ಬೀಜಿಂಗ್​ಗೆ ಕಾಲಿಟ್ಟ ಟ್ರಂಪ್‌! ಚೀನಾ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್ ಜೊತೆ ವ್ಯಾಪಾರ ಮತ್ತು ಗಡಿ ವಿವಾದಗಳ ಬಗ್ಗೆ ಹೈ-ಲೆವೆಲ್ ಚರ್ಚೆ! Trump In China

ಟ್ರಂಪ್ ಅವರು ಬೀಜಿಂಗ್ ಮಣ್ಣಿನಲ್ಲಿ ಕಾಲಿಡುವ ಕೆಲವೇ ಕ್ಷಣಗಳ ಮೊದಲು ಚೀನಾ ರಾಯಭಾರ ಕಚೇರಿಯು ಅಮೆರಿಕಕ್ಕೆ ಖಡಕ್ ಎಚ್ಚರಿಕೆ ನೀಡಿದೆ. ಅಮೆರಿಕವು ಈ ಕೆಳಗಿನ ನಾಲ್ಕು ವಿಷಯಗಳಲ್ಲಿ ಹಸ್ತಕ್ಷೇಪ ಮಾಡಬಾರದು ಮತ್ತು ಇವುಗಳು ಯಾವುದೇ ಮಾತುಕತೆಗೆ ಒಳಪಡುವುದಿಲ್ಲ ಎಂದು ಚೀನಾ ಸ್ಪಷ್ಟಪಡಿಸಿದೆ.

ತೈವಾನ್ ವಿವಾದ: ತೈವಾನ್ ಮೇಲೆ ಚೀನಾದ ಸಾರ್ವಭೌಮತ್ವದ ಕುರಿತು ಅಮೆರಿಕ ಮಧ್ಯಪ್ರವೇಶಿಸಬಾರದು.

ಪ್ರಜಾಪ್ರಭುತ್ವ ಮತ್ತು ಮಾನವ ಹಕ್ಕುಗಳು: ಚೀನಾದ ಆಂತರಿಕ ಹಕ್ಕುಗಳ ಬಗ್ಗೆ ಅಮೆರಿಕದ ಟೀಕೆಗೆ ಇಲ್ಲಿ ಅವಕಾಶವಿಲ್ಲ.

ಚೀನಾದ ರಾಜಕೀಯ ವ್ಯವಸ್ಥೆ: ಚೀನಾದ ಆಡಳಿತ ಪದ್ಧತಿಯನ್ನು ಬದಲಿಸಲು ಅಥವಾ ಪ್ರಶ್ನಿಸಲು ಅಮೆರಿಕಕ್ಕೆ ಹಕ್ಕಿಲ್ಲ.

ಅಭಿವೃದ್ಧಿಯ ಹಕ್ಕು: ಚೀನಾದ ಆರ್ಥಿಕ ಮತ್ತು ತಾಂತ್ರಿಕ ಬೆಳವಣಿಗೆಯನ್ನು ತಡೆಯಲು ಅಮೆರಿಕ ಪ್ರಯತ್ನಿಸಬಾರದು.

ಈ ಭೇಟಿಯಲ್ಲಿ ವ್ಯಾಪಾರ ಸುಂಕಗಳು ಮತ್ತು ಕೃತಕ ಬುದ್ಧಿಮತ್ತೆ ಕುರಿತು ಗಂಭೀರ ಚರ್ಚೆ ನಡೆಯುವ ನಿರೀಕ್ಷೆಯಿದೆ.

ರೇರ್ ಅರ್ಥ್ ಮಿನರಲ್ಸ್: ಎಲೆಕ್ಟ್ರಾನಿಕ್ಸ್ ಮತ್ತು ರಕ್ಷಣಾ ಉತ್ಪಾದನೆಗೆ ಅಗತ್ಯವಿರುವ ಖನಿಜಗಳ ರಫ್ತಿನ ಮೇಲೆ ಚೀನಾ ನಿಯಂತ್ರಣ ಸಾಧಿಸಿದೆ, ಇದು ವಾಷಿಂಗ್‌ಟನ್‌ಗೆ ದೊಡ್ಡ ತಲೆನೋವಾಗಿದೆ.

