Bali hotel theft Indian family
- ಬಾಲಿಯಲ್ಲಿ ಹೋಟೆಲ್ನ ವಸ್ತು ಕದ್ದು ಭಾರತದ ಮಾನ ಮರ್ಯಾದೆ ತೆಗೆದ ಪ್ರವಾಸಿಗರು
- ಚೆಕ್ಔಟ್ ಆಗುವ ಮುನ್ನ ಟವೆಲ್, ಸ್ಪೂನ್ ಸೇರಿದಂತೆ ಹಲವು ವಸ್ತು ಕಳ್ಳತನ
- ಇಂತ ಕೀಳು ಮಟ್ಟದ ಕೆಲಸ ಮಾಡೋಕೆ ಅಲ್ಲಿಗೆ ತೆರಳಿದ್ರ ಎಂದು ಕಿಡಿಕಾರಿದ ನೆಟ್ಟಿಗರು
Bali hotel theft Indian family: ವಿದೇಶ ಅಥವಾ ದೇಶದ ಯಾವುದೇ ಪ್ರವಾಸಿ (Travel)ತಾಣಕ್ಕೆ ತೆರಳಿದರೆ ಅಲ್ಲಿನ ನೆನಪಿಗಾಗಿ ಯಾವುದಾದರೂ ವಸ್ತು ಮತ್ತು ಫೋಟೋ ಶೂಟ್ ಮಾಡಿಕೊಂಡು ಬರಲಾಗುತ್ತದೆ. ಕುಟುಂಬಸ್ಥರಿಗೆ ನೆನಪಿನ ಕಾಣಿಕೆ ತರಲಾಗುತ್ತದೆ, ಆದರೆ, ಇಲ್ಲೊದು ಭಾರತೀಯ ಕುಟುಂಬವು ಅಲ್ಲಿರುವ ಟವಲ್, ಬಾಕ್ಸ್, ಸ್ಪೂನ್ಗಳನ್ನೇ ಕದ್ದು ತರಲು ಹೊರಟಿದ್ದ ವಿಡಿಯೋ ಸದ್ಯ ಆನ್ಲೈನ್ನಲ್ಲಿ ವೈರಲ್ ಆಗುತ್ತಿದ್ದು, ಇದು ನಾಚಿಕೆಗೇಡಿನ ಸಂಗತಿ ಎಂದು ನೆಟ್ಟಿಗರು ಕಿಡಿಕಾರಿದ್ದಾರೆ.
ಹೌದು, ಭಾರತದಿಂದ ಬಾಲಿಗೆ(Bali) ತೆರಳಿದ್ದ ಪ್ರವಾಸಿಗರು ಅಲ್ಲಿನ ರೆಸ್ಟೋರೆಂಟ್ನಲ್ಲಿ ಕಳ್ಳತನಕ್ಕೆ ಕೈ ಹಾಕಿ ಸಿಕ್ಕಿಬಿದ್ದ ಘಟನೆ ಬೆಳಕಿಗೆ ಬಂದಿದೆ. ಏಪ್ರಿಲ್ 19ರಂದು ಕೊಠಡಿಯಲ್ಲಿ ಕಾಣೆಯಾದ ವಸ್ತು ಬಗ್ಗೆ ಗಮನಕ್ಕೆ ಬಂದಾಗ ಚೆಕ್ ಔಟ್ ಆಗುತ್ತಿದ್ದ ಭಾರತೀಯರ ಬ್ಯಾಗ್ ಪರಿಶೀಲನೆ ನಡೆಸಿದ ಹಿನ್ನೆಲೆ, ಕಳ್ಳರ ಬಣ್ಣ ಬಯಲಾಗಿದೆ.
ಎಕ್ಸ್ನಲ್ಲಿ ವಿಡಿಯೋ ವೈರಲ್
ಈ ಬಗ್ಗೆ ತರುಣ್ ಗೌತಮ್ ಎಂಬುವವರು ಎಕ್ಸ್ನಲ್ಲಿ ಪೋಸ್ಟ್ ಹಂಚಿಕೊಂಡಿದ್ದಾರೆ. ಇದರಲ್ಲಿ ಬಾಲಿಯ ಹೋಟೆಲ್ ಸಿಬ್ಬಂದಿ ಪ್ರವಾಸಿಗರ ಟ್ರಾಲಿ ಬ್ಯಾಗ್ಗಳನ್ನು ಪರಿಶೀಲಿಸಿ, ಅದರಲ್ಲಿದ್ದ ದುಬಾರಿ ಟವೆಲ್, ಹೇರ್ ಡ್ರೈಯರ್, ಟಿವಿ ರಿಮೋಟ್ ಬಾಕ್ಸ್ನ್ನು ಪಕ್ಕಕ್ಕೆ ಇಟ್ಟಿರುವ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಭಾರತೀಯರ ವರ್ತನೆಗೆ ನೆಟ್ಟಿಗರು ಕಿಡಿಕಾರಿದ್ದಾರೆ.
