ಕಾಡ್ಗಿಚ್ಚಿನ ನಡುವೆ ಅಗ್ನಿಶಾಮಕ ಸಿಬ್ಬಂದಿಗೆ ದಾರಿ ದೀಪವಾದ ಮೇಕೆ! ವಿಶ್ವದಾದ್ಯಂತ ವೈರಲ್ ಆಯ್ತು ಗೋಲ್ಡಿಯ ಅಪ್ರತಿಮ ಸಾಹಸಗಾಥೆ.. Goldie The Goat

ಸ್ಥಳೀಯ ಮಾಧ್ಯಮವಾದ ದಿ ಡೆನ್ವರ್ ಪೋಸ್ಟ್ ವರದಿಯ ಪ್ರಕಾರ, ಚೆಯೆನ್ನೆ ಮೌಂಟೇನ್ ಸ್ಟೇಟ್ ಪಾರ್ಕ್‌ನ ಪಶ್ಚಿಮ ಭಾಗದ ಪರ್ವತ ಪ್ರದೇಶದಲ್ಲಿ ಬುಧವಾರ ಮುಂಜಾನೆ ಮಿಂಚಿನ ಹೊಡೆತದಿಂದಾಗಿ ಭಾರೀ ಕಾಡ್ಗಿಚ್ಚು ಕಾಣಿಸಿಕೊಂಡಿತ್ತು.

ಸದರ್ನ್ ಕೊಲೊರಾಡೋ ಇಂಟರ್ ಏಜೆನ್ಸಿ ವೈಲ್ಡ್‌ಲ್ಯಾಂಡ್ ಫೈರ್ ಟೀಮ್‌ನ ಸೂಪರಿಂಟೆಂಡೆಂಟ್ ಶೇನ್ ಕಾಯ್ನ್ ಅವರ ಪ್ರಕಾರ, ಈ ಬೆಂಕಿಯು ಸುಮಾರು ಐದು ಎಕರೆ ಪ್ರದೇಶಕ್ಕೆ ಶೀಘ್ರವಾಗಿ ಹರಡಿತ್ತು. ಕಡಿದಾದ ಬೆಟ್ಟಗಳು ಮತ್ತು ದಟ್ಟವಾದ ಪೊದೆಗಳಿಂದ ಕೂಡಿದ ಈ ಪ್ರದೇಶಕ್ಕೆ ತಲುಪುವುದು ಅಗ್ನಿಶಾಮಕ ಸಿಬ್ಬಂದಿಗೆ ಅತ್ಯಂತ ಸವಾಲಿನ ಕೆಲಸವಾಗಿತ್ತು. ಅಗ್ನಿಶಾಮಕ ಸಿಬ್ಬಂದಿ ಬೆಟ್ಟ ಹತ್ತಿ, ಬೆಂಕಿಯ ಸುತ್ತಲೂ ತಡೆಗೋಡೆ  ನಿರ್ಮಿಸಿದರು ಮತ್ತು ಹೆಲಿಕಾಪ್ಟರ್ ಮೂಲಕ ಜ್ವಾಲೆಯ ಮೇಲೆ ನೀರನ್ನು ಸುರಿಯಲಾಯಿತು.

ಪರ್ವತದ ಕಡಿದಾದ ಹಾದಿಯಲ್ಲಿ ಸಿಬ್ಬಂದಿಗೆ ಚಲಿಸಲು ಕಷ್ಟವಾಗುತ್ತಿದ್ದಾಗ ಗೋಲ್ಡಿ ಬೆಟ್ಟದ ಮೇಲಕ್ಕೆ ಚಲಿಸಬಲ್ಲ ಅತ್ಯುತ್ತಮ ಮಾರ್ಗವನ್ನು ಪತ್ತೆಹಚ್ಚಿ ಜೋರಾಗಿ ಕೂಗುವ  ಮೂಲಕ ಸಿಬ್ಬಂದಿ ತನ್ನನ್ನು ಹಿಂಬಾಲಿಸುವಂತೆ ಪ್ರೋತ್ಸಾಹಿಸಿದಳು.

ಆದಾಗ್ಯೂ, ಬೆಂಕಿ ಮತ್ತಷ್ಟು ಹರಡದಂತೆ ತಡೆಯಲು ಸಿಬ್ಬಂದಿ ಸಸ್ಯ ರಾಶಿಯನ್ನು ಕತ್ತರಿಸುವಾಗ, ಗೋಲ್ಡಿ ಕೂಡ ಅವರ ಜೊತೆಯಲ್ಲೇ ಇದ್ದು ಒಣ ಪೊದೆಗಳನ್ನು ತಿನ್ನುವ ಮೂಲಕ ಜಾಗವನ್ನು ಸ್ವಚ್ಛಗೊಳಿಸಲು ಸಹಾಯ ಮಾಡಿದೆ.

