ಪಾಕಿಸ್ತಾನದಿಂದ ಬೇರ್ಪಟ್ಟು ಸ್ವತಂತ್ರ ಘೋಷಿಸಿಕೊಂಡ ಬಲೂಚಿಸ್ತಾನ?
- ಪಾಕಿಸ್ತಾನದಿಂದ ಬೇರ್ಪಟ್ಟು ಸ್ವತಂತ್ರ ಘೋಷಿಸಿಕೊಂಡ ಬಲೂಚಿಸ್ತಾನ
- ಆಗಸ್ಟ್ 11 ರಂದು ಸ್ವಾತಂತ್ರ್ಯ ದಿನಾಚರಣೆ ಆಚರಿಸಲು ರೆಬಲ್ ಪಡೆ ನಿರ್ಧಾರ
ಬಲೂಚಿಸ್ತಾನ: ಕಳೆದೊಂದು ತಿಂಗಳಿನಿಂದ ಪಾಕಿಸ್ತಾನದ ಜೊತೆ ಕಾದಾಡುತ್ತಿರುವ ಬಲೂಚ್ ಪ್ರಾಂತ್ಯ, ತಾವು ಪಾಕಿಸ್ತಾನದಿಂದ ಸ್ವತಂತ್ರರಾಗಿದ್ದೆವೆಂದು ಘೋಷಿಸಿದ್ದು, ಆಗಸ್ಟ್ 11 ರಂದು ತಮ್ಮ ಸ್ವಾತಂತ್ರ್ಯ ದಿನಾಚರಣೆ (Balochistan Announce Independence Day) ಯಾಗಲಿದೆ ಎಂದು ತಿಳಿಸಿದೆ.
1947 ರಿಂದ ಇಲ್ಲಿವರೆಗೆ ಪಾಕಿಸ್ತಾನ ಹಾಗೂ ಇಸ್ಲಾಮಾಬಾದ್ ಆಡಳಿತ ಬಲೂಚ್ಗಳನ್ನು ಎರಡನೇ ದರ್ಜೆಯ ನಾಗರಿಕರೆಂಬಂತೆ ನಡೆಸಿಕೊಂಡಿದೆ, ಹೀಗಾಗಿ ನಾವು ಪಾಕಿಸ್ತಾನದಿಂದ ಸ್ವಾತಂತ್ರವನ್ನು ಪಡೆದುಕೊಂಡಿದ್ದು, ನಮ್ಮ ಪ್ರಾಂತದಲ್ಲಿ ಸ್ವಂತ ಆಡಳಿತ ನಡೆಸುವುದಾಗಿ ತಿಳಿಸಿದ್ದಾರೆ.
ಆಗಸ್ಟ್ 11 ರ ಆಯ್ಕೆ ಏಕೆ?
ಪಾಕಿಸ್ತಾನದ ಆಡಳಿತ ಹಾಗೂ ನಿಯಮ ಇನ್ಮುಂದೆ ನಮ್ಮಲ್ಲಿ ನಡೆಯುದಿಲ್ಲ ಎಂದಿರುವ ಬಲೂಚ್ ಜನ ಆಗಸ್ಟ್ 11 ನ್ನು ತಮ್ಮ ಸ್ವಾತಂತ್ರ ಪಡೆದ ದಿನವಾಗಿ ಆಯ್ಕೆ ಮಾಡಿಕೊಂಡಿದ್ದಾರೆ. ಆಗಸ್ಟ್ 14 ರಂದು ಪಾಕಿಸ್ತಾನದ ಸ್ವಾತಂತ್ರ ದಿನವಾದರೆ, ಆಗಸ್ಟ್ 15 ಭಾರತದ ಸ್ವಾತಂತ್ರ ದಿನವಾಗಿದೆ.
