ರಾಮನಗರ: ಕಳೆದ ಎರಡು ದಿನಗಳಿಂದಲೂ ನಾಪತ್ತೆಯಾಗಿದ್ದ 19 ವರ್ಷದ ಯುವತಿ ಇಂದು ಶವವಾಗಿ ಪತ್ತೆಯಾಗಿದ್ದಾಳೆ. ಆದರೆ ಆಕೆಯ ಶವ ಸಿಕ್ಕ ಜಾಗ ಕುಟುಂಬಸ್ಥರಿಗೆ ಶಾಕ್ ನೀಡಿದೆ.
ಮಾಗಡಿ ಜಿಲ್ಲೆಯ ಬೆಟ್ಟಹಳ್ಳಿ ಗ್ರಾಮದಲ್ಲಿ ಘಟನೆ ನಡೆದಿದ್ದು, ಹೇಮಲತಾ (19) ಮೃತ ಯುವತಿ. ಈಕೆ ಅಕ್ಟೋಬರ್ 8ರಂದು ಮನೆಯಿಂದ ನಾಪತ್ತೆಯಾಗಿದ್ದಳು. ಕುಟುಂಬದವರು ಅ.9ರಂದು ಕುದೂರು ಠಾಣೆಯಲ್ಲಿ ದೂರು ದಾಖಲಿಸಿದ್ದರು.
ಆದರೆ ಇಂದು ಮನೆಯ ಸಮೀಪವೇ ಇರುವ, ಯುವತಿಯ ದೊಡ್ಡಪ್ಪ ರವೀಂದ್ರ ಕುಮಾರ್ ಜಮೀನಿನಲ್ಲಿ ಆಕೆಯ ಶವ ಪತ್ತೆಯಾಗಿದೆ. ಯುವತಿಯ ಬಟ್ಟೆಗಳು ಒಂದು ಕಡೆ ಬಿದ್ದಿದ್ದರೆ, ಅವಳ ಮೃತದೇಹ ಇನ್ನೊಂದು ಕಡೆಗೆ ಸಿಕ್ಕಿದೆ. ಜಮೀನಿನ ಮಣ್ಣಿನಡಿಯಲ್ಲಿ ಮುಚ್ಚಿದಂತೆ ಶವ ಸಿಕ್ಕಿದ್ದು ಹಲವು ಅನುಮಾನಗಳಿಗೆ ಕಾರಣವಾಗಿದೆ. ಸ್ಥಳಕ್ಕೆ ಶ್ವಾನದಳ, ಬೆರಳಚ್ಚು ತಜ್ಞರು ಭೇಟಿ ನೀಡಿದ್ದರು.