ಮುಂಬೈ: ನಟಿ, ರಾಜಕಾರಣಿ ಕಂಗನಾ ರಣಾವತ್ ಈಗ ನಟಿ ಮಾತ್ರವಲ್ಲದೆ ಸಂಸದೆಯೂ ಹೌದು. ಈ ಮೂಲಕ ತಮ್ಮ ಸಿನಿಮಾ ಜೀವನ ಮತ್ತು ರಾಜಕೀಯ ಜೀವನವನ್ನು ಬ್ಯಾಲೆನ್ಸ್ ಮಾಡಲು ಶತಪ್ರಯತ್ನ ಮಾಡುತ್ತಿದ್ದಾರೆ. ಇದೀಗ ಕಂಗನಾ ತಮ್ಮ ಐಷರಾಮಿ ಮನೆಯನ್ನು ಮಾರಾಟಕ್ಕಿಟ್ಟಿದ್ದಾರೆ ಎನ್ನುವ ಸುದ್ದಿ ಆಗಿತ್ತು. ಆದರೆ ಇದೀಗ ಯಾಕೆ ಮನೆಯನ್ನು ಎಷ್ಟು ಬೆಲೆಗೆ ಮಾರಿದ್ದಾರೆ ಎನ್ನುವ ಸಂಗತಿ ಇಲ್ಲಿದೆ.
ಸಿನಿಮಾಗಳ ಹೊರತಾಗಿ ಮುಂಬೈನ ಬಾಂದ್ರಾದಲ್ಲಿರುವ ತಮ್ಮ ಐಷಾರಾಮಿ ಬಂಗಲೆಯನ್ನು ಕಂಗನಾ 32 ಕೋಟಿ ರೂ.ಗೆ ಮಾರಾಟ ಮಾಡಿದ್ದಾರೆ. ಸದ್ಯ ಈ ವಿಷಯ ಬಾಲಿವುಡ್ ನಲ್ಲಿ ಭಾರೀ ಚರ್ಚೆಗೆ ಗ್ರಾಸವಾಗಿದೆ.
ಬಾಂದ್ರಾದ ಪಾಲಿ ಹಿಲ್ ಪ್ರದೇಶದಲ್ಲಿ ಕಂಗನಾ 2017ರಲ್ಲಿ ಕಂಗನಾ ಈ ಮನೆಯನ್ನು 20 ಕೋಟಿಗೆ ಖರೀದಿಸಿದ್ದರು. ಕಟ್ಟಡವು ಸುಮಾರು 3,075 ಚದರ ಅಡಿ ವಿಸ್ತೀರ್ಣವನ್ನು ಹೊಂದಿದೆ. ಇದು 565 ಚದರ ಅಡಿ ಪಾರ್ಕಿಂಗ್ ಸ್ಥಳವನ್ನು ಸಹ ಹೊಂದಿದೆ. ಈಗ ಈ ಕಟ್ಟಡವನ್ನು ತಮಿಳುನಾಡಿನ ಪ್ರಮುಖರು ಖರೀದಿಸಿದ್ದಾರೆ. ಇದಕ್ಕಾಗಿ 1.92 ಕೋಟಿ ರೂ.ಗಳ ಮುದ್ರಾಂಕ ಶುಲ್ಕ ಮತ್ತು 30,000 ರೂ. ನೋಂದಣಿ ಶುಲ್ಕ ಪಾವತಿಸಲಾಗಿದೆ. ಆದರೆ ಇದುವರೆಗೂ ಕಂಗನಾ ಈ ಬಗ್ಗೆ ಯಾವುದೇ ಬಹಿರಂಗ ಹೇಳಿಕೆ ನೀಡಿಲ್ಲ. ಮುಂಬೈನ ಬಾಂದ್ರಾದಲ್ಲಿರುವ ತಮ್ಮ ಐಷಾರಾಮಿ ಬಂಗಲೆಯನ್ನು ಕಂಗನಾ 32 ಕೋಟಿ ರೂ.ಗೆ ಮಾರಾಟ ಮಾಡಿದ್ದಾರೆ.
ಕಂಗನಕಾಗೆ ಸಂಬಂಧಿಸಿದ ಈ ಮನೆಯ ನಿವೇಶನ ಮೊದಲಿನಿಂದಲೂ ವಿವಾದದಲ್ಲಿದೆ. ಈ ಕಟ್ಟಡದ ಒಂದು ಭಾಗವನ್ನು ಬೃಹತ್ ಮುನ್ಸಿಪಲ್ ಕಾರ್ಪೊರೇಷನ್ 2020 ರಲ್ಲಿ ಕೆಡವಿತು. ಅಕ್ರಮ ನಿರ್ಮಾಣ ಆರೋಪದಿಂದಾಗಿ ಕಟ್ಟಡದ ಒಂದು ಭಾಗ ನಾಶವಾಗಿದೆ. ಆದರೆ ಇದರ ಹಿಂದೆ ರಾಜಕೀಯವಿದೆ ಎಂದು ಕಂಗನಾ ಸಂಚನಾ ಆರೋಪಿಸಿದ್ದರು.
ಕಂಗನಾ ರಣಾವತ್ ಅಭಿನಯದ 'ಎಮರ್ಜೆನ್ಸಿ' ಚಿತ್ರಕ್ಕೆ ಸಿಖ್ ಸಮುದಾಯ ತೀವ್ರ ವಿರೋಧ ವ್ಯಕ್ತಪಡಿಸಿತ್ತು. ಪ್ರತ್ಯೇಕತಾವಾದಿಗಳನ್ನು ಭಯೋತ್ಪಾದಕರಂತೆ ಬಿಂಬಿಸಬಹುದೆಂದು ಅನೇಕ ಸಿಖ್ಖರು ಈ ಚಿತ್ರವನ್ನು ವಿರೋಧಿಸಿದರು. ಇದರಿಂದಾಗಿ ಚಿತ್ರ ಮುಂದೂಡಲ್ಪಟ್ಟಿದೆ.