ನವದೆಹಲಿ: ಬಸ್, ಟ್ರೈನ್ಗಳಲ್ಲಿ ಸೀಟ್ಗಾಗಿ ಕಿತ್ತಾಡುವ ಪ್ರಯಾಣಿಕರನ್ನು ನಾವು ನೋಡಿದ್ದೇವೆ. ಕೆಲವೊಮ್ಮೆ ಸೀಟ್ಗಾಗಿ ಬ್ಯಾಗ್, ಕರವಸ್ತ್ರವನ್ನು ಹಾಕಿ ಬುಕ್ ಮಾಡುವ ಪ್ರಯಾಣಿಕರನ್ನು ನಾವು ನೋಡಿದ್ದೇವೆ. ಆದರೆ ವಿಮಾನದಲ್ಲಿ ಸೀಟ್ ಬುಕ್ಮಾಡಿ ಕಾಯ್ದಿರಿಸಲಾಗುತ್ತದೆ. ಆದರೆ ಇಲ್ಲೊಬ್ಬ ಪ್ರಯಾಣಿಕರು ತಾವು ಬುಕ್ ಮಾಡಿದ್ದ ಸೀಟು ನಾಪತ್ತೆಯಾಗಿರುವುದನ್ನು ಕಂಡು ಆಶ್ಚರ್ಯಕ್ಕೋಳಗಾದ ಘಟನೆ ನಡೆದಿದೆ.
ಇಂಡಿಗೋ ವಿಮಾನದಲ್ಲಿ ಪುಣೆಯಿಂದ ನಾಗ್ಪುರಕ್ಕೆ ಪ್ರಯಾಣಿಸುತ್ತಿದ್ದ ಸಾಗರಿಕಾ ಎಂಬ ಪ್ಯಾಂಸೆಂಜರ್ ತನ್ನ ಸೀಟ್ ತಲುಪಿದಾಗ ಸೀಟ್ ಕುಶನ್ ಕಾಣೆಯಾಗಿದ್ದನ್ನು ಕಂಡು ಆಘಾತಕ್ಕೊಳಗಾಗಿದ್ದಾಳೆ. ಇಂಡಿಗೋ ಫ್ಲೈಟ್ 6E6798 ರಲ್ಲಿ.. ನಾಗಪುರದ ನಿವಾಸಿ ಸಾಗರಿಕಾ ಪಟ್ನಾಯಕ್ ಅವರಿಗೆ ವಿಂಡೋ ಸೀಟ್ 10 ಎ. ಸೀಟಿನಲ್ಲಿ ಕೂರಲು ಹೋದಾಗ ಸೀಟಿನ ಕುಶನ್ ಕಾಣೆಯಾಗಿತ್ತು. ಇದರೊಂದಿಗೆ, ಅವಳು ತಕ್ಷಣ ಕ್ಯಾಬಿನ್ ಸಿಬ್ಬಂದಿ ಗಮನಕ್ಕೆ ತಂದಿದ್ದಾರೆ.
ಈ ಘಟನೆ ಬಗ್ಗೆ ಸಾಗರಿಕಾ ಪತಿ ಸುಬ್ರತ್ ಪಟ್ನಾಯಕ್ ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಆದರೆ ಇಂಡಿಗೋ ವಿಮಾನ ಸಿಬ್ಬಂದಿಯೊಂದಿಗೆ ಚರ್ಚಿಸಿದ ನಂತರ ಸೀಟ್ ಕುಶನ್ ನೀಡಲಾಯಿತು. ಇಂತಹ ಉತ್ತಮ ವಿಮಾನಯಾನ ಸಂಸ್ಥೆಯು ಅದನ್ನು ಪರಿಶೀಲಿಸದಿದ್ದರೆ ಹೇಗೆ ಎಂಬುದು ನನ್ನ ಪ್ರಶ್ನೆ?" ಎಂದು ಸುಬ್ರತ್ ಪಟ್ನಾಯಕ್ ತಮ್ಮ 'ಎಕ್ಸ್' ಖಾತೆಯಲ್ಲಿ ಪೋಸ್ಟ್ ಮಾಡಿದ್ದಾರೆ.
ಆದರೆ ಇಂಡಿಗೋ ಏರ್ಲೈನ್ಸ್ ಸುಬ್ರತ್ ಪಟ್ನಾಯಕ್ ಅವರ ಪೋಸ್ಟ್ಗೆ ಪ್ರತಿಕ್ರಿಯಿಸಿದೆ. ಹಾಯ್.. ಇದು ನಿಜವಾಗಿಯೂ ಒಳ್ಳೆಯ ವಿಧಾನವಲ್ಲ. ಕೆಲವೊಮ್ಮೆ ಸೀಟ್ ವೆಲ್ಕ್ರೋದಿಂದ ಸಡಿಲಗೊಳ್ಳುತ್ತವೆ. ನಮ್ಮ ಸಿಬ್ಬಂದಿಯ ಸಹಾಯದಿಂದ ಮತ್ತೆ ಬದಲಾಯಿಸಬಹುದು. ನಿಮ್ಮ ಅನಾನುಕೂಲತೆಗಾಗಿ ನಾವು ವಿಷಾದಿಸುತ್ತೇವೆ. ಭವಿಷ್ಯದಲ್ಲಿ ನಿಮಗೆ ಉತ್ತಮ ಸೇವೆಗಳನ್ನು ಒದಗಿಸುವ ಭರವಸೆಯನ್ನು ಇಂಡಿಗೋ ಏರ್ಲೈನ್ಸ್ ಪೋಸ್ಟ್ ಮಾಡಿದೆ.
ಇದೀಗ ಈ ವಿಷಯ ಚರ್ಚೆಗೆ ಗ್ರಾಸವಾಗಿದೆ. ಇದುವರೆಗೆ ಇಂಡಿಗೋ ವಿಮಾನಗಳಲ್ಲಿ ಅನೇಕ ಪ್ರಯಾಣಿಕರು ಇದೇ ರೀತಿಯ ನಿರ್ವಹಣೆ ದೋಷಗಳನ್ನು ಎದುರಿಸಿದ್ದಾರೆ. ಇದೀಗ ಈ ವಿಷಯ ಮತ್ತೊಮ್ಮೆ ಚರ್ಚೆಗೆ ಗ್ರಾಸವಾಗಿದ್ದು, ಹಲವು ನೆಟ್ಟಿಗರು ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಪ್ರಯಾಣಿಕರಿಗೆ ಸಂಪೂರ್ಣ ಕ್ರಿಯಾತ್ಮಕ ಮತ್ತು ಸುರಕ್ಷಿತ ಆಸನಗಳನ್ನು ಒದಗಿಸುವುದು ತಮ್ಮ ಜವಾಬ್ದಾರಿ. ಬಸ್ನಂತೆ ಇಲ್ಲೂ ಸೀಟ್ ಬಿಡಲ್ವಾ? ಎಂದು ಹೇಳಿದ್ದಾರೆ.