ಕ್ರೌನ್ ಪ್ರಿನ್ಸ್ ಹಾಕೋನ್ ಮತ್ತು ಮೆಟ್ಟೆ-ಮಾರಿಟ್
ನಾರ್ವೆ: ವಿಶ್ವದಾದ್ಯಂತ ಭಾರಿ ತಲ್ಲಣಕ್ಕೆ ಕಾರಣವಾಗಿರುವ ಎಪ್ಸ್ಟೀನ್ ಫೈಲ್ಸ್ನಲ್ಲಿ ನಾರ್ವೆ ರಾಜಮನೆತನದ ಕ್ರೌನ್ ಪ್ರಿನ್ಸೆಸ್ ಮೆಟ್ಟೆ-ಮಾರಿಟ್ ಹೆಸರು ಸಾವಿರಕ್ಕೂ ಹೆಚ್ಚು ಬಾರಿ ಉಲ್ಲೇಖವಾಗಿರುವುದು ಬಹಿರಂಗವಾಗಿದ್ದು, ಈ ಬಗ್ಗೆ ಕ್ರೌನ್ ಪ್ರಿನ್ಸೆಸ್ ಎಪ್ಸ್ಟೀನ್ ವ್ಯಕ್ತಿತ್ಬದ ಬಗ್ಗೆ ತಿಳಿಯದೇ ಅವರ ಜೊತೆ ಸಂಪರ್ಕದಲ್ಲಿದ್ದರ ಬಹಿರಂಗವಾಗಿ ಕ್ಷಮೆ ಕೇಳಿದ್ದಾರೆ.
ಇತ್ತೀಚಿಗೆ ಶುಕ್ರವಾರ(ಜ. 30) ಅಮೆರಿಕಾ ನ್ಯಾಯಾಂಗ ಇಲಾಖೆ ಬಿಡುಗಡೆ ಮಾಡಿದ ಎಪ್ಸ್ಟೀನ್ ಫೈಲ್ನ ಹೊಸ ದಾಖಲೆಗಳಲ್ಲಿ ಸಾವಿರಕ್ಕೂ ಹೆಚ್ಚು ಬಾರಿ ನ್ ಪ್ರಿನ್ಸೆಸ್ ಮೆಟ್ಟೆ-ಮಾರಿಟ್ ಹೆಸರು ಕಾಣಿಸಿಕೊಂಡಿದೆ. ಇದೆಲ್ಲವೂ 2011 ರಿಂದ 2014ರ ನಡುವಿನ ಇಮೇಲ್ ಪತ್ರ ವ್ಯವಹಾರ, ಸಂದರ್ಶನದ ಸಂಭಾಷಣೆಗಳನ್ನು ಒಳಗೊಂಡಿವೆ.
2013ರಲ್ಲಿ ನಾರ್ವೆ ರಾಜಮನೆತನದವರು ಫ್ಲೋರಿಡಾದ ಪಾಮ್ ಬೀಚ್ನಲ್ಲಿರುವ ಎಪ್ಸ್ಟೀನ್ ಮನೆಯಲ್ಲಿ ನಾಲ್ಕು ದಿನಗಳನ್ನು ಕಳೆದಿದ್ದರು ಎಂದು ಇಮೇಲ್ಗಳು ಬಹಿರಂಗಪಡಿಸಿವೆ. ಆದರೆ ಆ ಸಮಯದಲ್ಲಿ ಎಪ್ಸ್ಟೀನ್ ಅಲ್ಲಿ ಇರಲಿಲ್ಲ ಎನ್ನಲಾಗಿದೆ.