ಈ ಬಲೂಚ್ಗಳು ಆಗಸ್ಟ್ 11 ನ್ನೇ ಏಕೆ ಆಯ್ಕೆ ಮಾಡಿಕೊಂಡಿದ್ದಾರೆಂಬ ಪ್ರಶ್ನೆ ಇತಿಹಾಸದಲ್ಲಿ ಉತ್ತರ ದೊರೆಯಲಿದೆ. 1947 ಕ್ಕೂ ಪೂರ್ವದಲ್ಲಿ ಈ ಬಲೂಚ್ ಪ್ರಾಂತ್ಯವನ್ನು ಭಾರತ, ಪಾಕ್ ಅಥವಾ ಬ್ರಿಟಿಷರು ಆಳುತ್ತಿರಲಿಲ್ಲ. ಬದಲಿಗೆ ಬ್ರಿಟಿಷರ ಖಾನ್ ಆಫ್ ಖಲತ್ ಆಗಿ ಮೀರ್ ಅಹ್ಮದ್ ಯಾರ್ ಖಾನ್ ಎಂಬ ರಾಜ ಆಳುತ್ತಿದ್ದನು.
1947 ರಲ್ಲಿ ಭಾರತ ಇಬ್ಭಾಗವಾಗಿ ಪಾಕಿಸ್ತಾನ ಜನ್ಮತಾಳಿದಾಗ, ಪಾಕಿಸ್ತಾನದ ಅಧಿಕಾರಿಗಳು ಈ ಖಾನ್ ಆಫ್ ಖಲತ್ನನ್ನು ಬೇಟಿಯಾಗಿ ಪಾಕಿಸ್ತಾನವನ್ನು ಸೇರುವಂತೆ ಕೇಳಿಕೊಂಡರು. ಆರಂಭದಲ್ಲಿ ಬಲೂಚ್ ಪ್ರತ್ಯೇಕ ಪ್ರಾಂತ್ಯವಾಗಿ ಮುಂದುವರಿಯಲಿದೆ ಎಂದ ಖಾನ್, ನಂತರ ಬಲೂಚ್ಗೆ ವಿಶೇಷ ಸ್ಥಾನಮಾನ ನೀಡಿದರೆ ಮಾತ್ರ ಪಾಕ್ ಜೊತೆ ನಿಲ್ಲುವುದಾಗಿ ಹೇಳಿದ್ದನು.
ಅದರೆ ಪಾಕಿಸ್ತಾನದ ಜೊತೆ ಸೇರಿದ ನಂತರ, ಬಲೂಚಿಸ್ತಾನಕ್ಕೆ ಯಾವುದೇ ವಿಶೇಷ ಸ್ಥಾನಮಾನ ದೊರೆಯದೇ ಹೋಗಿದ್ದು, ಅಲ್ಲಿನ ಜನರ ಕೋಪಕ್ಕೆ ಕಾರಣವಾಯಿತು. ಆಗಸ್ಟ್ 11, 1947 ರಂದು ಪಾಕಿಸ್ತಾನದ ಜೊತೆ ನಾವು ಸೇರಲ್ಲ, ನಾವು ಪ್ರತ್ಯೇಕವಾಗಿರುತ್ತೇವೆಂದು ಖಾನ್ ಹೇಳಿದ್ದಾಗಿ ಅಲ್ಲಿನ ಜನ ನಂಬುವ ಕಾರಣಕ್ಕೆ ಈ ಆಗಸ್ಟ್ 11 ನ್ನು ಬಲೂಚ್ ಜನ ಸ್ವಾತಂತ್ರ ದಿನವನ್ನಾಗಿ ಆಚರಿಸುತ್ತೇವೆಂದು ಘೋಷಿಸಿದ್ದಾರೆ. ಅಷ್ಟೇ ಅಲ್ಲದೆ, ಆಗಸ್ಟ್ 14 ಅಂದರೆ ಪಾಕಿಸ್ತಾನದ ಸ್ವಾತಂತ್ರ ದಿನಾಚರಣೆ, ಬಲೂಚ್ ಜನರಿಗೆ ಕೆಟ್ಟ ದಿನವಾಗಿದ್ದು, ಅಂದು ತಾವು ಕರಾಳ ದಿನ ಆಚರಿಸಲಿದ್ದೆವೆಂದು ತಿಳಿಸಿದ್ದಾರೆ, (ಏಜನ್ಸೀಸ್).