ಸುಶಾಂತ್ ಸಿಂಗ್ ರಜಪೂತ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ಹೆಚ್ಚು ಸುದ್ದಿಯಲ್ಲಿರುವ ಕಂಗನಾ ರಣಾವತ್ ಒಂದಾದ ಮೇಲೊಂದು ಹೇಳಿಕೆ ನೀಡುತ್ತ ಬಾಲಿವುಡ್ ಮಂದಿಯ ವಿರುದ್ಧ ತಿರುಗಿ ಬಿದ್ದಿದ್ದಾರೆ. ನೆಪೋಟಿಸಂ ಬೆಂಬಸಲಿಸುವವರ ವಿರುದ್ಧ ಸಮರ ಸಾರುತ್ತಿದ್ದಾರೆ. ಅದರಲ್ಲೂ ಸ್ಟಾರ್ ಕುಡಿಗಳೇ ಕಂಗನಾ ಟಾರ್ಗೇಟ್. ಆಲಿಯಾ ಭಟ್ ಅವರಿಂದ ಹಿಡಿದು ಕರಣ್ ಜೋಹರ್, ಮಹೇಶ್ ಭಟ್ ಸೇರಿ ಸಾಕಷ್ಟು ಮಂದಿಯ ಬೆವರಿಳಿಸಿದ್ದಾರೆ. ಇದೀಗ ಗಾಡ್ಫಾದರ್ ಇಲ್ಲದೆ ಇಂಡಸ್ಟ್ರಿಗೆ ಬಂದ ಆಯುಷ್ಮಾನ್ ಖುರಾನಾಗೂ ಕಂಗನಾ ಮತ್ತವರ ಟೀಮ್ ತರಾಟೆ ತೆಗೆದುಕೊಂಡಿದೆ. ಆಯುಷ್ಮಾನ್ಗ್ಯಾಕೆ ಬಕೆಟ್ ಹಿಡಿಯೋ ಬುದ್ಧಿ ಬಂತು ಎಂದಿದ್ದಾರೆ.
ಹೌದು, ಸುಶಾಂತ್ ಸಾವಿನಲ್ಲಿ ರಿಯಾ ಚಕ್ರವರ್ತಿ ಕೈವಾಡ ಇದೆ ಎಂಬ ಸುದ್ದಿ ದೊಡ್ಡ ಮಟ್ಟದಲ್ಲಿ ಸುದ್ದಿ ಮಾಡುತ್ತಿದ್ದಂತೆ, ಬಾಲಿವುಡ್ನ ಕಾಂಟ್ರವರ್ಸಿಯಲ್ ವಿಮರ್ಶೆಗಾರ ಕೆಕೆಆರ್, ಆಯಷ್ಮಾನ್ ವಿರುದ್ಧ ಒಂದಷ್ಟು ಆರೋಪಗಳನ್ನು ಮಾಡಿದ್ದಾರೆ. ‘ಸ್ವತಃ ಆಯುಷ್ಮಾನ್ ರಿಯಾಳಿಗೆ ಬೆಂಬಲ ನೀಡುತ್ತಿದ್ದಾರೆ. ಅದಕ್ಕೆ ಈ ಮೂರು ಕಾರಣಗಳು ಇಲ್ಲಿವೆ. ಬಾಲಿವುಡ್ನಲ್ಲಿ ಆಯುಷ್ಮಾನ್ ಬದುಕುಳಿಯಬೇಕು. ಯಶ್ ರಾಜ್ ಫಿಲಂಸ್ನ ಸಿನಿಮಾಗಳಲ್ಲಿ ಆಯುಷ್ಮಾನ್ ನಟಿಸುತ್ತಿದ್ದಾರೆ. ಮೂರನೇಯದು ಮತ್ತು ಬಹುಮುಖ್ಯವಾಗಿ ಸುಶಾಂತ್ ಸಿಂಗ್ ಆಯುಷ್ಮಾನ್ಗೆ ಪ್ರತಿಸ್ಪರ್ಧಿಯಾಗಿದ್ದ’ ಎಂದಿದ್ದಾರೆ. ಇದಕ್ಕೆ ಕಂಗನಾ ಪ್ರತಿಕ್ರಿಯಿಸಿದ್ದಾರೆ.
‘ಹೊರಗಿನಿಂದ ಬಂದ ಆಯುಷ್ಮಾನ್ನಂಥವರು, ಬಾಲಿವುಡ್ ಮಾಫಿಯಾ ಬೆಂಬಲಿಸುತ್ತಾ ಬಕೆಟ್ ಹಿಡಿಯುತ್ತಾರೆ. ಅವರಿಗೆ ಯಾರಿಂದಲೂ ಬೆದರಿಕೆ ಇರುವುದಿಲ್ಲ. ಕಂಗನಾ ಮತ್ತು ಸುಶಾಂತ್ನಂತಹ ಕೆಲವರು ಎದುರಿಸುತ್ತಿರುವ ಸಂಘರ್ಷಗಳ ಸಂಪೂರ್ಣ ಲಾಭವನ್ನು ಅವರು ಬಹಿರಂಗವಾಗಿ ನಿರಾಕರಿಸಿ, ಅಪಹಾಸ್ಯ ಮಾಡುವ ಮೂಲಕ ಮಾಫಿಯಾದವರ ಬೆನ್ನಿಗೆ ನಿಲ್ಲುತ್ತಾರೆ’ ಎಂದು ಆಯುಷ್ಮಾನ್ ವಿರುದ್ಧವೂ ಸಮರ ಸಾರಿದ್ದಾರೆ.