ಉತ್ತರಪ್ರದೇಶ: ( Neem Datoon Vendor ) ಹನ್ನೆರಡು ವರ್ಷಗಳಿಗೊಮ್ಮೆ ನಡೆಯುವ ಮಹಾ ಕುಂಭಮೇಳ ಯಾತ್ರೆಯು ಜನವರಿ 13 ರಂದು ಉತ್ತರ ಪ್ರದೇಶದ ಪ್ರಯಾಗ್ರಾಜ್ನಲ್ಲಿ ಪ್ರಾರಂಭವಾಯಿತು ಮತ್ತು ಫೆಬ್ರವರಿ 26 ರಂದು ಮಹಾ ಶಿವರಾತ್ರಿಯಂದು ಕೊನೆಗೊಳ್ಳಲಿದೆ. ತ್ರಿವೇಣಿ ಸಂಗಮದಲ್ಲಿ ಪುಣ್ಯಸ್ನಾನ ಮಾಡಲು ದೇಶ ವಿದೇಶಗಳಿಂದ ಭಕ್ತರು ಹರಿದು ಬರುತ್ತಿದ್ದಾರೆ. ಯುಪಿ ಸರ್ಕಾರವು ಭಕ್ತರಿಗೆ ಎಲ್ಲಾ ಸೌಲಭ್ಯಗಳನ್ನು ಒದಗಿಸಿದೆ. ಈ ಕುಂಭಮೇಳದಲ್ಲಿ ಬೇವಿನ ಕಡ್ಡಿ ವ್ಯಾಪಾರ ವಿಶೇಷ ಆಕರ್ಷಣೆಯಾಗಿದೆ.
ಪ್ರಾಚೀನ ಕಾಲದಿಂದಲೂ ಹಲ್ಲುಗಳನ್ನು ಸ್ವಚ್ಛಗೊಳಿಸಲು ಬೇವಿನ ಕಡ್ಡಿಗಳನ್ನು ಬಳಸುವುದು ನಮ್ಮ ಸಂಪ್ರದಾಯವಾಗಿದೆ. ಕುಂಭಮೇಳಕ್ಕೆ ಹೆಚ್ಚಿನ ಸಂಖ್ಯೆಯಲ್ಲಿ ಭಕ್ತರು ಆಗಮಿಸುವುದರಿಂದ ಸ್ಥಳೀಯರು ಈ ಸಂಪ್ರದಾಯವನ್ನು ವ್ಯಾಪಾರವನ್ನಾಗಿ ಮಾಡಿಕೊಂಡಿದ್ದಾರೆ. ಪ್ರಕೃತಿಯ ಕೊಡುಗೆಯಾದ ಬೇವಿನ ಕಡ್ಡಿಗಳನ್ನು ಕೊಳ್ಳಲು ಭಕ್ತರೆಲ್ಲರೂ ಆಸಕ್ತಿ ತೋರುತ್ತಿದ್ದಾರೆ.
ಬೇವಿನ ಸೊಪ್ಪಿನ ಕಟ್ಟು ರೂ. 10ಕ್ಕೆ ಮಾರಾಟ ಮಾಡುವ ಮೂಲಕ ವರ್ತಕರು ದಿನಕ್ಕೆ ಲಕ್ಷಾಂತರ ರೂ. ಇದು ಕಡಿಮೆ ಹೂಡಿಕೆ ಮತ್ತು ಹೆಚ್ಚಿನ ಆದಾಯದ ವ್ಯವಹಾರವಾಗಿದೆ. ಈ ರೀತಿಯಾಗಿ 45 ದಿನಗಳ ಕಾಲ ನಡೆಯುವ ಕುಂಭಮೇಳವು ಭಕ್ತರಿಗೆ ಆಧ್ಯಾತ್ಮಿಕ ಸಂತೃಪ್ತಿ ನೀಡುವುದರ ಜೊತೆಗೆ ಸ್ಥಳೀಯರಿಗೆ ಉದ್ಯೋಗಾವಕಾಶವನ್ನೂ ನೀಡುತ್ತದೆ.