ವಿಡಿಯೋ ಹಂಚಿಕೊಂಡಿರುವ ಗೌತಮ್ ಹೇಳಿದ್ದು ಹೀಗೆ, ಭಾರತೀಯ ಪ್ರವಾಸಿಗರು ಎಂದು ಬುದ್ಧಿ ಕಲಿಯೋದೆ ಇಲ್ಲ. ಇಂಡೋನೇಷ್ಯಾದ ಬಾಲಿಯಲ್ಲಿನ ಉಬುದ್ ಎಂಬಲ್ಲಿ ಭಾರತೀಯ ಪ್ರವಾಸಿಗರು ತಂಗಿದ್ದರು. ಇಲ್ಲಿನ ರೆಸ್ಟೋರೆಂಟ್ನಿಂದ ವಸ್ತುಗಳನ್ನು ಕದಿದ್ದಾರೆ. ಇದು ಸಿಬ್ಬಂದಿ ಗಮನಕ್ಕೆ ಬಂದು ಅವರು ಕದ್ದಿದ್ದ ವಸ್ತು ವಾಪಸ್ ಪಡೆದುಕೊಂಡಿದ್ದಾರೆ. ನೀವು ವಿದೇಶಕ್ಕೆ ಹೋಗಿ ಇಂತಹ ಚೀಪ್ ಕೆಲಸವನ್ನು ಯಾಕೆ ಮಾಡ್ತೀರಿ. ಇಂತಹ ವಿಚಾರ ಒಬ್ಬ ಭಾರತೀಯನಾಗಿ ನೋಡಲು ಮುಜುಗರವಾಗುತ್ತದೆ ಎಂದು ಬರೆದುಕೊಂಡಿದ್ದಾರೆ.
ಏನಿದು ಘಟನೆ?
ವಿಡಿಯೋದಲ್ಲಿರುವ ನಾಲ್ವರು ಭಾರತೀಯರು, ಕಳೆದ ಏಪ್ರಿಲ್ 12ರಂದು ಬಾಲಿಯ ಉಬುದ್ ಎಂಬಲ್ಲಿ ಉಳಿದುಕೊಂಡಿದ್ದರು. ಏಪ್ರೀಲ್ 19ರಂದು ಚೆಕ್ ಔಟ್ ಮಾಡುವ ವೇಳೆ. ರೂಮಿನಲ್ಲಿರುವ ವಸ್ತು ಕಾಣೆಯಾಗಿದೆ ಎಂದು ಹೋಟೆಲ್ ಸಿಬ್ಬಂದಿ ಗಮನಕ್ಕೆ ಬಂದಿದೆ.
ಅನುಮಾನಗೊಂಡ ಸಿಬ್ಬಂದಿ ಸಪ್ರವಾಸಿಗರ ಟ್ರಾಲಿ ಬ್ಯಾಗ್ ಪತಿಶೀಲನೆ ನಡೆಸಿದರು. ಮೊದಲು ಕಳ್ಳರು ಬ್ಯಾಗ್ಗಳನ್ನು ತೋರಿಸಲು ಹಿಂದೇಟು ಹಾಕಿದರು. ಆದರೂ ಪಟ್ಟು ಬಿಡದ ಸಿಬ್ಬಂದಿ, ಬ್ಯಾಗ್ ತೆಗೆದು ನೋಡಿದಾಗ ಹೋಟೆಲ್ನ ಸೌಂದರ್ಯವರ್ಧಕಗಳು ಮಾತ್ರವಲ್ಲದೆ, ಹೇರ್ ಡ್ರೈಯರ್, ಬೆಲೆಬಾಳುವ ಟವೆಲ್ಗಳು, ಊಟದ ಪಾತ್ರೆಗಳು ಹಾಗೂ ಟಿವಿ ರಿಮೋಟ್ ಬಾಕ್ಸ್ ಕದ್ದೊಯ್ಯುತ್ತಿರುವುದು ಬೆಳಕಿಗೆ ಬಂದಿದೆ.
ಪೊಲೀಸರು ಏನಂದ್ರು?
ಕಳ್ಳತನದ ವಸ್ತು ವಾಪಸ್ ಹೋಟೆಲ್ ಮಾಲೀಕರಿಗೆ ಹಿಂತಿರುಗಿಸಿದ್ದಾರೆ. ಇಬ್ಬರು ಒಂದು ಮಾತುಕತೆಗೆ ಬಂದು ಕೇಸ್ ಇತ್ಯರ್ಥಗೊಳಿಸಿಕೊಂಡಿದ್ದಾರೆ. ಹೀಗಾಗಿ ಹೆಚ್ಚೇನು ದೂರು ಕೊಟ್ಟಿಲ್ಲ ಎಂದು ಗಿಯಾನ್ ಯಾರ್ ಪೊಲೀಸ್ ವಕ್ತಾರ ಇಪ್ಟು ಐ ಗುಸ್ತಿ ನ್ಗುರಾ ಸುವಾರ್ದಿತಾ ಹೇಳಿದ್ದಾರೆ, (ಏಜೆನ್ಸೀಸ್).