ನವದೆಹಲಿ: ಮೈಕ್ರೋಸಾಫ್ಟ್ನ ಸಾಫ್ಟ್ವೇರ್ ವ್ಯವಹಾರಕ್ಕೆ ಸವಾಲು ಒಡ್ಡಲು ‘ಮ್ಯಾಕ್ರೋಹಾರ್ಡ್’ ಎಂಬ ಹೊಸ ಕಂಪನಿ ಸ್ಥಾಪಿಸುವುದಾಗಿ ಟೆಸ್ಲಾ ಸಿಇಒ ಎಲಾನ್ ಮಸ್ಕ್ ಶುಕ್ರವಾರ ಘೊಷಿಸಿದ್ದಾರೆ. ‘ಇದು ಮೇಲ್ನೋಟಕ್ಕೆ ತಮಾಷೆಯ ಹೆಸರು ಎನಿಸಿದರೂ ಯೋಜನೆ ನಿಜ. ಇದು ಸಂಪೂರ್ಣವಾಗಿ ಕೃತಕ ಬುದ್ಧಿಮತ್ತೆ (ಎಐ) ಬಳಸುವಂಥದ್ದು.
ಮೈಕ್ರೋಸಾಫ್ಟ್ ನಂತಹ ಸಾಫ್ಟ್ವೇರ್ ಕಂಪನಿಗಳು ಯಾವುದೇ ಭೌತಿಕ ಹಾರ್ಡ್ವೇರ್ ತಯಾರಿಸುವುದಿಲ್ಲ. ಹಾಗಾಗಿ ಎಐ ಮೂಲಕ ಅವುಗಳನ್ನು ಸಂಪೂರ್ಣವಾಗಿ ಅನುಕರಿಸಬಹುದು ಎಂದು ಅವರು ‘ಎಕ್ಸ್’ನಲ್ಲಿ ಮಸ್ಕ್ ತಿಳಿಸಿದ್ದಾರೆ. ಅಮೆರಿಕದ ಪೇಟೆಂಟ್ ಮತ್ತು ಟ್ರೇಡ್ವಾರ್ಕ್ ಕಚೇರಿಯಲ್ಲಿ ‘ಮ್ಯಾಕ್ರೋಹಾರ್ಡ್’ ಎಂಬ ಹೆಸರಿನ ಪೇಟೆಂಟ್ಗಾಗಿ ಮಸ್ಕ್ ಅವರ ಎಕ್ಸ್ಎಐ ಕಂಪನಿ ಆ. 1ರಂದು ಅರ್ಜಿ ಸಲ್ಲಿಸಿದೆ. ನೂರಾರು ವಿಶೇಷ ಕೋಡಿಂಗ್ ಮತ್ತು ಜನರೇಟಿವ್ ಎಐ ಏಜೆಂಟ್ಗಳನ್ನು ರೂಪಿಸುವುದು ಮ್ಯಾಕ್ರೋಹಾರ್ಡ್ನ ಗುರಿ. ಇದಕ್ಕಾಗಿ ಅದು ಸೂಪರ್ಕಂಪ್ಯೂಟರ್ಗಳನ್ನು ಬಳಸಿಕೊಳ್ಳಲಿದೆ.