ರಾತ್ರೋರಾತ್ರಿ ಜಗತ್ತಿನ ನಕ್ಷೆಯನ್ನೇ ಬದಲಿಸಬಲ್ಲ ಶಕ್ತಿ! ಕಿಮ್ ಪ್ರದರ್ಶಿಸಿದ ಆ 50 ರಾಕೆಟ್ ಲಾಂಚರ್‌ಗಳ ಸಸ್ಪೆನ್ಸ್ ಏನು..? Kim Jong Un

ಅಲ್ಲದೆ, ಈ ಸಮಾರಂಭದ ಚಿತ್ರಗಳನ್ನು ಬಿಡುಗಡೆ ಮಾಡಿರುವ ಉತ್ತರ ಕೊರಿಯಾ ಸರ್ಕಾರ, ಅಮೆರಿಕ ಮತ್ತು ದಕ್ಷಿಣ ಕೊರಿಯಾಗೆ ಪರೋಕ್ಷವಾಗಿ ಎಚ್ಚರಿಕೆಯನ್ನು ನೀಡಿದೆ.

ಈ ಶಸ್ತ್ರಾಸ್ತ್ರಗಳನ್ನು ಅದ್ಭುತ ಮತ್ತು ಆಕರ್ಷಕ ಎಂದು ಬಣ್ಣಿಸಿದ ಕಿಮ್ ಜೊಂಗ್ ಉನ್, ಇವುಗಳ ವಿನಾಶಕಾರಿ ಶಕ್ತಿಯ ಬಗ್ಗೆ ಅತ್ಯಂತ ಕಟು ಮಾತುಗಳನ್ನು ಆಡಿದ್ದಾರೆ.

ದೈವಿಕ ರಕ್ಷಣೆ ಅಸಾಧ್ಯ: ಒಮ್ಮೆ ಈ ಆಯುಧವನ್ನು ಬಳಸಿದರೆ, ಜಗತ್ತಿನ ಯಾವುದೇ ಶಕ್ತಿಯು ದೇವರಿಂದಲೂ ರಕ್ಷಣೆ ನಿರೀಕ್ಷಿಸಲು ಸಾಧ್ಯವಿಲ್ಲ ಎಂದು ಕಿಮ್ ಹೇಳಿದ್ದಾರೆ. ಅಂದರೆ, ಈ ರಾಕೆಟ್ ಲಾಂಚರ್‌ಗಳ ದಾಳಿಯಿಂದ ಪಾರಾಗುವುದು ಅಸಾಧ್ಯ ಎಂಬುದನ್ನು ತಿಳಿಸಿದ್ದಾರೆ.

ಶಕ್ತಿಯ ಕೇಂದ್ರ: ಇವುಗಳನ್ನು ವಿಶ್ವದ ಅತ್ಯಂತ ಅನುಕೂಲಕರ ಮತ್ತು ಕೇಂದ್ರೀಕೃತ ಸೂಪರ್-ಪವರ್ ಫುಲ್ ಅಟ್ಯಾಕ್ ಆಯುಧ ಎಂದು ಉನ್​ ಕರೆದಿದ್ದಾರೆ.

ಇವುಗಳನ್ನು ಕೇಂದ್ರೀಕೃತ ಸೂಪರ್-ಪವರ್ ಫುಲ್ ಅಟ್ಯಾಕ್ ನಡೆಸಲು ವಿಶ್ವದ ಅತ್ಯಂತ ಅನುಕೂಲಕರ ಆಯುಧ ಎಂದು ಕಿಮ್ ಕರೆದಿದ್ದಾರೆ. ವೈರಿಗಳ ಮೇಲೆ ಏಕಕಾಲಕ್ಕೆ ಭಾರಿ ಪ್ರಮಾಣದ ದಾಳಿ ನಡೆಸಲು ಇವು ಸಹಕಾರಿ ಎಂದು ಕಿಮ್​ ವಿವರಿಸಿದ್ದಾರೆ.

ತನ್ನ ಶತ್ರು ರಾಷ್ಟ್ರಗಳಾದ ಅಮೆರಿಕ ಮತ್ತು ದಕ್ಷಿಣ ಕೊರಿಯಾವನ್ನು ಗುರಿಯಾಗಿಸಿಕೊಂಡು ಮಾತನಾಡಿದ ಕಿಮ್​, ಈ ಲಾಂಚರ್‌ಗಳು ನಮ್ಮ ಸೈನ್ಯದ ಪ್ರಬಲ ಯುದ್ಧ ಸಾಧನವಾಗಿದ್ದು, ಯಾವುದೇ ಕ್ಷಣದಲ್ಲಿ ಯುದ್ಧಕ್ಕೆ ಸಿದ್ಧವಾಗಿವೆ ಎಂದು ಹೇಳಿದ್ದಾರೆ.