2012ರ ಒಂದು ಇಮೇಲ್ನಲ್ಲಿ ಕ್ರೌನ್ ಪ್ರಿನ್ಸೆಸ್, ಎಪ್ಸ್ಟೀನ್ಗೆ ನೀವು ತುಂಬಾ ಒಳ್ಳೆಯವರು ಎಂದು ಹೇಳಿದ್ದರೆ, ಇನ್ನೊಂದರಲ್ಲಿ ಆಕರ್ಷಕವಾಗಿದ್ದೀರಿ ಎಂದಿದ್ದಾರೆ. ಅದೇ ರೀತಿ ಎಪ್ಸ್ಟೀನ್ ವೈಫ್ ಹಂಟಿಂಗ್ ಬಗ್ಗೆ ಮಾತನಾಡಿದಾಗ ಸ್ಕ್ಯಾಂಡಿನೇವಿಯನ್ ಮಹಿಳೆಯರನ್ನು ಸಂಪರ್ಕಿಸಲು ಸಲಹೆ ನೀಡಿದ್ದಾರೆ. ಇನ್ನೂ ರಾಯಲ್ ಜೀವನದ ಬೇಸರ, ಅನುಚಿತ ಸಂಬಂಧಗಳು, ಸಾಹಿತ್ಯ (ವ್ಲಾಡಿಮಿರ್ ನಬೊಕಾವ್) ಮತ್ತು ಇತರ ವೈಯಕ್ತಿಕ ವಿಷಯಗಳನ್ನು ಚರ್ಚಿಸಿದ್ದಾರೆ ಎನ್ನಲಾಗಿದೆ.
ಇನ್ನೊಂದು ಬಹುಮುಖ್ಯವಾದ ಇಮೇಲ್ ಅಂದರೆ, ಮೆಟ್ಟೆ-ಮರಿಟ್ ಅವರು ತಮ್ಮ ಮಗನ ಬಗ್ಗೆ ಎಪ್ಸ್ಟೀನ್ ಅವರೊಂದಿಗೆ ಚರ್ಚಿಸಿರುವುದು. ಅಂದಿನ ತಮ್ಮ 15 ವರ್ಷದ ಮಗನ ಸರ್ಪಬೋರ್ಡ್ಗೆ ಇಬ್ಬರು ಮಹಿಳೆಯರ ಬೆತ್ತಲೆ ಚಿತ್ರವನ್ನು ತಾಯಿಯಾದ ನಾನೇ ಸೂಚಿಸುವುದು ಅನುಚಿತವೇ? ಕೇಳಿದ್ದರು. ಅದಕ್ಕೆ ಎಪ್ಸ್ಟೀನ್, ಅದನ್ನು ಅವರೇ ನಿರ್ಧರಿಸಲಿ, ತಾಯಿ ಅದರಲ್ಲಿ ತಲೆಹಾಕಬಾರದು ಎಂದಿದ್ದಾರೆ.
ಇನ್ನೂ ಶುಕ್ರವಾರ ಬಿಡುಗಡೆಯಾದ ಫೈಲ್ಗಳ ಬಗ್ಗೆ ಪ್ರತಿಕ್ರಿಯಿಸಿರುವ ಪ್ರಿನ್ಸ್ ಮೆಟ್ಟೆ-ಮಾರಿಟ್, ಎಪ್ಸ್ಟೀನ್ ಜೊತೆ ಯಾವುದೇ ಸಂಪರ್ಕ ಹೊಂದಿದ್ದಕ್ಕೆ ಆಳವಾಗಿ ವಿಷಾದಿಸುತ್ತೇನೆ. ಎಪ್ಸ್ಟೀನ್ ತನ್ನ ಕೃತ್ಯಗಳಿಗೆ ಜವಾಬ್ದಾರನಾಗಿದ್ದಾನೆ. ನಾನು ಅವನ ಹಿನ್ನೆಲೆಯನ್ನು ಸರಿಯಾಗಿ ಪರಿಶೀಲಿಸದೇ ಇರುವುದಕ್ಕೆ ಮತ್ತು ಅವನ ವ್ಯಕ್ತಿತ್ವವನ್ನು ಬೇಗ ಅರ್ಥಮಾಡಿಕೊಳ್ಳದೇ ಇರುವುದಕ್ಕೆ ಜವಾಬ್ದಾರಿಯನ್ನು ಒಪ್ಪಿಕೊಳ್ಳುತ್ತೇನೆ ಎಂದು ಹೇಳಿದ್ದಾರೆ (ಏಜೆನ್ಸೀಸ್).