ಐತಿಹಾಸಿಕ ಮೇಘನಾ: ‘ಡಿ ಡಿ ಢಿಕ್ಕಿ’, ‘ಕೆಂಪಾಂಬುಧಿ’ ಚಿತ್ರಗಳ ಶೂಟಿಂಗ್ ಪೂರ್ಣಗೊಳಿಸಿದ ‘ಚಾರ್‌ಮಿನಾರ್’ ರಾಧೆ

ಐತಿಹಾಸಿಕ ಸಿನಿಮಾದಲ್ಲಿ ನಟಿಸಬೇಕು ಎಂಬ ಕನಸು ‘ಕೆಂಪಾಂಬುಧಿ’ ಚಿತ್ರದ ಮೂಲಕ ಈಡೇರಿದೆ ಎನ್ನುವ ಮೇಘನಾ ಗಾಂವ್ಕರ್, ‘ಯಾವುದೇ ಕಲಾವಿದರಾಗಲಿ ವೃತ್ತಿ ಜೀವನದಲ್ಲಿ ಇಂತಹ ಪಾತ್ರ ಮಾಡಬೇಕು ಎಂಬ ಆಸೆ ಇರುತ್ತದೆ. ಮೊದಲಿನಿಂದಲೂ ನನಗೆ ಐತಿಹಾಸಿಕ ಪಾತ್ರ ಮಾಡಬೇಕೆಂಬ ಆಸೆಯು ‘ಕೆಂಪಾಂಬುಧಿ’ಯಿಂದ ಈಡೇರಿದೆ. ಇದು ಕೆಂಪೇಗೌಡರ ಬಯೋಪಿಕ್. ನನ್ನದು ಅವರ ಪತ್ನಿ ಚೆನ್ನಾಂಬಾ ಪಾತ್ರ. ಈ ಐತಿಹಾಸಿಕ ಪಾತ್ರದ ವಸಲಂಕಾರ, ಲುಕ್ ಬೇರೆ ರೀತಿಯ ಫೀಲ್ ಕೊಡುತ್ತದೆ. ನಾನು ಈ ಹಿಂದೆ ಹಲವು ನಾಟಕಗಳಲ್ಲಿ ಅಭಿನಯಿಸಿದ್ದರಿಂದಾಗಿ ಈ ಪಾತ್ರ ನಿರ್ವಹಣೆ ಸುಲಭವಾಯಿತು’ ಎನ್ನುವ ಅವರು ಸದ್ಯ ಇನ್ನು ೋಷಣೆಯಾಗದ ಸಿನಿಮಾದ ಶೂಟಿಂಗ್‌ನಲ್ಲಿದ್ದು, ಇನ್ನೊಂದು ಚಿತ್ರದ ಮಾತುಕತೆಯಲ್ಲಿದ್ದಾರೆ. ಜತೆಗೆ ಬರವಣಿಗೆಯಲ್ಲಿ ತೊಡಗಿಸಿಕೊಂಡಿದ್ದಾರೆ.