ಕ್ಯಾಲಿಫೋರ್ನಿಯಾ: ಹಾಲಿವುಡ್ನ ಖ್ಯಾತ ನಿರ್ದೇಶಕ ರಾಬ್ ರೀನರ್ರ ಮಾದಕ ವ್ಯಸನಿ ಮಗ ನಿಕ್ ರೀನರ್, ಶನಿವಾರ ತಡರಾತ್ರಿ ಟಾಕ್ ಶೋ ನಿರೂಪಕ ಕಾನನ್ ಒ'ಬ್ರೇನ್ರ ಕ್ರಿಸ್ಮಸ್ ಪಾರ್ಟಿಯಲ್ಲಿ (Christmas party) ಭಾರಿ ಗಲಾಟೆ ನಡೆಸಿದ್ದಾರೆ ಎಂದು ಯುಎಸ್ ಮಾಧ್ಯಮಗಳು ವರದಿ ಮಾಡಿವೆ.
ರಾಬ್ ರೀನರ್ರ ಕೊಲೆಯಾದ ಹಿಂದಿನ ರಾತ್ರಿ (ಡಿ.13) ಕ್ರಿಸ್ಮಸ್ ಪಾರ್ಟಿಯಲ್ಲಿ ರಾಬ್ ರೀನರ್ ಮತ್ತು ಅವರ ಮಗ ನಿಕ್ ರೀನರ್ ನಡುವೆ ತೀವ್ರ ವಾಗ್ವಾದ ನಡೆಯಿತು ಎಂದು ಮೂಲಗಳು ತಿಳಿಸಿವೆ.
ರೀನರ್ ದಂಪತಿ ಶವವಾಗಿ ಪತ್ತೆಯಾಗುವ ಒಂದು ದಿನ ಮೊದಲು ಘಟನೆ ನಡೆದಿದೆ ಎನ್ನಲಾಗಿದ್ದು, ನಿಕ್ ಮಾದಕ ದ್ರವ್ಯಗಳನ್ನು ಸೇವಿಸಿ, ಪಾರ್ಟಿಯಲ್ಲಿ ಹುಚ್ಚನಂತೆ ವರ್ತಿಸುತ್ತಿದ್ದನು, ಜನರನ್ನು ಅನಾವಶ್ಯಕವಾಗಿ ಪ್ರಶ್ನಿಸುತ್ತಲೇ ಇದ್ದನು ಎಂದು ತಿಳಿದು ಬಂದಿದೆ.
ರೀನರ್ಸ್ ಅವರ ಮನೆಯ ಸಮೀಪ ವಾಸಿಸುವ ಅವರ ಕುಟುಂಬದ ಸ್ನೇಹಿತರೊಬ್ಬರು ದಿ ನ್ಯೂಯಾರ್ಕ್ ಪೋಸ್ಟ್ಗೆ ಮಾಹಿತಿಯನ್ನು ಹಂಚಿಕೊಂಡಿದ್ದು, ಕಾನನ್ ಅವರ ರಜಾ ಪಾರ್ಟಿಯಲ್ಲಿ ನಡೆದ ವಾದದ ನಂತರ, "ವೆನ್ ಹ್ಯಾರಿ ಮೆಟ್ ಸ್ಯಾಲಿ" ನಿರ್ದೇಶಕರ ಕುಟುಂಬವು ಬಹಳ ಭಯಭೀತರಾಗಿದ್ದರು. ಈ ಘಟನೆಯಿಂದ ಅವರ ಮಾನಸಿಕ ಸ್ಥಿತಿ ಹದಗೆಡುತ್ತದೆ ಎಂದು ಹೇಳಿದರು.
ನಿಕ್ ಮಾದಕ ದ್ರವ್ಯಗಳಿಂದ ದೂರವಿದ್ದನೆಂದು ಹೇಳಲಾಗುತ್ತಿತ್ತು. ಆದರೆ ಆತ ಅವುಗಳನ್ನು ಸೇವಿಸುತ್ತಿದ್ದ ಎಂಬ ಮಾತುಗಳು ಕೇಳಿಬಂದವು. ಆತ ಓಪಿಯೇಟ್ಗಳು ಮತ್ತು ಹೆರಾಯಿನ್ಗಳ ಸಂಯೋಜನೆಗೆ ಕೆಟ್ಟ ವ್ಯಸನಿಯಾಗಿದ್ದನು ಎಂದು ಸ್ಥಳೀಯರು ಗಮನ ಹರಿಸಿದ್ದಾರೆ.
