ಮುಂಬೈ: ಬಾಲಿವುಡ್ನ ಹೆಸರಾಂತ ನಿರ್ದೇಶಕ, ನಿರ್ಮಾಪಕ ಕರಣ್ ಜೋಹರ್ (Karan Johar) ನಿರ್ದೇಶನದಲ್ಲಿ ಮೂಡಿಬಂದ ಬ್ಲಾಕ್ಬಸ್ಟರ್ 'ಸ್ಟೂಡೆಂಟ್ ಆಫ್ ದಿ ಇಯರ್' ಸಿನಿಮಾ ತೆರೆಗೆ ಬಂದು ಇಂದಿಗೆ 12 ವರ್ಷಗಳು ಕಳೆದಿವೆ. ಈ ಸಂತಸದ ಸುದ್ದಿಯನ್ನು ಸಿನಿಪ್ರಿಯರು ಹಾಗೂ ಅಭಿಮಾನಿಗಳೊಂದಿಗೆ ನಿರ್ದೇಶಕರು ಹಂಚಿಕೊಂಡಿದ್ದಾರೆ.
ಕರಣ್ ಅವರ ಚೊಚ್ಚಲ ನಿರ್ದೇಶನದಲ್ಲಿ ಅಕ್ಟೋಬರ್ 19, 2012ರಂದು ತೆರೆಗೆ ಅಪ್ಪಳಿಸಿದ ಈ ಸಿನಿಮಾ, ಭಾರತೀಯ ಬಾಕ್ಸ್ ಆಫೀಸ್ನಲ್ಲಿ ಹೊಸ ಅಲೆಯನ್ನು ಸೃಷ್ಟಿಸಿತು. ಕೇವಲ ಉತ್ತಮ ಗಳಿಕೆ ಮಾತ್ರವಲ್ಲದೇ, ಜಾಗತಿಕ ಮಟ್ಟದಲ್ಲಿ ಬಾಲಿವುಡ್ನ ಲವ್ ಸ್ಟೋರಿಗೆ ವ್ಯಾಪಕ ಮೆಚ್ಚುಗೆಯನ್ನು ಪಡೆದುಕೊಂಡಿತು. ಅಂದು ಗಲ್ಲಾಪೆಟ್ಟಿಗೆಯಲ್ಲಿ ನಿರೀಕ್ಷೆಗೂ ಮೀರಿದ ಆದಾಯ ಕಂಡ ಈ ಚಿತ್ರ, ಯುವಜನತೆಗೆ ಬಹಳ ಹತ್ತಿರವಾಯಿತು. ಕಾರಣ, ಕಾಲೇಜಿನ ಯುವಕ-ಯುವತಿಯ ಮಧ್ಯೆ ನಡೆಯುವ ಪ್ರೀತಿ-ಪ್ರೇಮದ ಕಥೆ. ಇದೀಗ ಸ್ಟಾರ್ ಡೈರೆಕ್ಟರ್, ತಮ್ಮ ಯಶಸ್ವಿ ಚಿತ್ರವು ಬಿಡುಗೊಂಡು ಇಂದಿಗೆ 12 ವರ್ಷಗಳು ಕಳೆದಿವೆ ಎಂಬ ಪೋಸ್ಟ್ವೊಂದನ್ನು ತಮ್ಮ ಜಾಲತಾಣದ ಖಾತೆಯಲ್ಲಿ ಶೇರ್ ಮಾಡಿದ್ದಾರೆ.
ಈ ವಿಷಯಕ್ಕೆ ಸಂಬಂಧಿಸಿದಂತೆ ಒಂದು ವಿಶೇಷ ಪೋಸ್ಟ್ ಹಾಕಿರುವ ಕರಣ್ ಜೋಹರ್, ಸ್ಟೂಡೆಂಟ್ ಆಫ್ ದಿ ಇಯರ್ ಸಿನಿಮಾದಲ್ಲಿ ಡಿಲೀಟ್ ಮಾಡಲಾದ ಒಂದು ಕಾಮಿಡಿ ಸೀನ್ವೊಂದನ್ನು ಹಂಚಿಕೊಂಡಿದ್ದಾರೆ. ಇದು ಅಭಿಮಾನಿಗಳಲ್ಲಿ ಖುಷಿ ನೀಡಿದ್ದೇ ಆದರೂ ಇಂಥ ಒಳ್ಳೆಯ ಕಾಮಿಡಿ ಸೀನ್ ಅನ್ನು ಏಕೆ ಡಿಲೀಟ್ ಮಾಡಿದ್ರಿ? ಎಂದು ಪ್ರಶ್ನಿಸಿದ್ದಾರೆ.
ರೊಮ್ಯಾಂಟಿಕ್-ಕಾಮಿಡಿ ಜಾನರ್ನಲ್ಲಿ ಮೂಡಿಬಂದ ಈ ಚಿತ್ರದಲ್ಲಿ ವರುಣ್ ಧವನ್, ಸಿದಾರ್ಥ್ ಮಲ್ಹೋತ್ರಾ, ಆಲಿಯಾ ಭಟ್, ರಿಷಿ ಕಪೂರ್, ಸನಾ ಸಯೀದ್, ರೋನಿತ್ ರಾಯ್, ಸಾಹಿಲ್ ಆನಂದ್, ರಾಮ್ ಕಪೂರ್ ಮತ್ತು ಫರೀದಾ ಜಲಾಲ್ ಸೇರಿದಂತೆ ಮುಂತಾದವರ ತಾರಾಗಣವಿದೆ. ವಿಶಾಲ್-ಶೇಖರ್ ಅವರ ಸಂಗೀತ ಸಂಯೋಜನೆ ಚಿತ್ರದ ಗೆಲುವಿಗೆ ಪ್ರಮುಖ ಕಾರಣವಾಗಿ ಹೊರಹೊಮ್ಮಿತು,(ಏಜೆನ್ಸೀಸ್).