ಬೆಂಗಳೂರು: ಇಂದು ಮತ್ತೆ ಸಂಪುಟ ಸರ್ಕಸ್ ಶುರುವಾಗಿದ್ದು ರಾಜಧಾನಿ ದೆಹಲಿಗೆ ಸಿದ್ದರಾಮಯ್ಯ ಮತ್ತು ಡಿಕೆಶಿ ಹೋಗಿದ್ದಾರೆ.
ಸಿಎಂ ಹಾಗೂ ಡಿಸಿಎಂ ಮಧ್ಯೆ ಒಮ್ಮತ ಮೂಡಿದಲ್ಲಿ ಇಂದೇ ಸಚಿವರ ಪಟ್ಟಿ ಫೈನಲ್ ಆಗಲಿದೆ. ಈಗಾಗಲೇ ಡಿ ಕೆ ಶಿವಕುಮಾರ್ ಹಾಗೂ ಸಿದ್ದರಾಮಯ್ಯ ಸಂಭಾವ್ಯ ಸಚಿವರ ಪಟ್ಟಿ ಸಿದ್ಧಪಡಿಸಿಕೊಂಡಿದ್ದಾರೆ. ನಿನ್ನೆ ಕೆಸಿ ವೇಣುಗೋಪಾಲ್ ಜತೆ ಉಭಯ ನಾಯಕರು ಸಂಭಾವ್ಯ ಸಚಿವರ ಕುರಿತಾಗಿ ಚರ್ಚಿಸಿದ್ದರು.
ಇಂದು 10 ಗಂಟೆಗೆ ಮತ್ತೆ ಸಭೆ ಶುರುವಾಗಲಿದ್ದು ಜಾತಿವಾರು, ವಲಯವಾರು ಪ್ರಕಾರ ಸಚಿವ ಸ್ಥಾನ ಹಂಚಿಕೆ ನಡೆಸಲು ಲೆಕ್ಕಾಚಾರ ನಡೆಸಲಾಗಿದೆ. 34 ಸಚಿವ ಸ್ಥಾನಗಳ ಪೈಕಿ 10 ಸ್ಥಾನ ಭರ್ತಿಯಾಗಿದ್ದು ಉಳಿದ 24ರ ಪೈಕಿ 17 ಸ್ಥಾನ ಇಂದು ಫೈನಲ್ ಆಗುವ ಸಾಧ್ಯತೆ ಇದೆ. ಎಲ್ಲವೂ ಅಂದುಕೊಂಡಂತೆ ಆದಲ್ಲಿ ಇದೇ ಭಾನುವಾರ ನೂತನ ಸಚಿವರ ಪ್ರಮಾಣ ವಚನ ಕಾರ್ಯಕ್ರಮ ನಡೆಯಲಿದೆ. (ದಿಗ್ವಿಜಯ ನ್ಯೂಸ್)