- ಸುದೀರ್ಘ ಕಾಲದಿಂದ ಘೋಷಿಸಿದ್ದ 'ಟ್ರಂಪ್ ಗೋಲ್ಡ್ ಕಾರ್ಡ್' ಕಾರ್ಯಕ್ರಮವನ್ನು ಅಧಿಕೃತವಾಗಿ ಆರಂಭ
- ಮೆರಿಕನ್ ಸರ್ಕಾರಕ್ಕೆ ಬಿಲಿಯನ್ ಡಾಲರ್ಗಳು ಆದಾಯ ಬರುತ್ತದೆ ಎಂದ ಟ್ರಂಪ್
ವಾಷಿಂಗ್ಟನ್: ಬಹುಕಾಲದಿಂದ ಭರವಸೆ ನೀಡಿದ್ದ "ಗೋಲ್ಡ್ ಕಾರ್ಡ್" ಅಧಿಕೃತವಾಗಿ ಮಾರಾಟಕ್ಕೆ ಬರುತ್ತಿದೆ ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಗುರುವಾರ ಘೋಷಿಸಿದರು.
ಸುದೀರ್ಘ ಕಾಲದಿಂದ ಘೋಷಿಸಿದ್ದ 'ಟ್ರಂಪ್ ಗೋಲ್ಡ್ ಕಾರ್ಡ್' ಕಾರ್ಯಕ್ರಮವನ್ನು ಅಧಿಕೃತವಾಗಿ ಆರಂಭಿಸಿದ್ದಾರೆ. ಈ ಕಾರ್ಯಕ್ರಮದ ಮೂಲಕ, ವಿದೇಶಿ ಶ್ರೀಮಂತರುಗಳು ಅಥವಾ ಕಂಪನಿಗಳು $1 ಮಿಲಿಯನ್ (ಸುಮಾರು 8.4 ಕೋಟಿ ರೂ.) ನೀಡುವ ಮೂಲಕ ಅಮೆರಿಕದಲ್ಲಿ ಕಾಯಂ ನಿವಾಸ ಹಕ್ಕು ಪಡೆಯಬಹುದು ಮತ್ತು ಅದರಿಂದ ಪೌರತ್ವಕ್ಕೆ ಸರಳ ಮಾರ್ಗ ಸಿಗುತ್ತದೆ. ಅಲ್ಲದೆ, ಇದು ಟ್ರಂಪ್ ಅವರ ಕಠಿಣ ಗಡಿ ನೀತಿಗಳ ನಡುವೆಯೂ ಶ್ರೀಮಂತರಿಗೆ ವಿಶೇಷ ಅವಕಾಶವಾಗಿದೆ ಎಂದು ವಿಶ್ಲೇಷಣೆ ಮಾಡಲಾಗುತ್ತಿದೆ.
ಗೋಲ್ಡ್ ಕಾರ್ಡ್ ಪಡೆಯಲು ಆರ್ಹತೆ
ವೈಯಕ್ತಿಕ ಅರ್ಜಿದಾರರು: $15,000 (ಸುಮಾರು 12.6 ಲಕ್ಷ ರೂ.) ಪ್ರೊಸೆಸಿಂಗ್ ಫೀ + $1 ಮಿಲಿಯನ್ ಕೊಡುಗೆ ನೀಡಿ, EB-1 ಅಥವಾ EB-2 ಗ್ರೀನ್ ಕಾರ್ಡ್ ಪಡೆಯಬಹುದು. ಇದು ಕಾಯಂ ನಿವಾಸವನ್ನು ನೀಡುತ್ತದೆ ಮತ್ತು 5 ವರ್ಷಗಳ ನಂತರ ಪೌರತ್ವಕ್ಕೆ ಅರ್ಜಿ ಸಲ್ಲಿಸಬಹುದು.
ಕಂಪನಿಗಳಿಗೆ: ವಿದೇಶಿ ಉದ್ಯೋಗಿಗಳನ್ನು ಬಾಹ್ಯರೂಪದಲ್ಲಿ ಉದ್ಯೋಗಿಸಲು $2 ಮಿಲಿಯನ್ ಕೊಡುಗೆ + 1% ವಾರ್ಷಿಕ ನಿರ್ವಹಣೆ ಫೀ ($20,000) + ಸ್ಥಳಾಂತರ ಫೀ ($100,000). ನೀಡಬೇಕಾಗುತ್ತದೆ.
ಅಧ್ಯಕ್ಷ ಟ್ರಂಪ್ ಇದನ್ನು "ಅಮೆರಿಕನ್ ಸರ್ಕಾರಕ್ಕೆ ಬಿಲಿಯನ್ ಡಾಲರ್ಗಳು ಆದಾಯ ಬರುವಂತೆ ಮಾಡುತ್ತದೆ" ಎಂದು ಹೇಳಿದ್ದಾರೆ.
ಹಣವು ಹಣಕಾಸು ಇಲಾಖೆಗೆ ಹೋಗಿ, ದೇಶದ ಅಭಿವೃದ್ಧಿಗೆ ಬಳಸಲಾಗುತ್ತದೆ. ಇದು ದೇಶಕ್ಕೆ "ಅತ್ಯುತ್ತಮ ಜನರನ್ನು" ಆಕರ್ಷಿಸುವ ಉದ್ದೇಶವನ್ನು ಹೊಂದಿದೆ. ಇತರ ಆಯ್ಕೆಗಳು: 'ಪ್ಲ್ಯಾಟಿನಂ ಕಾರ್ಡ್' ($5 ಮಿಲಿಯನ್) ಶೀಘ್ರ ಬರುತ್ತದೆ, ಇದು ವಿದೇಶಿ ಆದಾಯಕ್ಕೆ ತೆರಿಗೆ ಮುಕ್ತತೆ ನೀಡುತ್ತದೆ ಎಂದು ವರದಿ ಉಲ್ಲೇಖಿಸಿದೆ (ಅಮೆರಿಕದಲ್ಲಿ 270 ದಿನಗಳವರೆಗೆ ಉಳಿಯಬಹುದು).
ಹಿನ್ನೆಲೆ
ಟ್ರಂಪ್ ಸರ್ಕಾರ ಫೆಬ್ರುವರಿ 2025ರಲ್ಲಿ ಮೊದಲ ಬಾರಿಗೆ "ಗೋಲ್ಡ್ ಕಾರ್ಡ್" ಘೋಷಿಸಿದ್ದರು ($5 ಮಿಲಿಯನ್ಗಿಂತ ಇದು ಕಡಿಮೆ ಬೆಲೆಯಾಗಿದೆ). ಸೆಪ್ಟೆಂಬರ್ನಲ್ಲಿ ಎಕ್ಸಿಕ್ಯೂಟಿವ್ ಆರ್ಡರ್ ಸೈನ್ ಮಾಡಿ, ಡಿಸೆಂಬರ್ 10 ರಂದು trumpcard.gov ವೆಬ್ಸೈಟ್ ಆರಂಭಗೊಂಡಿದೆ,(ಏಜೆನ್ಸೀಸ್).