ಕೇರಳ: ಕರ್ನಾಟಕದ ಸಾರಿಗೆ ಬಸ್ಗಳಲ್ಲಿ ಇತ್ತೀಚಿಗೆ ಚಾಲಕ ಕಂ ನಿರ್ವಾಹಕರಾಗಿ ಒಬ್ಬರೇ ಕೆಲಸ ನಿರ್ವಹಿಸುವುದನ್ನು ಕಂಡಿದ್ದೇವೆ. ಆದರೆ, ಕೇರಳದಲ್ಲಿ ಕಂಡಕ್ಟರ್ಅನ್ನು ಬಿಟ್ಟು ಬಸ್ಸೊಂದು 2.5 ಕಿ.ಮೀ ಸಂಚರಿಸಿದ ಘಟನೆ ಕೇರಳದ ಪೊನ್ಕುನ್ನಂನಲ್ಲಿ ನಡೆದಿದೆ.
ಘಟನೆ ವಿವರ: ಸಿಮೀತ ನಿಲುಗಡೆಯಲ್ಲಿ ಮುಂಡಕಾಯಂ-ಚಂಗನಾಶ್ಶೇರಿ ಮಾರ್ಗದಲ್ಲಿ ಸಂಚರಿಸುವ ಕೆಎಸ್ಆರ್ಟಿಸಿ ಬಸ್ ಬುಧವಾರ ಡಿಪೋದಿಂದ ಹೊರಟಿದೆ. ಬೆಳಗ್ಗೆ 11.20ರ ವೇಳೆಗೆ ಪೊನ್ಕುನ್ನಂ ಬಸ್ ನಿಲ್ದಾಣದಲ್ಲಿ ಬಸ್ನ ಮಹಿಳಾ ಕಂಡಕ್ಟರ್ ಬಸ್ನ ಟ್ರಿಪ್ ಶೀಟ್ ನೀಡಲು ನಿಲ್ದಾಣದೊಳಗೆ ತೆರಳಿದ್ದಾಳೆ.
ಈ ವೇಳೆ ಬಸ್ನ ಪ್ರಯಾಣಿಕರೊಬ್ಬರು ಮಾಡಿದ ಬೆಲ್ ಸದ್ದು ಕೇಳಿಸಿ ಕೊಂಡ ಚಾಲಕ ಬಸ್ ಚಲಾಯಿಸಿಕೊಂಡು ಬರೋಬ್ಬರಿ 2.5 ಕಿ.ಮೀ ಸಾಗಿದ್ದಾನೆ. ಐದು ನಿಮಿಷದ ಬಳಿಕ ಕಂಡಕ್ಟರ್ ಇಲ್ಲದಿರುವುದು ಚಾಲಕನ ಗಮನಕ್ಕೆಬಂದಿದೆ. ಆ ವೇಳೆಗೆ ಬಸ್ 18ನೇ ಮೈಲಿ ತಲುಪಿತ್ತು. ಕೊನೆಗೆ ಕಂಡಕ್ಟರ್ ಬರುವಿಗೆ ಕಾದು ಅಲ್ಲಿಯೇ ಬಸ್ ನಿಲ್ಲಿಸಿಕೊಂಡಿದ್ದನು.
ಲೇಡಿ ಕಂಡಕ್ಟರ್ ಬೇರೆ ಬಸ್ ಹಿಡಿದು ಸ್ಥಳಕ್ಕೆ ತೆರಳಿದ ಬಳಿಕ ಆ ಲಿಮಿಟೆಡ್ ಸ್ಟಾಪ್ ಬಸ್ ಮುಂದೆ ಸಾಗಿತು. (ಏಜೆನ್ಸೀಸ್)