ಬೇವಿನ ಮರದ ಔಷಧೀಯ ಗುಣಗಳು ಮತ್ತು ದಂತ ಶುಚಿಗೊಳಿಸುವ ಪ್ರಾಮುಖ್ಯತೆಯನ್ನು ಪ್ರಚಾರ ಮಾಡುತ್ತಾರೆ. ಟೂತ್ ಪೇಸ್ಟ್ ಗಿಂತ ಬೇವಿನ ಕಡ್ಡಿ ಹೆಚ್ಚು ಉಪಯುಕ್ತ ಎಂಬ ನಂಬಿಕೆಯಿಂದ ಭಕ್ತರು ಕೂಡ ಬೇವಿನ ಕಡ್ಡಿ ಖರೀದಿಸಲು ಆಸಕ್ತಿ ತೋರಿದ್ದಾರೆ. ಈ ವ್ಯಾಪಾರದ ಜನಪ್ರಿಯತೆಯು ಕುಂಭಮೇಳದ ಅತ್ಯಂತ ವಿಶಿಷ್ಟವಾದದ್ದು. ಕುಂಭಮೇಳದಲ್ಲಿ ಪಾಲ್ಗೊಳ್ಳುವ ಭಕ್ತರ ಸಂಖ್ಯೆ ಸುಮಾರು 40 ಕೋಟಿ ಎಂದು ಅಂದಾಜಿಸಲಾಗಿದೆ. ಇಲ್ಲಿ ಬೇವಿನ ಕಡ್ಡಿ ವ್ಯಾಪಾರ ಶುರು ಮಾಡಿದ್ರೆ ಯಾವುದೇ ಇನ್ವೆಸ್ಟ್ಮೆಂಟ್ ಇಲ್ಲದೆ ಹಣವನ್ನು ಸಂಪಾದನೆ ಮಾಡಬಹುದಾಗಿದೆ ಎಂದು ಹೇಳುವ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ.
ವೀಡಿಯೋದಲ್ಲಿ ವ್ಯಾಪಾರಿಯೊಬ್ಬ ಬೇವಿನ ಕಡ್ಡಿಯನ್ನು ತಲಾ 1 ರೂಪಾಯಿಗೆ ಮಾರಾಟ ಮಾಡುವುದನ್ನು ನೋಡಬಹುದು. ಸುಮಾರು 40 ಕೋಟಿ ಜನರು ಮಹಾಕುಂಭ ಮೇಳಕ್ಕೆ ಭೇಟಿ ನೀಡಲು ಸಿದ್ಧರಿರುವುದರಿಂದ, ಪ್ರತಿ ಖರೀದಿದಾರರಿಗೆ ಒಂದು ಬೇವಿನ ಕಡ್ಡಿ ಅನ್ನು ರೂ 1 ಕ್ಕೆ ಮಾರಾಟ ಮಾಡಿದರೂ ಸಹ ಒಬ್ಬರು ಲಕ್ಷಗಳನ್ನು ಗಳಿಸಬಹುದು. ಜೊತೆಗೆ, ಬೇವಿನ ಮರಗಳು ಬೀದಿಗಳಲ್ಲಿ ಸಾಮಾನ್ಯವಾಗಿ ಕಂಡುಬರುತ್ತವೆ. ಯಾವುದೇ ಇನ್ವೆಸ್ಟ್ಮೆಂಟ್ ಮಾಡುವ ಅಗತ್ಯ ಕೂಡಾ ಇರುವುದಿಲ್ಲ.
ವಿಡಿಯೋದಲ್ಲಿ ಏನಿದೆ?:
ಈ ವಿಡಿಯೋ ವೈರಲ್ ಆಗುತ್ತಿದ್ದಂತೆ ನೆಟ್ಟಿಗರು ತಮಾಷೆಯಾಗಿ ಕಾಮೆಂಟ್ ಮಾಡುತ್ತಿದ್ದಾರೆ. ಉತ್ತಮವಾದ ವ್ಯಾಪಾರವಾಗಿದೆ... ಕುಂಭಮೇಳ ಜತೆ ಹಣ ಸಂಪಾದನೆ ಕೂಡಾ ಆಗುತ್ತದೆ... ನಾನು ಇದೇ ವ್ಯಾಪಾರ ಮಾಡುವುದು ಒಳ್ಳೆಯದಾ? ಎಂದು ಹೇಳುತ್ತಿದ್ದಾರೆ.