ಪೂರೈಕೆ ಸರಪಳಿ: ತಂತ್ರಜ್ಞಾನ ಮತ್ತು ಸರಬರಾಜು ಜಾಲದ ಮೇಲೆ ಹಿಡಿತ ಸಾಧಿಸಲು ಉಭಯ ದೇಶಗಳ ನಡುವೆ ಶೀತಲ ಸಮರ ನಡೆಯುತ್ತಿದ್ದು, ಟ್ರಂಪ್ ಈ ಬಗ್ಗೆ ಮೃದು ಧೋರಣೆ ತಾಳುತ್ತಾರೆಯೇ ಅಥವಾ ಬಿಗಿ ಹಿಡಿತ ಸಾಧಿಸುತ್ತಾರೆಯೇ ಎಂಬುದು ಕುತೂಹಲಕಾರಿಯಾಗಿದೆ.

ಇತ್ತೀಚೆಗಷ್ಟೇ ಅಮೆರಿಕವು ಇರಾನ್ ಮೇಲೆ ಹೊಸ ನಿರ್ಬಂಧಗಳನ್ನು ಹೇರಿದೆ. ಅಮೆರಿಕದ ಖಜಾನೆ ಕಾರ್ಯದರ್ಶಿ ಸ್ಕಾಟ್ ಬೆಸ್ಸೆಂಟ್ ಅವರು ಇರಾನ್ ಅನ್ನು ಜಾಗತಿಕ ಭಯೋತ್ಪಾದನೆಯ ಹಾವಿನ ತಲೆ ಎಂದು ಕರೆದಿದ್ದಾರೆ. ಎಕನಾಮಿಕ್ ಫ್ಯೂರಿ ಎಂಬ ಕಾರ್ಯಾಚರಣೆಯ ಮೂಲಕ ಇರಾನ್‌ನ ಆರ್ಥಿಕ ಮೂಲಗಳನ್ನು ಧ್ವಂಸ ಮಾಡಲು ಅಮೆರಿಕ ಸಜ್ಜಾಗಿದೆ. ಇರಾನ್ ಜೊತೆ ವ್ಯಾಪಾರ ಸಂಬಂಧ ಹೊಂದಿರುವ ಚೀನಾಕ್ಕೂ ಇದು ಪರೋಕ್ಷ ಎಚ್ಚರಿಕೆಯಾಗಿದೆ.

ಬೀಜಿಂಗ್‌ನಲ್ಲಿ ಟ್ರಂಪ್ ಅವರಿಗೆ ಅದ್ಧೂರಿ ಔತಣಕೂಟ ಮತ್ತು ಚಹಾ ಕೂಟಗಳನ್ನು ಏರ್ಪಡಿಸಲಾಗಿದೆಯಾದರೂ, ಇಬ್ಬರು ನಾಯಕರ ನಡುವಿನ ಚರ್ಚೆಯು ಮಾತ್ರ ಅಷ್ಟೇ ಕಹಿಯಾಗಿರುವ ಸಾಧ್ಯತೆಯಿದೆ. ಅಮೆರಿಕದ ನ್ಯಾಯಾಲಯಗಳು ಟ್ರಂಪ್ ಅವರ ಕೆಲವು ವ್ಯಾಪಾರ ನೀತಿಗಳನ್ನು ದುರ್ಬಲಗೊಳಿಸಿರುವ ಬೆನ್ನಲ್ಲೇ ಈ ಭೇಟಿ ನಡೆಯುತ್ತಿರುವುದು ಟ್ರಂಪ್‌ಗೆ ಅಗ್ನಿಪರೀಕ್ಷೆಯಾಗಿದೆ.

ಪೂರ್ವ ಏಷ್ಯಾದಲ್ಲಿ ಹಿಮಂತ ಬಿಸ್ವ ಶರ್ಮಾ ಮತ್ತು ಸುವೇಂದು ಅಧಿಕಾರಿ ಅವರು ನುಸುಳುಕೋರರ ವಿರುದ್ಧ ಹೋರಾಡುತ್ತಿದ್ದರೆ, ಇತ್ತ ಜಾಗತಿಕ ಮಟ್ಟದಲ್ಲಿ ಟ್ರಂಪ್ ಚೀನಾದ ಕೆಂಪು ಕೋಟೆಯನ್ನು ಎದುರಿಸುತ್ತಿದ್ದಾರೆ. ಈ ಭೇಟಿಯು ಮುಂಬರುವ ವರ್ಷಗಳಲ್ಲಿ ಅಮೆರಿಕ-ಚೀನಾ ಸಂಬಂಧವನ್ನು ಹೇಗೆ ರೂಪಿಸಲಿದೆ ಎಂಬುದನ್ನು ಇಡೀ ಜಗತ್ತು ಕಾದು ನೋಡುತ್ತಿದೆ,(ಏಜೆನ್ಸೀಸ್​).