ಭೂಮಿಯ ಆಳದಲ್ಲಿ ಅಡಗಿದೆಯೇ ಮೃತ್ಯು ಲೋಕ! ಇರಾನ್‌ನ ಪಾತಾಳ ಸೈನ್ಯ ಅನ್ಲಾಕ್! ಸುರಂಗದ ವಿಡಿಯೋ ಕಂಡು ಬೆಚ್ಚಿಬಿದ್ದ ಅಮೆರಿಕ..! Iran Underground Tunnel

ಈ ವಿಡಿಯೋದಲ್ಲಿ ಇರಾನ್‌ನ ಧ್ವಜಗಳು ಮತ್ತು ಇತ್ತೀಚೆಗೆ ಹತರಾದ ಸರ್ವೋಚ್ಚ ನಾಯಕ ಅಯತೊಲ್ಲಾ ಅಲಿ ಖಮೇನಿಯ ಭಾವಚಿತ್ರಗಳಿಂದ ಅಲಂಕರಿಸಲ್ಪಟ್ಟ ಗೋಡೆಗಳ ನಡುವೆ ಸಾಲು ಸಾಲು ಡ್ರೋನ್‌ಗಳನ್ನು ಮಲ್ಟಿಪಲ್ ಲಾಂಚ್ ಸಿಸ್ಟಮ್‌ಗಳಲ್ಲಿ ಜೋಡಿಸಿರುವುದನ್ನು ಕಾಣಬಹುದು. ಇದು ಕೇವಲ ವಿಡಿಯೋ ಅಲ್ಲ, ಅಮೆರಿಕದ ಎಪಿಕ್ ಫ್ಯೂರಿ ಕಾರ್ಯಾಚರಣೆಗೆ ಇರಾನ್ ನೀಡುತ್ತಿರುವ ಬಲಿಷ್ಠ ಎಚ್ಚರಿಕೆ ಎಂದು ವಿಶ್ಲೇಷಿಸಲಾಗುತ್ತಿದೆ.

ಈ ಯುದ್ಧದ ಮಧ್ಯೆ ಅಮೆರಿಕಕ್ಕೆ ದೊಡ್ಡ ಹಿನ್ನಡೆಯಾಗಿರುವ ಸುದ್ದಿ ಹೊರಬಿದ್ದಿದೆ. ಕುವೈತ್ ರಕ್ಷಣಾ ಸಚಿವಾಲಯದ ಹೇಳಿಕೆಯ ಪ್ರಕಾರ, ಯುದ್ಧದ ವೇಳೆ ಅಮೆರಿಕದ ಹಲವಾರು F-15 ಫೈಟರ್ ಜೆಟ್‌ಗಳನ್ನು ಇರಾನ್ ಹೊಡೆದುರುಳಿಸಿದೆ. ಪತನಗೊಂಡ ವಿಮಾನಗಳ ಪೈಲಟ್‌ಗಳನ್ನು ರಕ್ಷಿಸಿ ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ವರದಿಯಾಗಿದೆ. ಇದು ನಿಜವೇ ಆದಲ್ಲಿ, ಅಮೆರಿಕದ ವಾಯುಪಡೆಗೆ ಇದು ಈ ದಶಕದ ದೊಡ್ಡ ಪೆಟ್ಟು ಎನಿಸಿಕೊಳ್ಳಲಿದೆ.

ಇರಾನ್‌ನ ರೆವಲ್ಯೂಷನರಿ ಗಾರ್ಡ್ಸ್ ಭಾನುವಾರ ಮತ್ತೊಂದು ಸ್ಫೋಟಕ ಹೇಳಿಕೆ ನೀಡಿದೆ. ಅಮೆರಿಕದ ಬೃಹತ್ ಯುದ್ಧನೌಕೆ USS ಅಬ್ರಹಾಂ ಲಿಂಕನ್ ಮೇಲೆ ನಾಲ್ಕು ಬ್ಯಾಲಿಸ್ಟಿಕ್ ಕ್ಷಿಪಣಿಗಳಿಂದ ಯಶಸ್ವಿಯಾಗಿ ದಾಳಿ ನಡೆಸಲಾಗಿದೆ ಎಂದು ಇರಾನ್ ಹೇಳಿಕೊಂಡಿದೆ. ಆದರೆ, ಅಮೆರಿಕದ ಸೆಂಟ್ರಲ್ ಕಮಾಂಡ್ ಈ ವಾದವನ್ನು ತಳ್ಳಿಹಾಕಿದ್ದು, ಅಂತಹ ಯಾವುದೇ ದಾಳಿ ನಡೆದಿಲ್ಲ ಎಂದು ಸ್ಪಷ್ಟಪಡಿಸಿದೆ. ಆದರೂ, ಈ ಯುದ್ಧದಲ್ಲಿ ಅಮೆರಿಕದ ಮೂವರು ಸೈನಿಕರು ಮೃತಪಟ್ಟಿರುವುದನ್ನು ಪೆಂಟಗನ್ ಖಚಿತಪಡಿಸಿದೆ.

ಇರಾನ್ ಈಗ ತನ್ನ ದಾಳಿಯನ್ನು ಕೇವಲ ಇಸ್ರೇಲ್‌ಗೆ ಸೀಮಿತಗೊಳಿಸದೆ, ಅಮೆರಿಕದ ನೆಲೆಗಳಿರುವ ಎಲ್ಲಾ ಗಲ್ಫ್ ರಾಷ್ಟ್ರಗಳ ಮೇಲೆ ಹರಡಿದೆ.

79 ವರ್ಷದ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಇರಾನ್‌ಗೆ ಮತ್ತಷ್ಟು ಕಠಿಣ ಎಚ್ಚರಿಕೆ ನೀಡಿದ್ದಾರೆ. ಖಮೇನಿ ಸೇರಿದಂತೆ ಇರಾನ್‌ನ ಒಟ್ಟು 48 ಪ್ರಮುಖ ನಾಯಕರನ್ನು ನಾವು ಈಗಾಗಲೇ ಮುಗಿಸಿದ್ದೇವೆ. ಇರಾನ್ ಇನ್ನಷ್ಟು ಸಾಹಸಕ್ಕೆ ಕೈಹಾಕಿದರೆ ಪರಿಸ್ಥಿತಿ ಘೋರವಾಗಿರಲಿದೆ ಎಂದು ಅವರು ಗುಡುಗಿದ್ದಾರೆ. ಆದರೆ, ಇರಾನ್ ಮಾತ್ರ ನಾವು ಕೇವಲ ಅಮೆರಿಕದ ನೆಲೆಗಳನ್ನು ಗುರಿಯಾಗಿಸುತ್ತಿದ್ದೇವೆ ಎಂದು ತನ್ನ ನಡೆಯನ್ನು ಸಮರ್ಥಿಸಿಕೊಂಡಿದೆ.

ಈ ಭೀಕರ ಯುದ್ಧದಿಂದಾಗಿ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ತೈಲ ಬೆಲೆ ಏರಿಕೆಯಾಗುವ ಭೀತಿ ಎದುರಾಗಿದೆ. ಗಲ್ಫ್ ರಾಷ್ಟ್ರಗಳಲ್ಲಿರುವ ಲಕ್ಷಾಂತರ ಭಾರತೀಯರ ಸುರಕ್ಷತೆ ಈಗ ಮೋದಿ ಸರ್ಕಾರದ ಮುಂದಿರುವ ದೊಡ್ಡ ಸವಾಲಾಗಿದೆ,(ಏಜೆನ್ಸೀಸ್).