ನಕ್ಸಲರ ಮಗುವಿಗೆ ಹಾಲುಣಿಸಿದ ಸಚಿವೆ: ರಕ್ಷಣಾ ಕಾರ್ಯಾಚರಣೆ ವೇಳೆ ಸೆರೆಯಾದ 'ಹೃದಯಸ್ಪರ್ಶಿ' ಘಟನೆ; ಸೀತಾ ಬಾಡಿ ವಿಡಿಯೋ ವೈರಲ್​! Sita Badi Viral Video

ಕಠ್ಮಂಡು: ಕಳೆದ ಕೆಲ ದಿನಗಳ ಹಿಂದೆ ನೇಪಾಳ ಸರ್ಕಾರದ ಮಹಿಳಾ ಹಾಗೂ ಮಕ್ಕಳ ಕಲ್ಯಾಣ ಸಚಿವೆ ಸೀತಾ ಬಾಡಿ (Sita Badi Viral Video) ಮಾಡಿರುವ ಕೆಲಸವೊಂದು ಸೋಷಿಯಲ್​ ಮೀಡಿಯಾನಲ್ಲಿ ಸಕ್ಕತ್​ ವೈರಲ್​ ಆಗುತ್ತಿದೆ.

ನೇಪಾಳದ ನಕ್ಸಲ್​ ಪ್ರದೇಶದಿಂದ ಮಕ್ಕಳನ್ನು ರಕ್ಷಿಸುತ್ತಿದ್ದ ಸಂದರ್ಭದಲ್ಲಿ ಅಳುತ್ತಿದ್ದ ಮಗುವೊಂದಕ್ಕೆ ಸೀತಾ ಬಾಡಿ ಹಾಲುಣಿಸಿರುವ ವಿಡಿಯೋ ಜಾಗತಿಕ ಮಟ್ಟದಲ್ಲಿ ಸದ್ದು ಮಾಡುತ್ತಿದೆ.

ಇದನ್ನೂ ಓದಿ: ನಾಗೇಂದ್ರ ರಾಜೀನಾಮೆಗೆ ಬಿಜೆಪಿ ಪಟ್ಟು, ವಂದೇ ಮಾತರಂಗೆ ಕಾಂಗ್ರೆಸ್​ ತಿರುಗೇಟು: ಸದನದಲ್ಲಿ ಕಾವೇರಿದ ರಾಜಕೀಯ ಕದನ! Karnataka Assembly

ಮಾಹಿತಿ ಪ್ರಕಾರ, ಕಠ್ಮಂಡುವಿನಲ್ಲಿರುವ ನಕ್ಸಲ್​ ಪ್ರದೇಶದಲ್ಲಿ ಸಿಲುಕಿರುವ ಮಕ್ಕಳ ರಕ್ಷಣಾ ಕಾರ್ಯಾಚರಣೆ ಸಂದರ್ಭದಲ್ಲಿ ಈ ಘಟನೆ ನಡೆದಿದೆ ಎಂದು ತಿಳಿದು ಬಂದಿದೆ. ರಕ್ಷಣಾ ಕಾರ್ಯದ ಸಮಯದಲ್ಲಿ ಸುಮಾರು 20 ಮಕ್ಕಳನ್ನು ರಕ್ಷಣೆ ಮಾಡಿದ್ದು, ಇದರಲ್ಲಿ 12 ಗಂಡು ಹಾಗೂ 8 ಹೆಣ್ಣು ಮಕ್ಕಳಿದ್ದರೆಂದು ಹೇಳಲಾಗಿದೆ.

ರಕ್ಷಣೆಯ ಸಂದರ್ಭದಲ್ಲಿ ಮಣ್ಣಿನಿಂದ ಆವೃತ್ತವಾಗಿದ್ದ, ಈ ಮಗುವನ್ನು ಎತ್ತುಕೊಂಡ ಸೀತಾ ಬಾಡಿ, ಮಗುವಿನ ಅಳುವನ್ನು ಕೇಳಲಾರದೆ, ಸ್ಥಳದಲ್ಲೇ ಸ್ತನಪಾನ ಮಾಡಿಸಿದ್ದಾರೆ. ಈಗ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ವೈರಲ್​ ಆಗಿದ್ದು, ನೆಟ್ಟಿಗರು ಸಚಿವೆಯ ಮಾತೃ ಹೃದಯವನ್ನು ಕೊಂಡಾಡಿದ್ದಾರೆ, (ಏಜನ್ಸೀಸ್​).