ಜಪಾನ್: ( Fish ) ಟೋಕಿಯೊದ ಟೊಯೊಸು ಮೀನು ಮಾರುಕಟ್ಟೆಯಲ್ಲಿ 2026ರ ಮೊದಲ ಹರಾಜಿನಲ್ಲಿ 243 ಕೆಜಿ ತೂಕದ ಬ್ಲೂಫಿನ್ ಟ್ಯೂನ ಮೀನು 29 ಕೋಟಿ ರೂಪಾಯಿಗೂ ಹೆಚ್ಚಿನ ಬೆಲೆಗೆ ಮಾರಾಟವಾಗಿದೆ.
2019ರಲ್ಲಿ, 278 ಕಿಲೋಗ್ರಾಂಗಳಷ್ಟು ಬ್ಲೂಫಿನ್ ಟ್ಯೂನ ಮೀನುಗಳು ಸುಮಾರು 19 ಕೋಟಿ (190 ಮಿಲಿಯನ್ ರೂಪಾಯಿಗಳು) ಗೆ ಮಾರಾಟವಾಗಿತ್ತು. ಕಳೆದ ವರ್ಷ, ಅಗ್ರ ಬಿಡ್ದಾರರು 276 ಕಿಲೋಗ್ರಾಂಗಳಷ್ಟು ಬ್ಲೂಫಿನ್ ಟ್ಯೂನ ಮೀನುಗಳಿಗೆ 12 ಕೋಟಿ (120 ಮಿಲಿಯನ್ ರೂಪಾಯಿಗಳು) ಪಾವತಿಸಿದ್ದರು. ಆದರೆ ಈ ಭಾರಿ 243 ಕೆಜಿ ತೂಕ ಇರುವ ಈ ಮೀನು ಬರೋಬ್ಬರಿ 29 ಕೋಟಿ ರೂಪಾಯಿಗೆ ಮಾರಾಟವಾಗಿದೆ.
ಜಪಾನ್ನ ಖ್ಯಾತ ಸುಶಿ ರೆಸ್ಟೋರೆಂಟ್ ಸರಣಿ 'ಸುಶಿ ಜನ್ಮೈ' (Sushi Zanmai) ಮಾಲೀಕ ಮತ್ತು 'ಟ್ಯೂನಾ ಕಿಂಗ್' ಎಂದೇ ಕರೆಯಲ್ಪಡುವ ಕಿಯೋಶಿ ಕಿಮುರಾ (Kiyoshi Kimura) ಅವರು ಈ ದಾಖಲೆ ಬೆಲೆಯ ಬಿಡ್ ಮಾಡಿ ಮೀನು ಸುಮಾರು 243 ಕೆಜಿ ತೂಕದ ಮೀನನನ್ನು ಖರೀದಿಸುವ ಮೂಲಕ ತಮ್ಮದೇ ಹಳೆಯ ದಾಖಲೆಯನ್ನು ಮುರಿದಿದ್ದಾರೆ.
ದಾಖಲೆ ಬೆಲೆಗೆ ಖರೀದಿಸಿದರೂ ಸಹ, ಕಿಮುರಾ ಅವರು ತಮ್ಮ ಗ್ರಾಹಕರಿಗೆ ಸಾಮಾನ್ಯ ದರದಲ್ಲೇ ಸುಶಿ ನೀಡಲಿದ್ದಾರೆ ಎಂದು ತಿಳಿದುಬಂದಿದೆ.
ಈ ವಿಶೇಷ ಮೀನನ್ನು ಉತ್ತರ ಜಪಾನ್ನ ಓಮಾ (Oma) ಕರಾವಳಿಯಲ್ಲಿ ಹಿಡಿಯಲಾಗಿತ್ತು. ಓಮಾ ಪ್ರದೇಶದ ಟ್ಯೂನಾ ಮೀನುಗಳು ಅತ್ಯುತ್ತಮ ಗುಣಮಟ್ಟಕ್ಕೆ ಹೆಸರುವಾಸಿಯಾಗಿವೆ.
ಜಪಾನ್ನಲ್ಲಿ ಹೊಸ ವರ್ಷದ ಮೊದಲ ಹರಾಜಿನಲ್ಲಿ ಮೀನು ಖರೀದಿಸುವುದನ್ನು ಒಂದು ಶುಭ ಸೂಚನೆ ಎಂದು ಪರಿಗಣಿಸಲಾಗುತ್ತದೆ. ಇದು ವ್ಯಾಪಾರದಲ್ಲಿ ಅದೃಷ್ಟ ತರುತ್ತದೆ ಎಂಬ ನಂಬಿಕೆ ಇದೆ. ಅಷ್ಟೇ ಅಲ್ಲದೆ, ಇಷ್ಟು ದೊಡ್ಡ ಮೊತ್ತದ ಹರಾಜು ರೆಸ್ಟೋರೆಂಟ್ಗೆ ದೊಡ್ಡ ಮಟ್ಟದ ಪ್ರಚಾರವನ್ನೂ ನೀಡುತ್ತದೆ.
ಬ್ಲೂಫಿನ್ ಟ್ಯೂನ ಮೀನು ಏಕೆ ಇಷ್ಟೊಂದು ದುಬಾರಿಯಾಗಿದೆ ಎಂದು ನೀವು ಆಶ್ಚರ್ಯ ಪಡುತ್ತಿರಬಹುದು. ಅತ್ಯುತ್ತಮ ಸುವಾಸನೆ ಮತ್ತು ರುಚಿಯಾದ ಅತ್ಯಂತ ಮೃದುವಾದ ಮಾಂಸಕ್ಕೆ ಈ ಮೀನು ಹೆಸರುವಾಸಿಯಾಗಿದೆ. ಹೀಗಾಗಿಯೇ ವಿಶ್ವದಾದ್ಯಂತ ಸುಶಿ (Sushi) ಮತ್ತು ಸಾಶಿಮಿ (Sashimi) ಖಾದ್ಯಗಳ ತಯಾರಿಕೆಯಲ್ಲಿ ಇದಕ್ಕೆ ಭಾರೀ ಬೇಡಿಕೆಯಿದೆ.
ಇದು ಅಪರೂಪದ ಮೀನು ಮಾತ್ರವಲ್ಲದೆ, ಜಪಾನ್ನ ಹೊಸ ವರ್ಷದ ಮೊದಲ ಹರಾಜಿನಲ್ಲಿ ಈ ಮೀನನ್ನು ಖರೀದಿಸುವುದು 'ಅದೃಷ್ಟದ ಸಂಕೇತ' ಎಂದು ಪರಿಗಣಿಸಲಾಗುತ್ತದೆ. ಇದೇ ಕಾರಣಕ್ಕೆ ಇದು ಕೋಟ್ಯಂತರ ರೂಪಾಯಿಗೆ ಹರಾಜಾಗುತ್ತದೆ. ಸಾಗರದಲ್ಲಿ ಅತಿ ವೇಗವಾಗಿ ಮತ್ತು ಅತಿ ದೂರದವರೆಗೆ ಪ್ರಯಾಣಿಸುವ ಸಾಮರ್ಥ್ಯ ಹೊಂದಿರುವ ದೊಡ್ಡ ಮೀನುಗಳಲ್ಲಿ ಇದು ಕೂಡ ಒಂದಾಗಿರುವುದರಿಂದ ಈ ಮೀನು ವಿಶೇಷವಾಗಿದೆ.