ಕುಟುಂಬದ ಮತ್ತೊಬ್ಬ ಸ್ನೇಹಿತನ ಪ್ರಕಾರ, ಅವನಿಗೆ ಪುನರ್ವಸತಿ ಕೇಂದ್ರಕ್ಕೆ ಸೇರಿಸಬೇಕೆಂದು ಬಯಸಿದ್ದರು. ಆದರೆ, ಆತ ಮನೆಯಲ್ಲಿದ್ದಾಗ ಸಹಾಯ ಪಡೆಯಲು ಬಯಸಿದ್ದನು. ಅವನಿಗೆ ಸೌಲಭ್ಯದಲ್ಲಿ ಚಿಕಿತ್ಸೆ ಪಡೆಯಲು ಇಷ್ಟವಿರಲಿಲ್ಲ.
ರಾಬ್ ರೀನರ್ ಯಾರು?
ರಾಬ್ ರೀನರ್ 70 ರ ದಶಕದಲ್ಲಿ ಸಿಬಿಎಸ್ ಸಿಟ್ಕಾಮ್ ಆಲ್ ಇನ್ ದಿ ಫ್ಯಾಮಿಲಿಯಲ್ಲಿ ಮೈಕ್ "ಮೀಟ್ಹೆಡ್" ಸ್ಟಿವಿಕ್ ಆಗಿ ಖ್ಯಾತಿ ಗಳಿಸಿದರು. ಇವರು ಜನಪ್ರಿಯ ಹಾಲಿವುಡ್ ನಿರ್ದೇಶಕರಾಗಿದ್ದರು. ರೀನರ್ ಆಧುನಿಕ ಅಮೇರಿಕನ್ ಸಿನಿಮಾವನ್ನು ರೂಪಿಸುವಲ್ಲಿ ಅವರು ದೊಡ್ಡ ಪಾತ್ರ ವಹಿಸಿದ್ದಾರೆ. ರಾಬ್ ರೀನರ್ ಸ್ಟ್ಯಾಂಡ್ ಬೈ ಮಿ, ದಿ ಪ್ರಿನ್ಸೆಸ್ ಬ್ರೈಡ್ ಮತ್ತು ವೆನ್ ಹ್ಯಾರಿ ಮೆಟ್ ಸ್ಯಾಲಿನಂತಹ ಅನೇಕ ಚಿತ್ರಗಳನ್ನು ನಿರ್ದೇಶಿಸಿದ್ದಾರೆ.
ಇವರು ಸ್ಲೀಪ್ಲೆಸ್ ಇನ್ ಸಿಯಾಟಲ್, ಬುಲೆಟ್ಸ್ ಓವರ್ ಬ್ರಾಡ್ವೇ, ಇಡಿಟಿವಿ, ಎವ್ರಿವನ್ಸ್ ಹೀರೋ ಮತ್ತು ದಿ ವುಲ್ಫ್ ಆಫ್ ವಾಲ್ ಸ್ಟ್ರೀಟ್ ನಂತಹ ಸಿನಿಮಾಗಳಲ್ಲಿ ಕೆಲಸ ಮಾಡುವ ಮೂಲಕ ಚಿತ್ತರಂಗದಲ್ಲಿ ತಮ್ಮ ಛಾಪನ್ನು ಮೂಡಿಸಿದ್ದಾರೆ.
ರಾಬ್ ರೀನರ್ ವೆನ್ ಹ್ಯಾರಿ ಮೆಟ್ ಸ್ಯಾಲಿ ಚಿತ್ರೀಕರಣದ ಸಮಯದಲ್ಲಿ ಛಾಯಾಗ್ರಾಹಕಿ ಮೈಕಲ್ ಅವರನ್ನು ಭೇಟಿಯಾದರು. ನಂತರ ಪ್ರೀತಿಸಿ 1989 ರಲ್ಲಿ ವಿವಾಹವಾದರು. ಅವರು ಮೂರು ಮಕ್ಕಳನ್ನು ಹೊಂದಿದ್ದಾರೆ. ಪ್ರಸ್ತುತ ಇವರು ತಮ್ಮ ಬ್ರೆಂಟ್ವುಡ್ ಮನೆಯಲ್ಲಿ ವಾಸಿಸುತ್ತಿದ್ದರು (ಏಜೆನ್ಸೀಸ್).