ನೇಪಾಳ ಪ್ರವಾಹಕ್ಕೂ ಮುನ್ನ ದೃಶ್ಯ ಡ್ರೋನ್ನಲ್ಲಿ ಸೆರೆ
- ನೇಪಾಳದಲ್ಲಿ ಸಂಭವಿಸಿದ ಹಠಾತ್ ಜಲಪ್ರಳಯಕ್ಕೆ ಕನಿಷ್ಠ 919 ಮಂದಿ ದುರಂತ ಸಾವು
- ರಕ್ಕಸ ಪ್ರವಾಹಕ್ಕೂ ಮೊದಲು ಹಿಮಪತ ಕುಸಿದ ದೃಶ್ಯ ಡ್ರೋನ್ ಕ್ಯಾಮರಾದಲ್ಲಿ ಅಕಸ್ಮಾತ್ ಆಗಿ ಸೆರೆ
ಕಾಠ್ಮಂಡು: ನೇಪಾಳ ಮತ್ತು ಟಿಬೆಟ್ ಗಡಿಯಲ್ಲಿ ಸಂಭವಿಸಿದ ರಣ ಭೀಕರ ಪ್ರವಾಹಕ್ಕೆ 900ಕ್ಕೂ ಹೆಚ್ಚು ಮಂದಿ ದಾರುಣವಾಗಿ ಸಾವಿಗೀಡಾದರೆ, ಸಾವಿರಾರು ಮಂದಿ ನಾಪತ್ತೆಯಾಗಿದ್ದಾರೆ. ಇಂತಹ ಘೋರ ದುರಂತಕ್ಕೆ ಕಾರಣವಾದ ಹಿಮನದಿ ಕುಸಿತದ ನೈಜ ದೃಶ್ಯಗಳು ಇದೀಗ ಡ್ರೋನ್ ಕ್ಯಾಮರಾದಲ್ಲಿ ಸೆರೆಯಾಗಿರುವುದು ನಿಜಕ್ಕೂ ಅಚ್ಚರಿ ಮೂಡಿಸಿದೆ.
ಚೀನಾ ಮೂಲದ ಛಾಯಾಗ್ರಾಹಕರೊಬ್ಬರು ಸೆರೆಹಿಡಿದಿರುವ ಈ ವಿಡಿಯೋದಲ್ಲಿ, ಅಕಸ್ಮಾತ್ ಆಗಿ ಸಮುದ್ರ ಮಟ್ಟದಿಂದ 7,200 ಮೀಟರ್ಗೂ ಹೆಚ್ಚು ಎತ್ತರದಲ್ಲಿರುವ ಲಂಗ್ಟಾಂಗ್ ಲಿರುಂಗ್ ಶಿಖರದ ಇಳಿಜಾರಿನಿಂದ ಬೃಹತ್ ಹಿಮ ಮತ್ತು ಬಂಡೆಗಳ ಭಾಗ ಹಠಾತ್ತನೆ ಕುಸಿದು ಬೀಳುವ ದೃಶ್ಯ ಕ್ಲಿಯರ್ ಆಗಿ ರೆಕಾರ್ಡ್ ಆಗಿದೆ. ರಕ್ಕಸ ಪ್ರವಾಹ ಸೃಷ್ಟಿಯಾಗುವ ಮೊದಲು ಸಂಭವಿಸಿದ ಘಟನೆ ಡ್ರೋನ್ ಕ್ಯಾಮರಾದಲ್ಲಿ ಸೆರೆಯಾಗಿರುವುದು ನಿಜಕ್ಕೂ ಮೈಜುಮ್ ಎನ್ನುವಂತಿದೆ.
ಆಗಸ್ಟ್ 26ರಂದು ಸಂಭವಿಸಿದ ಈ ದುರಂತದಲ್ಲಿ, ಸುಮಾರು 1,200 ಮೀಟರ್ ಆಳಕ್ಕೆ ಕಲ್ಲು, ಹಿಮ, ಕೆಸರು ಹಾಗೂ ತ್ಯಾಜ್ಯಗಳ ರಾಶಿ ಅಪ್ಪಳಿಸಿ ಭೋಟೇಕೋಶಿ ಮತ್ತು ತ್ರಿಶೂಲಿ ನದಿಗಳಲ್ಲಿ ಭೀಕರ ಪ್ರವಾಹ ಸೃಷ್ಟಿಸಿತು. ಈ ಭೀಕರ ಪ್ರಕೃತಿ ವಿಕೋಪಕ್ಕೆ ನೇಪಾಳದಲ್ಲಿ 903 ಹಾಗೂ ಟಿಬೆಟ್ನಲ್ಲಿ 16 ಸೇರಿದಂತೆ ಒಟ್ಟು 919 ಜನರು ಮೃತಪಟ್ಟಿದ್ದಾರೆ. ಇನ್ನೂ 3,000ಕ್ಕೂ ಹೆಚ್ಚು ಮಂದಿ ನಾಪತ್ತೆಯಾಗಿದ್ದು, ಅವರ ಸುಳಿವಿಗೆ ಶೋಧ ಕಾರ್ಯಾಚರಣೆ ತೀವ್ರಗೊಂಡಿದೆ.