ವಾಷಿಂಗ್ಟನ್: ಹೆಚ್ಚು ಕಡಿಮೆ ಒಂದು ವರ್ಷದಿಂದ ನಡೆಯುತ್ತಿರುವ ಅಮೆರಿಕ ಮತ್ತು ಇರಾನ್ ಸಂಘರ್ಷ ಈಗ ರಾಜತಾಂತ್ರಿಕ ಒಪ್ಪಂದತ್ತ ಮುಖ ಮಾಡುತ್ತಿದೆ. ಮಿಸೈಲ್ಗಳ ಬದಲಾಗಿ ಮಾತುಕತೆ ನಡೆಸಿದರೆ ಮಾತ್ರ ಮಧ್ಯಪ್ರಾಚ್ಯದಲ್ಲಿ ಶಾಂತಿ ಸ್ಥಾಪನೆಯಾಗಲಿದೆ ಎಂದು ಉಭಯ ದೇಶಗಳಿಗೆ ಮನವರಿಕೆಯಾಗಿದೆ.
ಹೀಗಾಗಿ, ಇನ್ನೇನು ಕೆಲವೇ ದಿನಗಳಲ್ಲಿ ಅಮೆರಿಕ ಮತ್ತು ಇರಾನ್ ಮಾತುಕತೆಗೆ ಮುಂದಾಗಲಿದ್ದು, ಚೀನಾ ಈ ಮಾತುಕತೆಯ ನೇತೃತ್ವ ವಹಿಸಲಿದೆ ಎಂಬ ವದಂತಿ ಕೇಳಿಬರುತ್ತಿದೆ. ಈ ಶಾಂತಿ ಸಭೆಯನ್ನು ಟರ್ಕಿಯ ಇಸ್ತಾನ್ಬುಲ್ ಬದಲಿಗೆ ಕತಾರ್ ದೇಶದ ದೋಹಾನಲ್ಲಿ ನಡೆಸುವ ಬಗ್ಗೆ ಚರ್ಚೆ ನಡೆಯುತ್ತಿದೆ ಎಂದು ಹೇಳಲಾಗುತ್ತಿದೆ.
ಈ ಒಪ್ಪಂದಲ್ಲಿ ಈ ಮೊದಲೇ ತಿಳಿಸಿದಂತೆ, ಇರಾನ್ ಪರಮಾಣು ದೇಶವಾಗಬಾರದು, ಬೇರೆ ದೇಶಗಳಿಂದ ಯುರೇನಿಯಂ ಅನ್ನು ಪಡೆಯಬಾರದು ಹಾಗೂ ಸಂಗ್ರಹಿಸ ಕೂಡದು. ಅಂತೆಯೇ ವಿಶ್ವದ ಪ್ರಮುಖ ವ್ಯಾಪಾರಿ ಮಾರ್ಗವಾಗಿರುವ ಹೊರ್ಮುಜ್ ಜಲಸಂಧಿಯನ್ನು ಕೂಡಲೇ ತೆರೆಯಬೇಕೆನ್ನುವುದು ಅಮೆರಿಕದ ಷರತ್ತಾಗಿದೆ. ಈ ಷರತ್ತುಗಳಿಗೆ ಇರಾನ್ ಒಪ್ಪಿಕೊಂಡರೆ, ಈಗ ಹೇರಿರುವ ಆರ್ಥಿಕ ದಿಗ್ಭಂದನವನ್ನು ಹಿಂಪಡೆಯುವುದಾಗಿ ಅಮೆರಿಕ ಆಶ್ವಾಸನೆ ನೀಡಿದೆ ಎನ್ನಲಾಗಿದೆ.
