ನವದೆಹಲಿ: ಸ್ಪೇನ್ನಲ್ಲಿ 24 ಗಂಟೆ ಅವಧಿಯಲ್ಲಿ 950 ಮಂದಿ ಕರೊನಾ ಪಿಡುಗಿಗೆ ಬಲಿಯಾಗಿದ್ದಾರೆ. ಇದು ಇದುವರೆಗಿನ ದಾಖಲೆಯಾಗಿದೆ. ತನ್ಮೂಲಕ ಸ್ಪೇನ್ನಲ್ಲಿ ಕರೊನಾದಿಂದ ಸತ್ತವರ ಸಂಖ್ಯೆ 10 ಸಾವಿರ ದಾಟಿದೆ.
ಇಟಲಿಯಲ್ಲಿ ಕರೊನಾ ಪಿಡುಗಿನಿಂದ ಒಂದೇ ದಿನ 919 ಜನ ಮೃತಪಟ್ಟಿದ್ದು ಇದುವರೆಗಿನ ದಾಖಲೆಯಾಗಿತ್ತು. ಸ್ಪೇನ್ನಲ್ಲಿ ಮಂಗಳವಾರ 864 ಮಂದಿ ಸತ್ತಿದ್ದರು.
ಗುರುವಾರ 8,102 ಜನರಿಗೆ ಕರೊನಾ ವೈರಸ್ ಸೋಂಕು ತಗುಲಿರುವುದು ಖಚಿತಪಟ್ಟಿದ್ದು, ಒಟ್ಟು ಸೋಂಕಿತ ಸಂಖ್ಯೆ 1,19,238 ತಲುಪಿರುವುದಾಗಿ ಸ್ಪೇನ್ನ ಆರೋಗ್ಯ ಸಚಿವಾಲಯ ತಿಳಿಸಿದೆ.
ಕೋವಿಡ್ -19ನಿಂದಾಗಿ ಇಟಲಿಯಲ್ಲಿ ಗರಿಷ್ಠ 13,155 ಜನರು ಮೃತಪಟ್ಟಿದ್ದು, ಸ್ಪೇನ್ 2ನೇ ಸ್ಥಾನದಲ್ಲಿದೆ. ಸೋಂಕಿತರ ಸಂಖ್ಯೆಯ ಪಟ್ಟಿಯಲ್ಲಿ ಅಮೆರಿಕ (2,15,344) ಮತ್ತು ಇಟಲಿ (1,10,574) ನಂತರದ ಸ್ಥಾನದಲ್ಲಿದೆ.