ಬಿಬಿಎಲ್ ಇತಿಹಾಸದಲ್ಲೇ ಮೊದಲು: ರಿಜ್ವಾನ್ ಆಟಕ್ಕೆ ಬೇಸತ್ತು ಪೆವಿಲಿಯನ್‌ಗೆ ಕರೆಸಿಕೊಂಡ ರೆನೆಗೇಡ್ಸ್ ನಾಯಕ | Mohammad Rizwan

ಈ ಘಟನೆಯು ಮೊದಲ ಇನ್ನಿಂಗ್ಸ್‌ನ 18 ನೇ ಓವರ್‌ನಲ್ಲಿ ಸಂಭವಿಸಿದೆ. ತಮ್ಮ ಬ್ಯಾಟಿಂಗ್​ ಉದ್ದಕ್ಕೂ ರನ್​ಗಳಿಸಲು ಹೆಣಗಾಡುತ್ತಿದ್ದ ರಿಜ್ವಾನ್ 23 ಎಸೆತಗಳಲ್ಲಿ 26 ರನ್ ಗಳಿಸಿದ್ದರು. ಕೊನೆಯ ಓವರ್​ಗಳಲ್ಲಿ ಸ್ಪೋಟಕ ಹೊಡೆತಗಳು ಆಗತ್ಯವಿದ್ದಾಗ ರೆನೆಗೇಡ್ಸ್ ನಾಯಕ ವಿಲ್ ಸದರ್ಲ್ಯಾಂಡ್ ಡಗೌಟ್‌ನಿಂದ ಉದ್ರಿಕ್ತವಾಗಿ ಕೈ ಬೀಸುತ್ತಾ, ರಿಜ್ವಾನ್‌ಗೆ ಪೆವಿಲಿಯನ್‌ಗೆ ಮರಳುವಂತೆ ಸೂಚಿಸಿದರು.

ಈ ನಿರ್ಧಾರವು ಸಾಮಾಜಿಕ ಮಾಧ್ಯಮದಲ್ಲಿ ಬಿರುಗಾಳಿ ಎಬ್ಬಿಸಿದ್ದು, ಕೆಲವು ವಿಶ್ಲೇಷಕರು ರೆನೆಗೇಡ್ಸ್ ತಂಡದ ಕ್ಲಿನಿಕಲ್, ಮನಿಬಾಲ್ ವಿಧಾನವನ್ನು ಶ್ಲಾಘಿಸಿದರೆ, ಪಾಕಿಸ್ತಾನದ ಅನುಭವಿ ಆಟಗಾರನ ಅಭಿಮಾನಿಗಳು ಆಕ್ರೋಶಗೊಂಡಿದ್ದಾರೆ. ಎಕ್ಸ್​ನಲ್ಲಿ ವೈರಲ್ ಆದ ಒಂದು ಪೋಸ್ಟ್ ಈ ನಡೆಯನ್ನು ಅಂತಾರಾಷ್ಟ್ರೀಯ ಅವಮಾನ ಎಂದು ಕರೆದಿದೆ. ರಿಜ್ವಾನ್ ಅವರಂತಹ ಆಟಗಾರನನ್ನು ನಿಧಾನಗತಿಯ ಬ್ಯಾಟಿಂಗ್​ಗಾಗಿ ಸಾರ್ವಜನಿಕವಾಗಿ ಮೈದಾನದಿಂದ ಹೊರಹಾಕುವುದ ಅವಮಾನ ಎಂದು ಪಾಕ್​ ಅಭಿಮಾನಿಗಳು ಆಕ್ರೋಶ ಹೊರಹಾಕಿದ್ದಾರೆ.

ಈ ಔಟಾಗುವಿಕೆಯಿಂದ ರಿಜ್ವಾನ್ ಬಿಬಿಎಲ್‌ನ ಕಳಪೆ ಋತುವಿಗೆ ಅಂತ್ಯ ಹಾಡಿದ್ದಾರೆ. ಎಂಟು ಪಂದ್ಯಗಳಲ್ಲಿ ಕೇವಲ 100 ಸ್ಟ್ರೈಕ್ ರೇಟ್‌ನಲ್ಲಿ ಕೇವಲ 167 ರನ್‌ಗಳನ್ನು ಮಾತ್ರ ಗಳಿಸಿದ್ದಾರೆ,(ಏಜೆನ್ಸೀಸ್).