ಅಮೆರಿಕದ ಲಾಂಗ್ ಐಲ್ಯಾಂಡ್ ಅಮ್ಯೂಸ್ಮೆಂಟ್ ಪಾರ್ಕ್ನಲ್ಲಿ ನರಕದರ್ಶನ!
- ಅಮೆರಿಕದ ಲಾಂಗ್ ಐಲ್ಯಾಂಡ್ ಅಮ್ಯೂಸ್ಮೆಂಟ್ ಪಾರ್ಕ್ನಲ್ಲಿ ನರಕದರ್ಶನ!
- ರೋಲರ್ ಕೋಸ್ಟರ್ ಕೈಕೊಟ್ಟು 3 ಗಂಟೆಗಳ ಕಾಲ ಆಕಾಶದಲ್ಲೇ ತೂಗಾಡಿದ 15 ಮಕ್ಕಳು
- ನ್ಯೂಯಾರ್ಕ್ ಅಗ್ನಿಶಾಮಕ ದಳದ ಸಾಹಸಮಯ ರಕ್ಷಣಾ ಕಾರ್ಯಾಚರಣೆ
ಲಾಂಗ್ ಐಲ್ಯಾಂಡ್: ಶುಕ್ರವಾರ (ಜೂ. 19) ಸುಮಾರು 15 ಜನ ಮಕ್ಕಳು ಅಮ್ಯೂಸ್ಮೆಂಟ್ ಪಾರ್ಕ್ನಲ್ಲಿ ಸುಮಾರು 3 ಗಂಟೆಗಳವರೆಗೆ ಒಂದೇ ಸ್ಥಳದಲ್ಲಿ ಸಿಲುಕಿಕೊಂಡಿದ್ದು, ನಂತರ ಅವರನ್ನು ರಕ್ಷಿಸಿದ ಘಟನೆ ಅಮೆರಿಕದ ಲಾಂಗ್ ಐಲ್ಯಾಂಡ್ನಲ್ಲಿ ನಡೆದಿದೆ.
ಲಾಂಗ್ ಐಲ್ಯಾಂಡ್ನಲ್ಲಿರುವ ರೋಲರ್ ಕೋಸ್ಟರ್ (Roller Coaster Rescue) ನ್ನು 15 ಜನ ಮಕ್ಕಳು ಹಾಗೂ ಒಬ್ಬ ವಯಸ್ಕ ವ್ಯಕ್ತಿ ಏರಿದ್ದರು. ಆದರೆ ಆ ರೋಲರ್ ಕೋಸ್ಟರ್ ಯಂತ್ರ ಮಧ್ಯದಲ್ಲೇ ಕೈಕೊಟ್ಟ ಕಾರಣ ಸುಮಾರು 3 ರಿಂದ 4 ಗಂಟೆಗಳ ವರೆಗೆ ಅಲ್ಲಿಯೇ ಸಿಲುಕಿಕೊಂಡಿರುವ ವಿಡಿಯೋ ಸೋಷಿಯಲ್ ಮೀಡಿಯಾನಲ್ಲಿ ವೈರಲ್ ಆಗುತ್ತಿದೆ.
ನಾಲ್ಕು ಗಂಟೆ ನಂತರ ರಕ್ಷಣೆ!
ಅಮೆರಿಕದ ನ್ಯೂಯಾರ್ಕ್ನ ಲಾಂಗ್ ಐಲ್ಯಾಂಡ್ನಲ್ಲಿರುವ ಅಮ್ಯೂಸ್ಮೆಂಟ್ ಪಾರ್ಕಿನ ರೋಲರ್ ಕೋಸ್ಟರ್ ರೈಡ್ ಏರಿದ ಮಕ್ಕಳು ಹತ್ತಿದಾಗ ಸಾಹಸಭರಿತ ಪ್ರಯಾಣವನ್ನು ಅನುಭವಿಸಿದ್ದಾರೆ. ಆದರೆ ಕೆಲ ಸಮಯದ ಬಳಿಕ ವಾಹನ ನಿಧಾನವಾಗುತ್ತಾ ಬಂದಿದೆ.
ನಂತರ ಎತ್ತರದ ಸ್ಥಾನವೊಂದನ್ನು ತಲುಪಿ ನಿಂತು ಬಿಟ್ಟಿದೆ. ಆಗ ರೋಲರ್ ಕೋಸ್ಟರ್ನಲ್ಲಿದ್ದ 15 ಮಕ್ಕಳು ಹಾಗೂ ಒಬ್ಬ ವಯಸ್ಕ ವ್ಯಕ್ತಿ ಆಘಾತಕ್ಕೊಳಗಾಗಿದ್ದಾರೆ. ರೈಡ್ಗೆ ಬಳಕೆಯಾಗುವ ಯಂತ್ರದಲ್ಲಿ ಏನೋ ಸಮಸ್ಯೆ ತಲೆದೂರಿದ ಹಿನ್ನಲೆ ಹೀಗೆ ಆಗಿದೆ ಎಂದು ತಿಳಿದು ಬಂದಿದೆ.
ಆದರೆ ಎಷ್ಟು ಪ್ರಯತ್ನ ಪಟ್ಟರೂ ವಾಹನ ಪ್ರಾರಂಭವಾಗದ ಹಿನ್ನಲೆ, ನಂತರ ನ್ಯೂಯಾರ್ಕ್ನಿಂದ ಅಗ್ನಿಶಾಮಕ ದಳದವರನ್ನು ಕರೆತರಲಾಗಿದೆ.
ರೈಡ್ನಲ್ಲಿ ಸಿಲುಕಿದ್ದವರು ಚಿಕ್ಕ ಮಕ್ಕಳಾಗಿರುವ ಕಾರಣ ಅವರಿಗೆ ಪಾರ್ಕ್ ಸಿಬ್ಬಂದಿ ನಿರಂತರವಾಗಿ ಧೈರ್ಯ ತುಂಬಿದ್ದಾರೆ. ನಂತರ ಅಗ್ನಿಶಾಮಕ ದಳದವರು ಸುಮಾರು ನಾಲ್ಕು ಗಂಟೆಗಳ ನಂತರ ಮಕ್ಕಳನ್ನು ಹಾಗೂ ಒರ್ವ ವಯಸ್ಕನನ್ನು ಸುರಕ್ಷಿತವಾಗಿ ಕೆಳಗಿಳಿಸಿದ್ದಾರೆ, (ಏಜನ್ಸೀಸ್).