Iran War: ಒಬಾಮಾ, ಬುಷ್, ಬೈಡನ್ 'ನೋ' ಎಂದಿದ್ದ ಇರಾನ್ ಮೇಲಿನ ಯುದ್ಧಕ್ಕೆ ಟ್ರಂಪ್​​ ​​'ಓಕೆ' ಎಂದಿದ್ದೇಕೆ?

ಅವರು ಟಿವಿ ಕಾರ್ಯಕ್ರಮ The Late Show with Stephen Colbertನಲ್ಲಿ ಮಾತನಾಡಿ ಈ ವಿಷಯ ಬಹಿರಂಗಪಡಿಸಿದರು. ಜಾನ್ ಕೆರ್ರಿ ಅವರ ಪ್ರಕಾರ, ಬರಾಕ್ ಒಬಾಮಾ, ಜಾರ್ಜ್ ಡಬ್ಲ್ಯೂ ಬುಷ್ ಮತ್ತು ಈಗಿನ ಅಧ್ಯಕ್ಷ ಜೋ ಬೈಡನ್ ಅವರು ಅಧಿಕಾರದಲ್ಲಿದ್ದಾಗ ನೆತನ್ಯಾಹು ಯುದ್ಧದ ಪ್ರಸ್ತಾಪ ಇಟ್ಟಿದ್ದರು. ಆದರೆ ಇವರೆಲ್ಲರೂ ಯುದ್ಧಕ್ಕೆ ಒಪ್ಪಿಗೆ ನೀಡಲಿಲ್ಲ. "ನಾನು ಆ ಮಾತುಕತೆಗಳ ಭಾಗವಾಗಿದ್ದೆ, ನನಗೆ ಅವು ಚೆನ್ನಾಗಿ ನೆನಪಿವೆ" ಎಂದು ಕೆರ್ರಿ ಹೇಳಿದ್ದಾರೆ.

ಯುದ್ಧಕ್ಕೆ ಒಪ್ಪಿಗೆ ನೀಡದಿರಲು ಕಾರಣವೇನೆಂದರೆ, ಶಾಂತಿಯುತವಾಗಿ ಸಂಧಾನ ಮಾಡುವ ಎಲ್ಲಾ ದಾರಿಗಳು ಇನ್ನೂ ಮುಗಿದಿಲ್ಲ ಎಂದು ಅಮೆರಿಕದ ನಾಯಕರು ಭಾವಿಸಿದ್ದರು. ಯುದ್ಧಕ್ಕಿಂತ ಮಾತುಕತೆಯೇ ಲೇಸು ಎಂಬುದು ಅವರ ನಿಲುವಾಗಿತ್ತು.

ನೆತನ್ಯಾಹು ಅವರು ಒಂದು ವಾದ ಮುಂದಿಟ್ಟಿದ್ದರು— "ನಾವು ಇರಾನ್ ಮೇಲೆ ದಾಳಿ ಮಾಡಿದರೆ, ಅಲ್ಲಿನ ಜನರೇ ಸರ್ಕಾರದ ವಿರುದ್ಧ ದಂಗೆ ಏಳುತ್ತಾರೆ ಮತ್ತು ಅಲ್ಲಿನ ಸರ್ಕಾರ ಬದಲಾಗುತ್ತದೆ" ಎಂದು ಅವರು ನಂಬಿದ್ದರು. ಆದರೆ ಜಾನ್ ಕೆರ್ರಿ ಹೇಳುವಂತೆ, ಅಂತಹದ್ದೇನೂ ಸಂಭವಿಸಲಿಲ್ಲ.

