ನ್ಯೂಯಾರ್ಕ್: ವಿಶ್ವದ ಶ್ರೀಮಂತ ವ್ಯಕ್ತಿಯಾಗಿ ಅಮೆಜಾನ್ ಕಂಪನಿ ಸ್ಥಾಪಕ ಜೆಫ್ ಬೆಜೋಸ್ ಮತ್ತೆ ಸ್ಥಾನ ಅಲಂಕರಿಸಿದ್ದಾರೆ.
ಕಳೆದ ತ್ರೈಮಾಸಿಕದಲ್ಲಿ ಅವರು ಟೆಸ್ಲಾ ಹಾಗೂ ಸ್ಪೇಸ್ ಎಕ್ಸ್ ಕಂಪನಿ ಒಡೆಯ ಎಲಾನ್ ಮಸ್ಕ್ಗೆ ಸ್ಥಾನ ಬಿಟ್ಟು ಕೊಟ್ಟಿದ್ದರು ಎಂದು ಬ್ಲೂಮ್ಬರ್ಗ ವರದಿ ಮಾಡಿದೆ.
ಅಂತರಾಷ್ಟ್ರೀಯ ಷೇರು ಮಾರುಕಟ್ಟೆಯಲ್ಲಿ ಟೆಸ್ಲಾದ ಷೇರುಗಳು ಶೇ 2.4 ರಷ್ಟು ಕುಸಿಯುವ ಮೂಲಕ ಎಲಾನ್ ಮಸ್ಕ್ 4.6 ಬಿಲಿಯನ್ ಡಾಲರ್ ನಷ್ಟ ಅನುಭವಿಸಿದರು.
ಕಳೆದ ಮೂರು ವರ್ಷ ಜೆಫ್ ಬೆಜೋಸ್ನೆ ವಿಶ್ವದ ಅತ್ಯಂತ ದೊಡ್ಡ ಶ್ರೀಮಂತನಾಗಿ ಮೆರದಿದ್ದರು. ಆದರೆ, ಕಳೆದ ಮೂರು ತಿಂಗಳಿನ ಹಿಂದೆ ಎಲಾನ್ ಮಸ್ಕ್ ಅವರು ಬೆಜೋಸ್ನನ್ನು ಹಿಂದಿಕ್ಕಿದ್ದರು. ಇದೀಗ ಮತ್ತೆ ಬೆಜೋಸ್ ವಿಶ್ವದ ಅತೀ ದೊಡ್ಡ ಶ್ರೀಮಂತ ವ್ಯಕ್ತಿಯಾಗಿದ್ದಾರೆ.