ಕೊಲೊರಾಡೋ ಸ್ಪ್ರಿಂಗ್ಸ್ ಅಗ್ನಿಶಾಮಕ ಇಲಾಖೆಯ ಸಿಬ್ಬಂದಿಯೊಬ್ಬರು ಗೋಲ್ಡಿ ಮಾರ್ಗದರ್ಶನದಿಂದ ಪ್ರಭಾವಿತರಾಗಿ, ಮೇಕೆಯ ವಿಡಿಯೋವೊಂದನ್ನು ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ ಹಂಚಿಕೊಂಡು ಪ್ರತಿಯೊಂದು ತಂಡಕ್ಕೂ ಒಬ್ಬ ಉತ್ತಮ ನಾಯಕನ ಅಗತ್ಯವಿರುತ್ತದೆ. ಆದರೆ ನಮ್ಮ ತಂಡದ ಇಂದಿನ ನಾಯಕನಿಗೆ ನಾಲ್ಕು ಕಾಲುಗಳಿವೆ ಎಂದು ಶ್ಲಾಘಿಸಿದೆ. ಅಲ್ಲದೆ, ಅವಳಿಗೆ ಪೊಲೀಸ್ ಬ್ಯಾಡ್ಜ್ ನೀಡಲು ನಾವು ಸಿದ್ಧರಿಲ್ಲ ಎಂದು ಹೇಳಲಾಗುವುದಿಲ್ಲ ಎಂದು ತಮಾಷೆಯಾಗಿ ಬರೆದುಕೊಂಡಿದೆ.

ಬುಧವಾರ ಹೆಚ್ಚಿನ ಅಗ್ನಿಶಾಮಕ ಸಿಬ್ಬಂದಿ ಆಗಮಿಸುತ್ತಿದ್ದಂತೆ, ಗೋಲ್ಡಿ ಬಗ್ಗೆ ಎಲ್ಲೆಡೆ ಮಾತುಗಳು ಕೇಳಲು ಆರಂಭಿಸಿದರು. ಶೇನ್ ಕಾಯ್ನ್ ಅವರ ತಂಡವು ಆ ದಿನ ಬೆಳಿಗ್ಗೆ ಕೊನೆಯದಾಗಿ ಸ್ಥಳಕ್ಕೆ ತಲುಪಿದಾಗ, ಸುಟ್ಟ ಮೈದಾನದ ಮೊದಲ ಪ್ರದೇಶವನ್ನು ತಲುಪಿದ ತಕ್ಷಣವೇ ಗೋಲ್ಡಿ ಪ್ರತ್ಯಕ್ಷವಾಯಿತು. ಆ ಮೇಕೆ ತಕ್ಷಣವೇ ಬೆಂಕಿಯ ಕಡೆಗೆ ಚಲಿಸಲು ಪ್ರಾರಂಭಿಸಿತು ಮತ್ತು ಅವಳಿಗೆ ಆ ಪ್ರದೇಶದ ಸಂಪೂರ್ಣ ಜ್ಞಾನವಿತ್ತು ಹಾಗೂ ತನ್ನ ಜವಾಬ್ದಾರಿ ಏನು ಎಂಬುದು ತಿಳಿದಿರುವಂತೆ ತೋರುತ್ತಿತ್ತು.

ಸಿಬ್ಬಂದಿ ಸುಮಾರು ಮೂರು ಗಂಟೆಗಳ ಕಾಲ ಬೆಂಕಿ ತಡೆಯಲು ಮರಗಳನ್ನು ಕತ್ತರಿಸಿ ಕಾರ್ಯಾಚರಣೆ ನಡೆಸಿದರು. ಕೆಲಸ ಮುಗಿದು ಬೆಟ್ಟದಿಂದ ಕೆಳಗೆ ಇಳಿಯುವಾಗ ಕಡಿದಾದ ಭೂಪ್ರದೇಶದ ಕಾರಣ ಸಿಬ್ಬಂದಿ ತಮ್ಮ ಉಪಕರಣಗಳನ್ನು ಭದ್ರಪಡಿಸಿಕೊಳ್ಳಲು ನಿಂತರು. ಆ ಸಮಯದಲ್ಲೂ ಗೋಲ್ಡಿ ಮತ್ತೆ ಅವರ ಬಳಿ ಬಂದು ಕೂಗಲಾರಂಭಿಸಿದಳು. ಅವಳು ಹಿಂದಕ್ಕೆ ತಿರುಗಿ ನೋಡುತ್ತಾ, ತನಗೆ ದಾರಿ ತಿಳಿದಿದೆ ಮತ್ತು ತನ್ನನ್ನು ಹಿಂಬಾಲಿಸುವಂತೆ ಸನ್ನೆ ಮಾಡುತ್ತಿದ್ದಳು ಎಂದು ಕಾಯ್ನ್ ತಿಳಿಸಿದರು. 

ಕಾಡ್ಗಿಚ್ಚು ನಿಯಂತ್ರಣಕ್ಕೆ ಬಂದ ನಂತರ ಗೋಲ್ಡಿ ಅಗ್ನಿಶಾಮಕ ದಳದವರನ್ನು ಸುಮಾರು ಮುಕ್ಕಾಲು ಮೈಲಿ ದೂರದಲ್ಲಿರುವ ತನ್ನ ಮಾಲೀಕರ ಮನೆಗೆ ಕರೆದುಕೊಂಡು ಹೋಯಿತು. ಆದಾಗ್ಯೂ, ಕಾರ್ಯಾಚರಣೆಯ ವೇಳೆ ತುಂಬಾ ದಣಿದ್ದಿದ್ದರಿಂದ ಮೇಕೆಯ ಹೆಸರನ್ನು ಕೇಳಲು ಮರೆತಿದ್ದೆ. ಆದರೆ, ಗುರುವಾರ ತನಿಖೆ ನಡೆಸಿದಾಗ ಗೋಲ್ಡಿ ಎಂದು ತಿಳಿದುಬಂದಿತು ಎಂದು ಶೇನ್ ಕಾಯ್ನ್  ತಿಳಿಸಿದರು (ಏಜೆನ್ಸೀಸ್​).