ಡೊನಾಲ್ಡ್ ಟ್ರಂಪ್(ಎಡ), ಅಯತೊಲ್ಲಾ ಖಮೇನಿ(ಬಲ)
- ಅಮೆರಿಕ ಹಾಗೂ ಇಸ್ರೇಲ್ ನಡೆಸಿದ ಜಂಟಿ ಕ್ಷಿಪಣಿ ದಾಳಿ
- ಇರಾನಿನ ಸರ್ವೋಚ್ಚ ನಾಯಕ ಅಯತೊಲ್ಲಾ ಖಮೇನಿ ಹತ್ಯೆ
- ನನ್ನ ಕೊಲ್ಲಲು 2 ಬಾರಿ ಸಂಚು ರೂಪಿಸಿದ್ದ ಎಂದ ಟ್ರಂಪ್
Ayatollah Khamenei: ಅಮೆರಿಕ ಹಾಗೂ ಇಸ್ರೇಲ್ ನಡೆಸಿದ ಜಂಟಿ ಕ್ಷಿಪಣಿ ದಾಳಿಯಲ್ಲಿ ಇರಾನಿನ ಸರ್ವೋಚ್ಚ ನಾಯಕ ಅಯತೊಲ್ಲಾ ಖಮೇನಿ ಹತ್ಯೆಯಾಗಿರುವುದಾಗಿ ಇದೀಗ ಅಧಿಕೃತವಾಗಿದೆ. ಸ್ವತಃ ಯುಎಸ್ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಈ ಕುರಿತು ಘೋಷಿಸಿದ್ದು, ಟ್ರಂಪ್ ಮಾತ್ರವಲ್ಲದೆ, ಇರಾನ್ ಮಾಧ್ಯಮಗಳು ಕೂಡ ಖಮೇನಿ ಸಾವನ್ನು ಖಚಿತಪಡಿಸಿವೆ. ತಮ್ಮ ನಾಯಕನನ್ನು ಕಳೆದುಕೊಂಡ ದುಃಖದಲ್ಲಿ ಇರಾನ್ ಶೋಕಾಚರಣೆಯಲ್ಲಿ ತೊಡಗಿದ್ದರೆ, ಅತ್ತ ಟ್ರಂಪ್ಗೆ ಎಲ್ಲಿಲ್ಲದ ಆನಂದ.
2 ಬಾರಿ ಸಂಚು ರೂಪಿಸಿದ್ದ
ಖಮೇನಿ ಮೃತಪಟ್ಟ ಎರಡು ದಿನಗಳ ಬಳಿಕ ಸ್ಫೋಟಕ ಸತ್ಯ ಬಿಚ್ಚಿಟ್ಟಿರುವ ಡೊನಾಲ್ಡ್ ಟ್ರಂಪ್, ಇರಾನ್ನ ಸುಪ್ರೀಂ ಲೀಡರ್ ನನ್ನ ಕೊಲ್ಲಲು ಎರಡು ಬಾರಿ ಸಂಚು ರೂಪಿಸಿದ್ದ. ಆದ್ರೆ, ಅವನಿಗಿಂತ ಮೊದಲೇ ನಾನು ಆತನನ್ನು ಮುಗಿಸಿರುವೆ ಎಂದು ಹೇಳಿದ್ದಾಗಿ ಎಬಿಸಿ ನ್ಯೂಸ್ ತನ್ನ ವರದಿಯಲ್ಲಿ ಉಲ್ಲೇಖಿಸಿದೆ. ಅಸಲಿಗೆ, ಈ ವಿಷಯವನ್ನು ಟ್ರಂಪ್, ಎಬಿಸಿ ನ್ಯೂಸ್ನ ಪ್ರಮುಖ ವಾಷಿಂಗ್ಟನ್ ವರದಿಗಾರ ಜೊನಾಥನ್ ಕಾರ್ಲ್ ಅವರೊಂದಿಗೆ ದೂರವಾಣಿ ಕರೆಯಲ್ಲಿ ತಿಳಿಸಿದ್ದಾರೆ ಎನ್ನಲಾಗಿದೆ.
ಈ ಬಗ್ಗೆ ತಮ್ಮ ಎಕ್ಸ್ (ಪ್ರಸ್ತುತ ಟ್ವಿಟರ್) ಖಾತೆಯಲ್ಲಿ ಬರೆದುಕೊಂಡಿರುವ ಕಾರ್ಲ್, ಅಧ್ಯಕ್ಷ ಟ್ರಂಪ್ ನನಗೆ ಖಮೇನಿ ಸಾವಿನ ಬಗ್ಗೆ ಮಾಹಿತಿ ಹಂಚಿಕೊಂಡರು. ಇರಾನ್ ಸುಪ್ರೀಂ ಲೀಡರ್ ಸಂಚಿಗೆ ಬಲಿಯಾಗುವ ಮೊದಲೇ ಆತನನ್ನು ನಾನು ಹತ್ಯೆಗೈದಿರುವೆ. 2024ರಲ್ಲೇ ಎರಡು ಬಾರಿ ನನ್ನನ್ನು ಮುಗಿಸಲು ಸಂಚು ರೂಪಿಸಿದ್ದ ಎಂದಿದ್ದಾರೆ.
ಟ್ರೂತ್ ಸೋಷಿಯಲ್ನಲ್ಲಿ ಟ್ರಂಪ್ ಹೇಳಿದ್ದೇನು?
"ಇದು ಇರಾನ್ನ ಜನರಿಗೆ ಮಾತ್ರವಲ್ಲ, ಎಲ್ಲಾ ಮಹಾನ್ ಅಮೆರಿಕನ್ನರಿಗೆ ಮತ್ತು ಖಮೇನಿ ಹಾಗೂ ಆತನ ರಕ್ತಪಿಪಾಸು ಗುಂಪಿನಿಂದ ಹತ್ಯೆಗೀಡಾದ ಜನರಿಗೆ ನ್ಯಾಯ ಸಿಕ್ಕಂತಾಗಿದೆ. ಅವರು ನಮ್ಮ ಗುಪ್ತಚರ ಮತ್ತು ಅತ್ಯಾಧುನಿಕ ಟ್ರ್ಯಾಕಿಂಗ್ ವ್ಯವಸ್ಥೆಗಳಿಂದ ತಪ್ಪಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಇದು ಇರಾನ್ ಜನತೆಗೆ ತಮ್ಮ ದೇಶವನ್ನು ಹಿಂಪಡೆಯಲು ಸರಿಯಾದ ಸಮಯ ಎಂದರು,(ಏಜೆನ್ಸೀಸ್).