ತಂತ್ರಜ್ಞಾನ: 600 ಎಂಎಂ ಕ್ಯಾಲಿಬರ್‌ನ ಈ ಮಲ್ಟಿಪಲ್ ರಾಕೆಟ್ ಲಾಂಚರ್‌ಗಳು ಕೃತಕ ಬುದ್ಧಿಮತ್ತೆ (AI) ಮತ್ತು ಸುಧಾರಿತ ಮಾರ್ಗದರ್ಶನ ವ್ಯವಸ್ಥೆಯನ್ನು ಹೊಂದಿದ್ದು, ದಕ್ಷಿಣ ಕೊರಿಯಾದ ಯಾವುದೇ ಭಾಗವನ್ನು ನಿಖರವಾಗಿ ನಾಶಪಡಿಸುವ ಸಾಮರ್ಥ್ಯ ಹೊಂದಿವೆ.

ಈ ಪ್ರದರ್ಶನವು ಉತ್ತರ ಕೊರಿಯಾದ ಆಡಳಿತಾರೂಢ ವರ್ಕರ್ಸ್ ಪಾರ್ಟಿಯ 9ನೇ ಕಾಂಗ್ರೆಸ್ ಸಮಾವೇಶಕ್ಕೆ ಮುನ್ನ ನಡೆದಿದೆ. ಇದು ಉತ್ತರ ಕೊರಿಯಾದ ಮಿಲಿಟರಿ ಇತಿಹಾಸದಲ್ಲಿ ಒಂದು ಪ್ರಮುಖ ಮೈಲಿಗಲ್ಲು ಎಂದು ವಿಶ್ಲೇಷಿಸಲಾಗಿದೆ.

ಪಯೋಂಗ್ಯಾಂಗ್‌ನ ಹೌಸ್ ಆಫ್ ಕಲ್ಚರ್ ಮೈದಾನದಲ್ಲಿ ಸಾಲಾಗಿ ನಿಂತಿದ್ದ 50 ಲಾಂಚರ್ ವಾಹನಗಳ ಪೈಕಿ ಒಂದನ್ನು ಕಿಮ್ ಸ್ವತಃ ಚಲಾಯಿಸಿ ಅವುಗಳನ್ನು ಪರಿಶೀಲಿಸಿದರು. ಈ ಆಯುಧಗಳು ಕೇವಲ ಸಾಂಪ್ರದಾಯಿಕ ಕ್ಷಿಪಣಿಗಳಲ್ಲ, ಇವು ಅಣ್ವಸ್ತ್ರಗಳನ್ನು ಹೊತ್ತೊಯ್ಯುವ 'ಸ್ಟ್ರಾಟೆಜಿಕ್ ಮಿಷನ್'ಗಾಗಿ ವಿನ್ಯಾಸಗೊಳಿಸಲಾದ ಭೀಕರ ಶಸ್ತ್ರಗಳಾಗಿವೆ.

ಉತ್ತರ ಕೊರಿಯಾವು ರಷ್ಯಾದೊಂದಿಗೆ ಸೈನಿಕ ಒಪ್ಪಂದ ಮಾಡಿಕೊಂಡ ಬೆನ್ನಲ್ಲೇ ಈ ಬೆಳವಣಿಗೆ ನಡೆದಿದೆ. ಈ ಕ್ಷಿಪಣಿ ಲಾಂಚರ್‌ಗಳು ಸುಮಾರು 400 ಕಿಲೋಮೀಟರ್ ವ್ಯಾಪ್ತಿಯನ್ನು ಹೊಂದಿದ್ದು, ದಕ್ಷಿಣ ಕೊರಿಯಾದಲ್ಲಿರುವ ಅಮೆರಿಕದ ವಾಯುನೆಲೆಗಳನ್ನು ಕ್ಷಣಾರ್ಧದಲ್ಲಿ ಬೂದಿ ಮಾಡುವ ಶಕ್ತಿ ಹೊಂದಿವೆ ಎಂದು ತಜ್ಞರು ಆತಂಕ ವ್ಯಕ್ತಪಡಿಸಿದ್ದಾರೆ,(ಏಜೆನ್ಸೀಸ್).