ಬೆಂಗಳೂರು ಇಂದಿರಾಗಾಂಧಿ ರಾಷ್ಟ್ರೀಯ ಮುಕ್ತ ವಿಶ್ವವಿದ್ಯಾಲಯವು (ಇಗ್ನೊ) 2024ನೇ ಸಾಲಿನ ಡಿಪ್ಲೊಮೊ, ಪ್ರಮಾಣಪತ್ರ, ಪಿಜಿ ಡಿಪ್ಲೊಮೊ, ಪದವಿ ಮತ್ತು ಸ್ನಾತಕೋತ್ತರ ಕೋರ್ಸ್ಗಳ ಪ್ರವೇಶಕ್ಕಾಗಿ ಅರ್ಜಿ ಆಹ್ವಾನಿಸಿದೆ.
ಇದೇ ಮೊದಲ ಬಾರಿಗೆ ಎಂಬಿಎ ಕನ್ಸಟ್ರಕ್ಷನ್ ಮ್ಯಾನೇಜ್ಮೆಂಟ್, ಲಾಜಿಸ್ಟಿಕ್ ಆೃಂಡ್ ಸಪ್ಲೈ ಚೈನ್ ಮ್ಯಾನೇಜ್ಮೆಂಟ್, ಅಗ್ರಿ ಬಿಜಿನೆಸ್, ಕಾರ್ಪೋರೇಟ್ ಗವರ್ನಸ್, ಹೆಲ್ತ್ಕೇರ್ ಆೃಂಡ್ ಹಾಸ್ಪಿಟಲ್ ಮ್ಯಾನೇಜ್ಮೆಂಟ್, ಎಂ.ಇಡಿ. ಮತ್ತು ಬಿ.ಇಡಿ., (ವಿಶೇಷ ಶಿಕ್ಷಣ) ಕೋರ್ಸ್ಗಳನ್ನು ಆರಂಭಿಸುತ್ತಿದೆ.
ಪಿಜಿ ಡಿಪ್ಲೊಮೊದಲ್ಲಿ ವಿಪತ್ತು ಅಪಾಯ ಕಡಿತ ಮತ್ತು ನಿರ್ವಹಣೆ, ಕೃಷಿ ವೆಚ್ಚ ನಿರ್ವಹಣೆ, ತೋಟಗಾರಿಕೆ, ಮಗುವಿನ ಆರಂಭಿಕ ಕಲಿಕೆ ವಿಷಯದಲ್ಲಿ ವಿಶೇಷ ಶಿಕ್ಷಣ ಸೇರಿ ಹಲವು ಕೋರ್ಸ್ಗಳಿಗೆ ಅರ್ಜಿ ಆಹ್ವಾನಿಸಿದೆ.
ಆಸಕ್ತ ವಿದ್ಯಾರ್ಥಿಗಳು ಇಗ್ನೊ ವೆಬ್ಸೈಟ್ http://ignouadmission.samarth.edu.in/ ನಲ್ಲಿ ಆನ್ಲೈನ್ ಮೂಲಕ ಅರ್ಜಿ ಸಲ್ಲಿಸಬಹುದು. ವಿದ್ಯಾರ್ಥಿಗಳು ದಾಖಲಾತಿಗಳನ್ನು ಸಲ್ಲಿಸಲು ತಮಗೆ ಅನುಕೂಲವಾಗುವ ಕೇಂದ್ರಗಳನ್ನು ಆಯ್ಕೆ ಮಾಡಿಕೊಳ್ಳಬಹುದಾಗಿದೆ.
ಈ ಕುರಿತು ಮಾತನಾಡಿರುವ ಇಗ್ನೊ ಪ್ರಾದೇಶಿಕ ಹಿರಿಯ ನಿರ್ದೇಶಕಿ ಡಾ. ಎಸ್. ರಾಧಾ, ಎಂಬಿಎ ಕೋರ್ಸ್ಗೆ ಪರೀಕ್ಷೆ ನಡೆಸದೆಯೇ ನೇರವಾಗಿ ಪ್ರವೇಶ ಕಲ್ಪಿಸಲಾಗುತ್ತಿದೆ. ಆರ್ಥಿಕವಾಗಿ ಹಿಂದುಳಿದ ಮತ್ತು ಪರಿಶಿಷ್ಟ ಜಾತಿ ಮತ್ತು ಪಂಗಡ ವಿದ್ಯಾರ್ಥಿಗಳಿಗೆ ರಿಯಾಯಿತಿ ನೀಡಲಾಗುತ್ತದೆ. ಅರ್ಹ ವಿದ್ಯಾರ್ಥಿಗಳು ಕೇಂದ್ರ ಸರ್ಕಾರದ ಮೆರಿಟ್ ವಿದ್ಯಾರ್ಥಿವೇತನಕ್ಕೆ ಅರ್ಜಿ ಸಲ್ಲಿಸಬಹುದಾಗಿದೆ. ವಿದ್ಯಾಲಕ್ಷ್ಮೀ ಪೋರ್ಟಲ್ ಮೂಲಕ ಅರ್ಜಿ ಸಲ್ಲಿಸಬಹುದಾಗಿದೆ ಎಂದು ಹೇಳಿದ್ದಾರೆ.
ಹೆಚ್ಚಿನ ಮಾಹಿತಿಗೆ 94493 37272 (ವಾಟ್ಸ್ ಆೃಪ್) ಸಂಪರ್ಕಿಸಬಹುದು