುಂದೊಂದು ದಿನ ದೊಡ್ಡ ಸಿನಿಮಾವನ್ನು ಎಡಿಟ್ ಮಾಡುತ್ತೀರಿ..ಗುಡ್ ಲಕ್, ಹ್ಯಾಪಿ ದೀಪಾವಳಿ ಎಂದು ಬರೆದಿದ್ದಾರೆ.
ಎರಡೂ ಪ್ರತಿಕ್ರಿಯೆಯನ್ನು ನೋಡಿರುವ ನೆಟ್ಟಿಗರು ನಟಿ ಮೃಣಾಲ್ ಅವರ ಎಲ್ಲಾ ಪೋಸ್ಟ್ಗಳು ಅವರ ಪಿಆರ್ ಸಿಬ್ಬಂದಿ ಕೈನಲ್ಲಿದೆ, ಪಿಆರ್ಗಳ ಪ್ರತಿಕ್ರಿಯೆ ಒಬ್ಬರ ಭಾವನೆಯನ್ನು ಧ್ವಂಸ ಮಾಡುತ್ತದೆ, ಇನ್ನೇನು ಮಾಡಬೇಕೆಂದು ನೀವು ಭಾವಿಸುತ್ತೀರಿ ಎಂದು ಕಾಮೆಂಟ್ ಮಾಡಿದ್ದಾರೆ.
ಮೃಣಾಲ್ ಠಾಕೂರ್ ಇತ್ತೀಚೆಗೆ ವಿಜಯ್ ದೇವರಕೊಂಡ ಅವರೊಂದಿಗೆ 'ಫ್ಯಾಮಿಲಿ ಸ್ಟಾರ್' ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು. ಚಿತ್ರ ಬಾಕ್ಸ್ ಆಫೀಸ್ನಲ್ಲಿ ಗಳಿಕೆ ಮಾಡದಿದ್ದರೂ ಜನ ಮೆಚ್ಚಿಕೊಂಡಿದ್ದರು. 'ಕಲ್ಕಿ 2898 AD' ಸಿನಿಮಾದಲ್ಲಿ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ನಟಿ ಮೃಣಾಲ್ ಠಾಕೂರ್ 'ಪೂಜಾ ಮೇರಿ ಜಾನ್', 'ವಿಶ್ವಂಬರ್' ಮತ್ತು 'ಸನ್ ಆಫ್ ಸರ್ದಾರ್ 2' ಚಿತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.(ಏಜೆನ್ಸೀಸ್)