US-Iran ceasefire: ಶಾಂತಿ ಒಪ್ಪಂದ ಬಳಿಕವೂ 'ಅಣ್ವಸ್ತ್ರ ತಯಾರಿಸಿದ್ರೆ ಇರಾನ್​ಗೆ ನರಕ ತೋರಿಸ್ತೇವೆ':​ ಟ್ರಂಪ್ ವಾರ್ನಿಂಗ್!

ಅಮೆರಿಕ ಮತ್ತು ಇರಾನ್ ಮಧ್ಯೆಯ ಐತಿಹಾಸಿಕ ಕದನ ವಿರಾಮವನ್ನು ಅರವತ್ತು ದಿನದವರೆಗೂ ವಿಸ್ತರಿಸುವ ಶಾಂತಿ ಒಪ್ಪಂದಕ್ಕೆ ಬಂದಿದ್ದು. ಇರಾನ್ ಬಂದರುಗಳ ಮೇಲಿನ ಅಮೆರಿಕದ ನೌಕಾ ದಿಗ್ಬಂಧನವನ್ನು ತಕ್ಷಣದಿಂದ ಜಾರಿಗೆ ಬರುವಂತೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಸೂಚನೆ ಕೊಟ್ಟಿದ್ದಾರೆ. ಒಪ್ಪಂದಕ್ಕೆ ಅಧಿಕೃತ ಸಹಿ ಹಾಕುವ ಸಮಾರಂಭವು ಜೂನ್ 19 ರಂದು ಸ್ವಿಟ್ಜರ್ಲೆಂಡ್‌ನಲ್ಲಿ ನಡೆಯಲಿದೆ ಎನ್ನಲಾಗಿದೆ.

'ಇರಾನ್​ ಅಣ್ವಸ್ತ್ರ ಹೊಂದುವುದನ್ನು ತಡೆಯಲು ಇರುವ ಪ್ರಮುಖ ಅಸ್ತ್ರ ಇದಾಗಿದೆ. ಶಾಂತಿ ಒಪ್ಪಂದದ ಮಾತುಕತೆಯ ನಂತರವೂ ​ ಇರಾನ್​ ತನ್ನ ನಿಯಮ ಉಲ್ಲಂಘೀಸಿ ಅಣ್ವಸ್ತ್ರ ತಯಾರಿಕೆಯನ್ನು ಮತ್ತೆ ಶುರುವಿಟ್ಟುಕೊಂಡರೆ ನರಕ ದರ್ಶನ ಮಾಡಿಸುತ್ತೇವೆ. ಎಲ್ಲ ಪ್ರದೇಶಗಳನ್ನು ಸರ್ವನಾಶ ಮಾಡಿಬಿಡುತ್ತೇವೆ' ಎಂದು ಟ್ರಂಪ್​ ವಾರ್ನಿಂಗ್​ ಕೊಟ್ಟಿದ್ದಾರೆ.

ಇರಾನ್​ ಜೊತೆಗಿನ ಶಾಂತಿ ಒಪ್ಪಂದ ಕೊನೆಗೊಳಿಸುವ ಕೆಲವು ಗಂಟೆಗಳ ಹಿಂದೆ ಬೈರೂತ್​ ಮೇಲೆ ಇಸ್ರೇಲ್​ ದಾಳಿ ನಡೆಸಿತ್ತು. ನೆತಾನ್ಯಾಹುರ ಈ ನಡೆಯನ್ನು ಖಂಡಿಸಿದ ಅವರು, ಇಸ್ರೇಲ್​ನ ಈ ನಿರ್ಧಾರ ನನಗೆ ನಿಜಕ್ಕೂ ಇಷ್ಟವಾಗಲಿಲ್ಲ. ನಾನಿಲ್ಲದೆ ಇಸ್ರೇಲ್​ ಇರುತ್ತಿರಲಿಲ್ಲ . ಯಾಕೆಂದರೆ ನಾನು ಮಾಡಿದ ಸಹಾಯದಂತೆ ಬೇರೆ ಯಾವುದೇ ಅಧ್ಯಕ್ಷರು ಇಸ್ರೇಲ್​ಗೆ ಮಾಡಿಕೊಡಲು ಸಿದ್ಧರಿರಲಿಲ್ಲ' ಎಂದು ಟ್ರಂಪ್​ ಹೇಳಿದ್ದಾರೆ.

'ನಮ್ಮ ಅತ್ಯುನ್ನತ ರಾಜಕೀಯ ಮತ್ತು ಧಾರ್ಮಿಕ ನಾಯಕ ಖಮೇನಿ ಹತ್ಯೆ ವಿರುದ್ಧ ಟೆಹ್ರಾನ್ ಸೇಡು ತೀರಿಸಿಕೊಳ್ಳುತ್ತದೆ. ಇಲ್ಲಿನ ಹಿರಿಯ ಮಿಲಿಟರಿ ಅಧಿಕಾರಿಗಳು, ರಾಜಕೀಯ ನಾಯಕರನ್ನು ಕೊಂದ ರಾಕ್ಷಸ ರಾಷ್ಟ್ರ' ಅದು ಎಂದು ಇರಾನ್ ಸಂಸತ್ತಿನ ರಾಷ್ಟ್ರೀಯ ಭದ್ರತೆ ಮತ್ತು ವಿದೇಶಾಂಗ ನೀತಿ ಸಮಿತಿಯ ಸದಸ್ಯರೊಬ್ಬರು ಕಿಡಿಕಾರಿದ್ದಾರೆ.