ಇನ್ನೂ ಕರಾತ್ ದೇಶಕ್ಕೆ ಇರಾನ್ ಡೆಲಿಗೇಷನ್ ಸದಸ್ಯರು ತಲುಪಿದ್ದು, ಅವರು ಅಮೆರಿಕ ನೀಡಿರುವ ಆಫರ್ ಹಾಗೂ ಷರತ್ತುಗಳ ಬಗ್ಗೆ ಚರ್ಚೆ ನಡೆಸುತ್ತಿದ್ದಾರೆಂದು ತಿಳಿದುಬಂದಿದೆ. ಆದರೆ, ಈ ಸಭೆಗೆ ಇರಾನ್ನ ಮಿತ್ರ ದೇಶವಾದ ಟರ್ಕಿ, ಪಾಕಿಸ್ತಾನ ಹಾಗೂ ಲೆಬನಾನ್ ಅನ್ನು ಆಮಂತ್ರಿಸಿಲ್ಲ ಎನ್ನುವುದು ವಿಷೇಶವಾಗಿದೆ. ಆದರೆ, ಈ ಮೊದಲೂ ಅಮೆರಿಕ ಇದೇ ಷರತ್ತನ್ನು ಇರಾನ್ ಮುಂದಿಟ್ಟಿತ್ತು. ಆದರೆ ಆಗ ಈ ಮಾತುಕತೆ ಮುರಿದು ಬಿದ್ದಿತ್ತು. ಈಗ ಚೀನಾ ಮಧ್ಯಸ್ಥಿಕೆಯಲ್ಲಿ ನಡೆಯಲಿರುವ ಈ ಶಾಂತಿ ಒಪ್ಪಂದ ನಿಜಕ್ಕೂ ಶಾಂತಿ ಸ್ಥಾಪನೆಗೆ ನಾಂದಿ ಹಾಡುತ್ತದೆಯೇ ಎಂದು ಜಗತ್ತು ಎದುರು ನೋಡುತ್ತಿದೆ.
ಆದರೆ, ಇರಾನ್ ಜತೆಗಿನ ಸಂಘರ್ಷದ ಬಗ್ಗೆ ಈ ಹಿಂದೆ ಮಾತನಾಡಿದ್ದ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ನಮಗೆ ಈ ಯುದ್ಧವನ್ನು ಕೂಡಲೇ ಮುಗಿಸುವ ಯಾವುದೇ ಆತುರವಿಲ್ಲ. ಅಮೆರಿಕದ ಷರತ್ತುಗಳನ್ನು ಇರಾನ್ ಇಪ್ಪಿಕೊಳ್ಳುವವರೆಗೆ ನಾನು ಯುದ್ಧವನ್ನು ನಡೆಸುತ್ತಿರುತ್ತೇವೆ ಎಂದು ಹೇಳಿಕೆ ನೀಡಿದ್ದರು.
ಸಂಘರ್ಷ ಎಷ್ಟು ದೀರ್ಘವಾಗುತ್ತೋ, ಇರಾನ್ಗೆ ಮಿಲಿಟರಿ ಖರ್ಚು ಹಾಗೂ ಸೇನಾ ಸಿಬ್ಬಂದಿಗಳ ವೇತನ ಅಷ್ಟೇ ಹೆಚ್ಚಾಗುತ್ತಾ ಹೋಗುತ್ತದೆ. ಹೀಗಾಗಿ ಅವರು ನಮ್ಮ ಷರತ್ತುಗಳಿಗೆ ಮಣಿಯಲೇ ಬೇಕಾಗುತ್ತದೆ ಎಂದು ಟ್ರಂಪ್ ಹೇಳಿದ್ದರು. ಹೀಗಾಗಿ ನಮಗೆ ಈ ಯುದ್ಧದಿಂದ ಯಾವುದೇ ನಷ್ಟವಿಲ್ಲವೆಂದು ಅವರು ಹೇಳಿದ್ದರು. ಈಗ ಕತಾರ್ನಲ್ಲಿ ನಡೆಯಲಿರುವ ಈ ಮಾತುಕತೆ ಎತ್ತ ಸಾಗಲಿದೆ ಎಂದು ಕಾಲವೇ ಉತ್ತರಿಸಲಿದೆ, (ಏಜೆನ್ಸೀಸ್).