Kangana Ranaut Lehenga: ನವರಾತ್ರಿ ಅಂದ್ರೆ ಬಣ್ಣಬಣ್ಣದ ಬಟ್ಟೆ, ಆಭರಣಗಳದ್ದೇ ಹವಾ! ಈ ಬಾರಿ ನಟಿ ಕಂಗನಾ ರಣಾವತ್‌ ತಮ್ಮ ವಿಭಿನ್ನ ಗರ್ಬಾ ಲುಕ್‌ನಿಂದ ಗಮನ ಸೆಳೆದಿದ್ದಾರೆ. ಬರೋಬ್ಬರಿ 2 ಲಕ್ಷದ 10 ಸಾವಿರ ರೂಪಾಯಿ ಲೆಹೆಂಗಾ-ಚೋಲಿ ಧರಿಸಿ, ಸಾಂಪ್ರದಾಯಿಕ ಸ್ಟೈಲ್‌ಗೆ ಮಾಡರ್ನ್ ಟಚ್ ಕೊಟ್ಟಿದ್ದಾರೆ. ಛತ್ತೀಸ್‌ಗಢದಲ್ಲಿ ನವರಾತ್ರಿ ಸಂಭ್ರಮದಲ್ಲಿ ಭಾಗಿಯಾದ ಫೋಟೋಗಳನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ
ಕಂಗನಾ ಧರಿಸಿದ್ದ ಲೆಹೆಂಗಾ ಖ್ಯಾತ ಡಿಸೈನರ್ ಬ್ರ್ಯಾಂಡ್ ಟೊರಾನಿಯದ್ದು. ರೇಷ್ಮೆ ಬಟ್ಟೆಯ ಈ ಉಡುಪಿನಲ್ಲಿ ಕನ್ನಡಿ ವರ್ಕ್, ಕಸೂತಿ, ಮಣಿಗಳ ಅಲಂಕಾರ ಮತ್ತು ಬಣ್ಣಬಣ್ಣದ ಟಸೆಲ್‌ಗಳು ವಿಶೇಷವಾಗಿ ಕಾಣಿಸಿಕೊಂಡಿವೆ. ಗುಜರಾತ್ ಮತ್ತು ರಾಜಸ್ಥಾನದ ಸಾಂಪ್ರದಾಯಿಕ ಕಲೆಯ ಪ್ರಭಾವವೂ ಈ ಉಡುಪಿನಲ್ಲಿದೆ.
ಇನ್ನು, ಈ ಲುಕ್‌ಗೆ ಮತ್ತಷ್ಟು ಕಳೆ ಕೊಟ್ಟಿದ್ದು ಅವರ ಆಭರಣಗಳು. ಹಲವು ಪದರಗಳ ಸಿಲ್ವರ್ ನೆಕ್ಲೆಸ್, ಮಾಂಗ್ ಟಿಕ್ಕಾ, ಜುಮ್ಕಾ, ಮೂಗುತಿ ಮತ್ತು ತೋಳಿನ ಆಭರಣಗಳನ್ನು ಧರಿಸಿದ್ದಾರೆ. ಅಲಂಕಾರಿಕ ಪೊಟ್ಲಿ ಬ್ಯಾಗ್ ಕೂಡ ಅವರ ಸಾಂಪ್ರದಾಯಿಕ ಲುಕ್‌ಗೆ ಚೆನ್ನಾಗಿ ಹೊಂದಿಕೊಂಡಿದೆ.
ಹೇರ್‌ಸ್ಟೈಲ್‌ನಲ್ಲಿ ಮಧ್ಯಕ್ಕೆ ಸೀಳಿದ ಕೂದಲನ್ನು ಕೆಳಭಾಗದಲ್ಲಿ ಜಡೆಯಾಗಿ ಕಟ್ಟಿಕೊಂಡಿದ್ದಾರೆ. ಸ್ಮೋಕಿ ವಿಂಗ್‌ಡ್ ಐಲೈನರ್, ಮುಖದ ಹೈಲೈಟ್ಸ್ ಮತ್ತು ಪುಟ್ಟ ಬಿಂದಿಗಳಿಂದ ಮೇಕಪ್‌ಗೆ ಬೋಲ್ಡ್ ಲುಕ್ ನೀಡಿದ್ದಾರೆ.
ಕಂಗನಾ ರಣಾವತ್‌ ಅವರ ನವರಾತ್ರಿ ಲುಕ್ ಸಾಂಪ್ರದಾಯಿಕ ಭಾರತೀಯ ವಿನ್ಯಾಸದಿಂದ ಗಮನ ಸೆಳೆದಿದೆ. ಅವರು ಧರಿಸಿದ್ದ ಟೊರಾನಿ ರೇಷ್ಮೆ ಲೆಹೆಂಗಾದ ಕನ್ನಡಿ ವರ್ಕ್, ಪ್ಯಾಚ್‌ವರ್ಕ್‌ ಮತ್ತು ಕಸೂತಿ ವಿಶೇಷ ಮೆರುಗು ನೀಡಿದ್ದವು. ಬೆಳ್ಳಿ ಆಭರಣಗಳು, ಶೆಲ್‌ಗಳ ಪೊಟ್ಲಿ ಬ್ಯಾಗ್, ಅಚ್ಚುಕಟ್ಟಾದ ಕೇಶವಿನ್ಯಾಸ ಹಾಗೂ ವಿಂಗ್‌ಡ್ ಐಲೈನರ್ ಲುಕ್‌ಗೆ ಮತ್ತಷ್ಟು ಆಕರ್ಷಣೆ ತಂದಿದ್ದವು.