ವರದಿಯ ಪ್ರಕಾರ, ನಂತರ ಡೊನಾಲ್ಡ್ ಟ್ರಂಪ್ ಅವರೊಂದಿಗೆ ನಡೆದ ಸಭೆಯಲ್ಲಿ ಇದೇ ವಿಷಯ ಚರ್ಚೆಯಾದಾಗ, ಟ್ರಂಪ್ ಅವರು "ನನಗೇನು ತೊಂದರೆಯಿಲ್ಲ (Okay by me)" ಎಂಬಂತೆ ಪ್ರತಿಕ್ರಿಯಿಸಿದ್ದರು ಎನ್ನಲಾಗಿದೆ.

ವಿಯೆಟ್ನಾಂ ಯುದ್ಧದ ಅನುಭವವಿರುವ ಕೆರ್ರಿ ಅವರು ಒಂದು ಕಿವಿಮಾತು ಹೇಳಿದ್ದಾರೆ— "ಅಮೆರಿಕದ ಜನರಿಗೆ ಸುಳ್ಳು ಹೇಳಿ ಅವರ ಮಕ್ಕಳನ್ನು ಯುದ್ಧಕ್ಕೆ ಕಳುಹಿಸಬೇಡಿ. ವಿಯೆಟ್ನಾಂ ಮತ್ತು ಇರಾಕ್ ಯುದ್ಧಗಳಲ್ಲಿ ನಮಗೆ ಸುಳ್ಳು ಹೇಳಲಾಗಿತ್ತು, ಅದರ ಪಾಠವನ್ನಷ್ಟೇ ನಾವು ಕಲಿಯಬೇಕು" ಎಂದಿದ್ದಾರೆ.

ಇರಾನ್ ಜೊತೆಗಿನ ಉದ್ವಿಗ್ನತೆಯನ್ನು ಕಡಿಮೆ ಮಾಡಲು ಅಮೆರಿಕ ಪ್ರಯತ್ನಿಸುತ್ತಿದೆ. ಆದರೆ ಲಬನಾನ್‌ನಲ್ಲಿ ಇಸ್ರೇಲ್‌ನ ಕಾರ್ಯಾಚರಣೆ ಮುಂದುವರಿದಿದ್ದು, ಹೆಜ್ಬೊಲ್ಲಾ ಮತ್ತು ಇಸ್ರೇಲ್ ನಡುವಿನ ಸಂಘರ್ಷದಿಂದ ಸಾಕಷ್ಟು ಸಾವು-ನೋವುಗಳು ಸಂಭವಿಸುತ್ತಿವೆ.

ಇದರ ನಡುವೆ, ಇತ್ತೀಚೆಗೆ ಅಮೆರಿಕ ಇರಾನ್ ವಿರುದ್ಧದ ದಾಳಿಯನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಿ ಮಾತುಕತೆಗಳಿಗೆ ಅವಕಾಶ ನೀಡಿದೆ. ಇಸ್ರೇಲ್ ಕೂಡ ಈ ಕ್ರಮಕ್ಕೆ ಬೆಂಬಲ ನೀಡಿದ್ದು, ಪ್ರದೇಶದಲ್ಲಿ ಉದ್ವಿಗ್ನತೆ ತಗ್ಗಿಸಲು ಪ್ರಯತ್ನಗಳು ನಡೆಯುತ್ತಿವೆ. ಒಟ್ಟಿನಲ್ಲಿ, ಇರಾನ್ ವಿಚಾರದಲ್ಲಿ ಯುದ್ಧಕ್ಕಿಂತ ರಾಜತಾಂತ್ರಿಕ ಪರಿಹಾರಕ್ಕೆ ಅಮೆರಿಕ ಹೆಚ್ಚಿನ ಆದ್ಯತೆ ನೀಡಿದ ವಿಷಯವನ್ನು ಕೆರಿ ಬಹಿರಂಗಪಡಿಸಿರುವುದು ಅಂತಾರಾಷ್ಟ್ರೀಯ ರಾಜಕೀಯದಲ್ಲಿ ಚರ್ಚೆಗೆ ಗ್ರಾಸವಾಗಿದೆ,(ಏಜೆನ್ಸೀಸ್​).